" تملي معاك "
"ولو حتاا بعيد عني في قلبي هواك"
" تملي معاك "
" تملي في بالي وفي قلبي ولا بنساك "
" تملي واحشني لو حتاا بكون وياك "
" تملي حبيبي بشتاقلك "
" تملي عنيا تندهلك "
" ولو حواليا كل الكون "
" بكون يا حبيبي محتاجلك " ..
كل كلمه كانت لها تأثير كبير على ملك وهى بتسمعها .. حاسه ان كلمات الاغنيه مكتوبه عشانها .. عشان توصف حالتها واللي حاسه بيه .. تاهت مع الاغنيه وهى مش عارفه طريق رجعوها منين بس كل اللي هى تعرفه انها حابه تتوه .. بس تتهوه في حبيبها وبس
فاقت من سرحانها على رنه جرس الشقه .. قامت تفتح شافت سالي دخلت وحضنتها..
ملك : مالك يا سالي شكلك فرحانه
سالي : معرفش يا لوكا والله .. حسيت فجأه اني فرحانه اووي وشايفه كل حاجه خلوه
ملك : ربنا يفرح قلبك .. طب ادخلي
سالي : لا ادخل ايه دا انتي اللي هتطلعي
ملك : اطلع فين !!
سالي : لا اقصد اقول نخرج .. فرحانه وعايزه اخرج
ملك : طب ماا نقضي اليوم هنا او عندك لازم خروج
سالي : ماهو انا فرحانه ويلا بقا مايبقاش دمك تقيل
ملك : حاضر ياستي هدخل البس
سابت ملك سالي ودخلت تلبس واول ما دخلت من اوضتها قفلت الباب وبتفتح الدولاب حست بالصداع بيهاجمها بس اشد من الاول .. حطت ايدها على درفه الدولاب..
ملك : ااه .. لا مش وقته خالص
وفجأه هداا الصداع لوحده .. خافت يتكرر دا قدام سالي اللي مش عايزه تحسسها بحاجه .. راحت ناحيه الكومود وطلعت من شنطتها الدوا وخدته .. وحاولت تستجمع قوتها وتلبس عشان ماتتأخرش عن صاحبتها..
…….................................................................
سالي قاعده في الصاله وبتلعب بموبايلها وفجأه رن عليها محمد..
سالي : الو .. الحمد لله .. انت ازيك ؟ .. انا عند ملك .. هنخرج شويه .. لا عادي والله بس مخنوقين من ضغط الدراسه .. لا هى كويسه .. معرفش يا محمد الدوخه دي بتفاجأها .. هى قالتلي انها راحت لدكتور واخدت دوا .. حاضر .. موضزع ايه ؟ .. ماله كريم !! .. تاني يا محمد مش انا قولتلك ملك مش هترضا .. انا معرفش هى حره .. وانا هخبي ايه بس ! .. ماشي .. سلام
قفلت سالي وهى بتهتف بكلام بينها وبين نفسها .. وبتلوم نفسها وفي نفس الوقت بتشفق على حال صاحبتها ..
سالي (لنفسها) : طب اعمل ايه انا .. لو مكلمتهاش هيشك .. ولو كلمتها هتتضايق خصوصا بعد ظهور عمرو المفاجاأ دا .. هو ممكن بحس بيها فعلا ولا ايه .. بس انا شايفه ان كريم يستاهلها اكتر .. بس هو فعلا القلب ومايريد بس بردو العقل لازم نحكمه في حاجات يعني ..
خرجت ملك وشافت صاحبتها بتكلم نفسها..
ملك (بضحك) : مالك يا سالو .. حبيبتي انتي اتجننتي ؟
سالي : اعملك ايه مـ انتي تجنني بلد
ملك : ان !! هو انا عملت حاجه ؟
سالي : طب يلا بس ننزل وهحكيلك
