صوت خبط ع الباب ورنه جرس كفيله انها تصحي حد نومه تقيل او حتا لو كان ميت..
صحيت ملك بتقل ورايحه ناحيه الباب وهى بتتسند على اثاث الشقه وحاطه ايدها على راسها وفتحت الباب..
سالي (وهى بتحضن ملك بخضه ): ملك .. انتي فين كل دا .. بكلمك ومش بتردي وكذا مره ابعتلك رسايل وانتي مفيش افتكرت جرالك حاجه خضتيني عليكي
ماك : اطمني .. انا كويسه
سالي : كويسه ايه بس هو انا عشان سافرت كام يوم هيبقا خلاص انساكي وتنسيني
ملك : انتي كنتي مسافره !!
سالي : ايه يا ملك .. مش بعد الحفله اللي رحناها انا ومحمد بيوم سافرت مع خالتي وقولتلك هاجي ع الدراسه .. انتي نسيتي ولا شكلك سخنه !
ملك : لا بس يمكن عشان لسه صاحيه من النوم
سالي : طيب يا حبيبتي يلا فوقي المحاضره مفاضلش عليها كتير .. قولي بقا انك ناسيه ان النهارده اول يوم في العام الدراسي الجديد
ملك ( بأبتسامه ) : لا مش ناسيه .. انا هروح البس وانتي خدي راحتك
مشيت ملك وهى بتحاول تداري وجع حاسه بيه ف راسها وتدخل الحمام وتقف قدام المرايا وتغمض عنيها وتفتكر مشوارها للدكتور..
فـلاش بـاك
ملك قاعده قدام الدكتور وبيفحص نتيجه الاشعه .. وهى بصاله بقلق..
الدكتور : انسه ملك .. حضرتك مؤمنه بقضاء الله وقدره وطبعا عارفه ان كتير من الامراض بتكون ابتلاء من ربنا وامتحان منه بيختبر بيه قوه صبرنا
ملك : ونعم بالله .. هى التحاليل فيها حاجه يا دكتور !
سكت الدكتور وبصلها ومش عارف يرد..
ملك : قولي يا دكتور في ايه ؟
الدكتور : تعرفي يا انسه ملك .. ولدتك كانت محظور عليها حاجه .. انها تخلف .. بسبب ظروف مرضها اللي تمنعها .. بس مع الاسف ماسمعتش الكلام وحملت فيكي وكانت دايما في المستشفى خصوصا الكام الشهر اللي قبل الولاده
ملك : وهو حضرتك تعرف ماما ازاي يا دكتور .. وتعرف كل اللي حصل ازاي ؟
الدكتور : اكتر مريضه كنت بشوفها بتيجي المستشفى والدكتور اللي كان بيتابع حالتها يبقى صاحبي وحكالي كل دا وخصوصا اللي حصل يوم ولادتك
ملك كانت بصاله بعيون مدمعه ومستنياه يكمل ومش عايزه اي حاجه تشتت تركيزها..
الدكتور (سرح بتفكيره ) : معجزه .. كنا محتاجين معجزه عشان تتولدي .. طبعا ولادتك كانت في حاله صعبه جدا بسبب مرضها وانها ممنوعه من الخلفه .. ويا انقاذ الام يا انقاذ الطفل
ملك ابتدت دموعها تنزل وهى ساكته ومستنياه يكمل..
بـــلاي
ملك فاقت على خبطات سالي الجامده على باب الحمام وهى وشها كان غرقان بالدموع وغسلت وشها وفتحت الباب..
ساالي : ملك في ايه خضتيني عليكي .. بنده عليكي بقالي ساعه وانتي ولا بتردي
ملك : انا اسفه يا سالي
سالي : مالك يا حبيبتي .. مش عةيزه تتكلمي ليه .. من امتاا بنخبي على بعض حاجه
ملك : صدقيني لو في حاجه انتي اول واحده هتعرفي .. بس كل الحكايه اني افتكرت ماما
سالي : يا حبيبتي الله يرحمها .. ايه رأيك نروحلها النهارده بعد الكليه
ملك : ياريت يا سالي .. دي وحشاني اوي
سالي : خلاص يبقاا اتفقنا .. خلصي بقا بسرعه عشان نلحق نخلص كليه ونروح
ملك : حاضر
