وهما بيلعبوا كريم سمع موبايله بيرن....
كريم:بعد اذنك يا حاج اشوف الموبايل واجي اخسرك
ابراهيم:امشي يا واد
مشي كريم وهو بيضحك وراح اوضته المتصل قفل..كريم بيشوف مين لقاه رقم غريب..
مهتمش ولسه هيخرج من الاوضه الرقم رن تاني مسك كريم الموبايل ورد..
كريم:الو
الشخص:الو
كريم:مين معايا ؟
نسرين :انا نسرين زميلتك في المستشفى
كريم:ايوة يا دكتوره نسرين..ازي حضرتك؟
نسرين(في سرها):دكتوره وحضرتك..:انا الحمد لله..ازيك يا كـ.. يا دكتور كريم؟
كريم:الحمد لله..خير يا دكتوره نسرين في حاجه؟
نسرين(طب اقوله ايه دا):لا ابدا يا دكتور..انا بس شوفت حضرتك مجتش النهاردة قولت اسأل بس
كريم:متشكر..انا استلمت ورديه بالليل
نسرين:ايه ليه كدا؟؟
كريم:عادي انا حر..في حاجه ولا ايه يا دكتوره؟
نسرين(حست انه احرجها):لا ابدا
كريم(بيحاول ينهي المكالمه):طيب ماشي ومتشكر على السؤال..مع السلامه
قفل كريم من قبل ما يسمع رد نسرين وحدف الموبايل عالسرير....
**********************************
نسرين قاعده في المكتب وحدفت الموبايل وحطت ايديها على دماغها.. دخلت عليها ريهام
(صاحبه نسرين وزميلتها في الشغل)
ريهام(وهي بتقعد قدامها):مالك في ايه؟
نسرين(بغضب):مفيش
ريهام:لا مفيش ازاي اكيد في حاجه؟..دكتور كريم تاني
هزت نسرين راسها بمعنى أه
ريهام:وبعدهالك معاه؟؟
نسرين:مش عارفه..
ريهام:خلاص يا نسرين بلاش منه
نسرين:طب اعمل ايه..هو بأيدي
ريهام:وهو مش حاسس..يبقى خلاص
نسرين:خلاص يا ريهام..قفلي عالموضوع
ريهام:شوفي شغلك احسن..بكره هتلاقي الي يستاهلك
وسابتها ريهام ومشيت..وقعدت نسرين تفكر فـ كلام ريهام وبعدين ركزت في شغلها
والورق الي كانت قدامها...
***************************
وطلع كريم من الاوضه وراح ناحيه ابراهيم وقعد قصاده..
ابراهيم:ايه..الموزه كانت بتكلمك؟
كريم (بتعجب):موزه !! .. جبت اكلام دا منين يا بابا ؟
ابراهيم : اومال ايه يا واد انت فاكرني زيك غشيم .. دا ابوك كان ساحر النساء .. بس قولي هى الموزه صح
كريم (بضحك) : موزه ايه يا حاج..انت كبرت عـ الحاجات دي
ابراهيم:كبرت ايه انا لسه شباب..الوليه الي جوه دي هيا الي كبرتني قبل سني
وجت زينب على صوتهم في المطبخ
زينب:مين الوليه دي يا حاج
ابراهيم:لا طبعا مش انتي..دا انتي حبيبتي يا ام كريم دا احتى اسألي كريم كدا
كريم(وهو بيميل على ابراهيم):ايوة بان على حقيقتك يا حاج
ابراهيم(بيوشوش كريم):طيب انت بتزلني يا ابن العاميه
زينب:انتي بتدودودوا بتقولوا ايه..ومين دي الي عاميه؟
ابراهيم:دا انا بقوله يا ابن الغاليه ..مش كدا يا كريم
كريم:اه طبعا طبعا يا ماما
زينب:اااه طيب..
