في بيت ملك .. سالي واقفه على الباب
سالي: يلا يا ملك هنتأخر في اول يوم كدا
سعاد: يابنتي اتفضلي بدل ما انتي واقفه ع الباب كدا
سالي: ربنا يخليكي يا طنط .. بس احنا اصلا متأخرين
ملك خارجه من اوضتها..
ملك: اديني خلصت اهو
سالي: الف مبروك .. يلا بقا بجد اتأخرنا
ملك: مش عايزه حاجه يا ماما ؟
سعاد: سلامتك يا حبيبتي.. هتيجوا ع الغدا ؟؟
ملك: والله يا ماما مش عارفه اول يوم هيكون صعب تقريبا
سعاد: طيب يا حبيبتي .. خلي بالكوا على بعض يا بنات
سالي وملك: حااضر
ملك: اتفضلي اركبي يا زنانه
سالي:انتي هتزليني عشان هتسوقي انتي ولا ايه ؟
ملك: ياستي ولا ازلك ولا حاجه .. مش بتزني وهنتأخر اتفضلي اركبي
سالي(بتريقه): يزيد فضلك
ركبت سالي وملك وملك بتسوق ومشغله اغنيه عمرو دياب اغيب اغيب
سالي: يااارب .. لا كدا حرام هيجرالي حاجه
ملك سرحانه فـ كلمات الاغنيه..
سالي: بكلمك على فكره .. مـــــــــــــــــــــلك
ملك(بخضه): في ايه يا سالي .. سيبيني اركز ف الطريق
سالي: تركزي فـ الطريق ولا تركزي فـ الاغنيه
ملك: واحشني اوي يا سالي
سالي: ربنا يصبرني على ما ابتلاني
ملك: كدا ؟ طب اسكتي خالص بقاا
سالي:طب بجد انا كنت عايزه اكلمك ف موضوع
ملك: سيبي الموضوع لما نخلص عشان وصلنا
سالي: ياااه عـ الخوف والرهبه
ملك: يلا يا سالي ربنا يستر
.....................
محمد قاعد عـ مكتبه بيلعب بالقلم وبيصفر..
فادي: مالك يا محمد ؟؟
محمد: ........
فادي: يا محمــدد سرحان فـ ايه ؟
محمد: ايه يابني في ايه ؟؟
فادي: بكلمك مش بترد عليا
محمد: لا انا زي الفل اهو
فادي: بس اسكت يا محمد عـ اللي حصل النهارده .. دي الشركه مقلوبه
محمد: مقلوبه !! ليه في حاجه ؟
فادي: اه طبعا مـ انت مش معانا خاالص .. دا في صااروخ فـ الشركه
محمد: صاروخ !! ودا جابوه من بره ولا اخترعوا هنا ؟
فادي: لاحظ ان دمك خفيف
محمد: انت اللي كلامك اهبل
فادي(وهو بيمثل بأيده حركات ف الهوا): بقولك صااااروخ
محمد(وفهم قصده انها بنت): طول مـ انت عايش ف الجو النووي دا هتموت متفجر ان شاء الله
فادي: اصلك ماتعرفش مين دي ؟
محمد: ومش عايز اعرف يابني
فادي: يابني دي تبقا......
ويرن تليفون مكتب محمد..
محمد: الو .. ايوه يا فندم .. حاضر
فادي: شكله استاذ رشاد .. رايحله ؟؟
محمد: ايوه .. ربنا يستر
........................
كريم ماشي فـ الطرقه شاف لؤي مش واخد باله منه..
كريم: ماشي كداا مش تاخد بالك
لؤي: اسف يا كريم .. ازيك؟
كريم: مالك يا لؤي .. شكلك مش كويس
لؤي(بأبتسامة مجامله): لا ابدا
كريم: لا انت فعلا مش كويس .. تعالى نروح نقعد فـ الكاڤيتريا وقولي فيك ايه
