فـ المستشفى .. فـ اوضه هاديه النور داخلها منور كل حاجه فيها الا قلب حب وعشق ورفض يقبل اي نور تاني غير نور اللي عشقه .. قلب داب من كتر ما استنى والنهارده اتراهن يا يعيش من غير نوره يا يموت وهو مستنيه..
ملك (بتفتح عنيها) : انا فين ؟
سالي : حبيبتي اهدي .. انتي تعبتي شويه وجبناكي هنا
ملك (بدموع) : انا فعلا تعبانه .. تعبانه اوي
سالي دموعها نازله فـ سكوت وملك بتتكلم وهى بتعيط .. صوتها الضعيف كان اقوى من اقوى صرخة وقتها .. وفجأه الباب اتفتح
الشخص : ممكن ادخل ؟
بصت سالي بفجأه وحولت ملك عيونها بالبطيء ناحيه الباب .. صدمه .. دهشه .. ضربات قلب بتقوى وتزيد .. احساس بالوجع وبالاشتياق وبالحب .. السكوت كان سيد الموقف بس اكتر حاجه كانت بتتكلم وقتها هى العيون
فلاش بـــاك
صوت موبايل بيرن
ملك تفتح عنيها تحاول تقوم وتمسك الموبايل وترد:
ملك بصوت نايم:ألو
سالي(صاحبه ملك):كل داا علشان تردي
ملك:ايه دا..الناس بيقولوا صباح الخير الاول
سالي:حاضر..صباح الخير
ملك:صباح النور يا سالو
سالي:مش يلا بقا تصحي .. دي الساعه 5 وربع
ملك : ليه مصحياني الوقت دا كدا هنروح نقدم وانا مش فايقه
سالي:انا قولت اصحيكي تصلي الفجر وتدعي ربنا يكرمنا يعني يدوب نلحق وبردو..
ملك بتقاطعها:خلاص خلاص ايه الرغي دا خلاص فهمنا
سالي (بضحك) : خلاص ماشي فوقي وهعدي عليكي
ملك:خلاص ماشي..سلام
سالي:سلام
قامت ملك وخرجت من أوضتها ودخلت على أوضه مامتها شافتها قاعده على سجاده الصلاه بتدعيلها:
سعاد(والده ملك):يارب وفقها في حياتها وابعد عنها ولاد الحرام ويقويكي على اللي انتي فيه يا ملك يابنتي يارب
راحت ملك نحيتها ونزلت لـ مستوى مامتها وقالت وهى بتبوس ايدها
ملك:ويخليكي ليا ياست الكل
سعاد:ايه الي مصحيكي بدري يا ملك؟
ملك:ابدا ياماما ..دي سالي هى اللي صحتني وقالتلي هتعدي عليا
سعاد وهى بتقوم:ربنا معاكو يابنتي الحق احضرلك لقمه قبل ما تنزلي
ملك:ربنا يخليكي ليا ..وانا كمان هدخل الحمام اخد شاور واتوضأ واصلي
سعاد:ماشي يا حبيبتي
دخلت سعاد المطبخ وراحت ملك دخلت الحمام خدت شاور واتوضت وصلت ودعت ان ربنا يوفقها هيا وصحبتها
.. قامت فتحت الدولاب اختارت طقم لبسته وخرجت شافت مامتها بتحط الاكل
سعاد:يلا يا حبيبتي علشان تفطري
ملك:حاضر يا حبيبتي ارتاحي انتي بس
سعاد:ربنا يريح قلبك يا حبيبتي..
قعدت سعاد وجنبها ملك وبيفطروا
سعاد:ها استقريتي على ايه؟
ملك:كليه اداب قسم عربي ان شاء الله
سعاد:ان شاء الله ياملك..متنسيش تجيبي معاكي سالي علشان تتغدى معانا دي تلاقيها يا حبه عيني وحدانيه
ملك حاضر ياماما
ملك سمعت موبايلها بيرن شافت اسم سالي..
ملك في سرها:جيبنا في سيره القط
ملك:طب هقوم اروح انا ياماما..مش عايزة حاجه؟
سعاد:عايزاكي طيبه يابنتي..خلو بالكو من نفسكم
ملك:ان شاء الله..مع السلامه
سعاد:مع السلامه يا ملك
*******************
ملك نزلت شافت سالي راحت نحيتها
ملك:ازيك يا سالو؟
سالي:تمام..وانتي يا ملوكه؟
ملك:انا تمام الحمد لله
سالي:طيب يلا علشان منتأخرش
ملك:تمام يلا
وركبوا عربيه سالي وهما في العربيه
ملك:وايه الاخبار؟
سالي(بأستعباط):أخبار ايه؟
ملك:عليا انا يابت
سالي (بضحك) :دايما فقساني كدا
ملك:اكييييد قولي بقا
سالي:ياستي محمد(حبيب سالي) كويس جدا وشغله ماشي تمام وبيسلم عليكي اوي
ملك:الله يسلمه..ربنا يهنيكم ونفرح بيكم قريب
سالي:يسمع منك ربنا..هو انتي هتروحي تاخدي عربيتك امتى؟
ملك:والله معرفش يبقا نروح النهارده ونشوف
سالي:تمام
ملك:ها قدمنا كتير؟
سالي:لا خلاص وصلنا اهو
نزلوا ملك وسالي من العربيه ودخلو المبني وراحو عند باب التقديم وقدموا هما الاتنين وهيجوا نفس المكان بعد اسبوع ويشوفوا النتيجه..وبعدها قعدوا في كافيه قريب من المكان الي كانو فيه
سالي:انا خايفه منتقبلش
ملك:يابنتي ان شاء الله نتقبل خليكي متفائله
سالي:انا عايزة اعرف انتي جايبه الثقه دي كلها منين؟
ملك:يا سالي تفائلوا بـ الخير تجدوه ..وكمان صح كنتي هتنسيني اقولك انك هتيجي معايا علشان تتغدي معايا انا وماما دي مأكده عليا قبل ما أنزل
سالي:ربنا يخليكي يا طنط
ملك:وانا ايه يعني اطلع منهاا ولا ايه؟!
سالي: لا طبعا دا انتي اكتر من اختى .. انتي وطنط ماليين عليا حياتي بعد وفاه بابا وماما
ودمعت عين سالي
ملك وهى بتقرب الكرسي جنب سالي وبتحضنها:ربنا يرحمهم ..(وحاولت تخفف الجو) :يلا علشان منتأخرش وكمان يا ستي هاخدك بالليل ونتعشا في النادي وعلى حسابي
سالي:بجد..يااريت مفيش مشاكل
ملك:انتي ما صدقتي ولا ايه!
سالي:اه طبعا
ملك: ماشي ياستي يلا بقا علشان نلحق نروح
سالي: يلا
وركبوا العربيه وهما ماشيين......
نكمل الحلقه الجايه
