بعدت ليه ؟؟

الحلقه السادسه عشر

ملك نايمه على سريرها وفاتحه عنيها وبالها مشغول بتفكر لحد ما موبايلها رن وقطع تفكيرها..

ملك : الو
سالي : الو .. ازيك يا حبيبتي دلوقتي ؟
ملك : الحمد لله احسن
سالي : بتاخدي الدوا
ملك : اه باخده ماتقلقيش
سالي : بصراحه انا عايزه اطلب منك طلب
ملك : اطلبي يا حبيبتي
سالي : ممكن تجيلي النهارده
ملك : حاضر اجيلك .. بس ليه ؟
سالي : خمني المفجأه يا ملك
ملك (بتفكير) : لا .. مش عارفه
ساالي : محمد كلمني
ملك : دي المفجأه !!
سالي : المفجأه هو الكلام اللي قالهولي
ملك : ليه هو قال ايه ؟
سالي : قال انه جاي يقابل خالتو النهارده
ملك : حصل حاجه ولا ايه ؟
سالي : جاي يطلبني منها يا ملك
ملك (بفرحه) : يا حبيبتي يا سالو .. ربنا يفرحك ويتمم بخير
سالي : ربنا يخليكي ليا .. يعني هتيجي ؟
ملك : طبعا .. دا اسعد يوم في عمري اللي هشوف فيه اختي فرحانه
سالي : عقبالك يا لوكه
ملك : ربنا يخليكي
سالي : هروح بقا اساعد خالتو
ملك : ماشي وسلميلي عليها
سالي : يوصل .. سلام
ملك : سلام

قفلت ملك مع سالي وهى في بالها عمرو اول ما سالي قالت " عقبالك " .. كان نفسها عمرو يكون ليها واتمنت دا بجد .. ودعت انها تقابله تاني ويكون ليها..

……………………………………………..

كريم ماشي في الممر ودخل مكتبه .. شاف موبايله بيرن .  مسكه ورد..

كريم : مابتفتكرنيش غير في المناسبات
محمد : تصدق صح .. مـ انا عايزك في مناسبه
كريم (بضحك) : طب قولي الاول اخبارك ايه ؟؟
محمد : انا تمام وانت عامل ايه ؟
كريم : ايه المناسبة المره دي ؟
محمد : هخطب عقبالك
كريم : يا سيدي ع الهزار
محمد : هزار ايه بقولك هخطب
كريم : هتخطب مين ؟
محمد : انت عبيط يابني .. هو انا اعرف مين غيرها اخطبه !
كريم : سالي !!
محمد : ايوة
كريم : الف مبروك يا صاحبي
محمد : الله يبارك فيك .. عايزك تظبط نفسك كدا عشان انت معايا في المشوار دا
كريم : باين ان النهارده يوم المناسبات
محمد : اشمعنا ؟
كريم : عندي خطوبة صاحبي النهارده بردو
محمد : يعني كدا مش هينفع تيجي
كريم : لا اشطا .. لما تخلص وكدا هبقا اروح اباركله وامشي تاني .. بس انا ماعنديش غير محمد واحد
محمد : حبيبي .. عقبالك
كريم : يسمع منك ربنا .. اجيلك على كام ؟
محمد : انا بقول 7
كريم : 7 بالظبط هكون عندك
محمد : ان شاء الله .. سلام
كريم : سلام

قفل كريم مع محمد وهو فرحان عشان صاحبه وبيدعيله بالتساهيل .. وان ربنا يحققله امنيته

………………………………………………….

يرن تليفون نسرين وتحاول تفوق وترد ع الموبايل..

نسرين : الو
لؤي : صباح الخير يا قلبي
نسرين (بأبتسامه) : صباح النور
لؤي : يلا حبيبتي فوقي كدا .. النهاده يوم طويل
نسرين : حاضر .. انا فوقت خلاص
لؤي : عايز النهارده اشوف احلى عروسه .. وانتي حلوه علطول
نسرين : وانت بكاش علطول
لؤي : طول عمري
نسرين : ايه !!
لؤي : بقولك تقومي تظبطي نفسك بقا
نسرين (بضحك) : حاضر
لؤي : يلا حبيبتي مش عايزه حاجه ؟
نسرين : ربنا يخليك