سالي قاعده مع ملك في الاوضه وفاتحه كتابها ومش مركزة فـ حاجه وسرحانه..
ملك : سالي .. سرحانه فـ ايه ؟
سالي : ........
ملك (بتمسك ايدها) : بقولك سرحانه في ايه ؟
سالي (بأنتباه وعيون مدمعه) : لا مفيش مش سرحانه
ملك : مالك يا سالي ؟
سالي : مفيش يا ملك
ملك: لا مفيش ازاي بس .. انتي من ساعة ما كنتي عندي اخر مره وانتي مش تمام .. حتى ماكنتيش بتردي عليا
سالي : انا اسفه اني سيبتك في ظروفك دي
ملك : ماتتأسفيش .. بس قوليلي فيكي ايه وايه اللي مغيرك كدا ؟
سالي : ضغط الامتحانات و....
ملك (بتقاطعها) : لا دي مش اول سنه نمتحن .. ماتتحججيش
سالي سكتت ومش عارفه تقول ايه .. ومش عايزه تحكي لـ صاحبتها عشان ماتزودش عليها همومها و في نفس الوقت متضايقه عشان مخبيه عليها .. وماكنش قدام سالي حل غير السكوت
ملك : وفين محمد من كل دا .. ازاي ساكت عليكي كدا
سالي : محمد !!
وقدام اسمه ماقدرتش تمسك نفسها وعيطت بحرقه..
ملك : بس بس .. اهدي في ايه .. حاجه حصلت بينك وبين محمد !!
سالي (بعياط) : لا .. لا مفيش
ملك : مفيش ازاي بس .. احكيلي حصل ايه ؟
سالي : محصلش حاجـ...
ملك (بتقاطعها) : لو ماقولتيش هتصل بيه واعرف منه
سالي : هيطلع نفسه مش غلطان قدامك
ملك : دا شكله موضوع كبير .. قوليلي. بس في ايه
سالي : حاضر .. هحكيلك
نسرين ماشية في الممر وهى سرحانه..
ريهام : نسرين .. ايه يابنتي !
نسرين : ايه يا ريهام .. عامله ايه ؟
ريهام : انا تمام .. انتي اللي فينك ومال شكلك متغير كدا ليه ؟
نسرين : ولا حاجه .. انا تمام
ريهام : لا طبعا تمام ايه .. انتي شكلك مش تمام خالص .. وكمان ايه حكايه لؤي .. كان مختفي هو كمان وابتدى يظهر الايام دي كتير .. ماكلمكيش في حاجه ؟
نسرين : لؤي ناوي يسافر
ريهام : ايه !! يسافر .. هيروح فين ؟
نسرين : ماعرفش ..
ريهام : انتي اتكلمتي معاه ؟
نسرين : ايوة
ريهام : طب وانتي زعلانه ليه انه هيسافر ؟
نسرين : انا .. زعلانه !!
ريهام : انتي حبتيه يا نسرين صح ؟
نسرين : حبيته !! .. اه انا حبيته
ريهام : ايوة واحسن انك ماكدبتيش على نفسك .. طب كنتي صارحيه
نسرين : كلمته وصدني
ريهام : قولتلك خافي عليه قبل ما تعرفي قيمته بعدين
نسرين : غصب عني يا نسرين ماكنتش شايفه غير كريم قدامي
ريهام : مادام حبيتي لؤي بجد يبقى انتي ماكنتيش بتحبي كريم .. قارني ما بين اللي كنتي بتحسه ناحيه كريم واللي بتحسيه دلوقتي ناحيه لؤي .. لو لقيتي ان الاتنين شبه بعض يبقى انتي ماحبتيش حد فيهم لكن لو مختلفين ودا الاكيد يبقى انتي بجد بتحبي لؤي
سكتت نسرين قدام كلام ريهام اللي متأكدة انه صح وحاولت تفتكر احساسها لما بتشوف كريم وضربات قلبها اللي بتتغير لما بقت تشوف لؤي واتأكدت ان احساسها ناحيه كريم ماكنش حب ..
ريهام : حاولي تكلمي لؤي تاني
نسرين : بيقفل اي باب مناقشه بينا
ريهام : ياستي حاولي تاني .. ماهو قعد شهور يحاول معاكي وانتي بتصديه .. اتعبي شويه بقا عشان ترجعيه ليكي
