اوضه ضلمه .. ضهر انحنى .. قلب اتكسر .. ذكريات توجع .. ووسط كل دا انسانه قادره تعيش كانت سرحانه في ذكرياتها وهى صغيره مع مامتها وبتفتكر كل حاحه حصلت بينهم و قطع تفكيرها دخول صحبتها عليها الاوضه بعد ما خبطت..
سالي : ملك .. حبيبتي لسه صاحيه
ملك : .......
سالي (بتقرب من ملك) : حبيبتي ماينفعش اللي بتعمليه دا .. هى دي وصية ماما سعاد ليكي
ملك بترفع راسها وبتبص لـ سالي ووشها كله دموع من غير ما تتكلم
سالي (بدموع) : حبيبتي محدش مستحمل يشوفك كدا ولا حتى ماما سعاد .. يرضيكي تزعل منك دلوقتي
ملك (بتعيط بصوت مسموع) : كانت كل حاجه بالنسبالي .. كانت هى الاب والام ليا .. كانت كل حاجه وبعدها كل حاجه راحت خلاص
سالي : اخص عليكي .. طب وانا !! خلاص كدا نستيني في دقيقه
ملك : انتي ! .. دا انتي اللي هموت لو رحتي مني
سالي : لا يا ملك ماتقوليش كدا بعد الشر عليكي يا حبيبتي
ملك : بس انا مش قادره يا سالي .. فراقها كان صعب
سالي : مافيش في ايدنا حاجه غير اننا ندعيلها بالرحمه .. هى حاسه بينا وسمعانا .. ادعيلها وان شاء الله تزورك في منامك
ملك (بدموع وهى بتبص للسما) : ياارب .. يارب
سالي : اجيبلك حاجه تكليها .. انتي ماكلتيش بقالك كتير
ملك : لا انا كويسه كدا
سالي : يا ملك ماتتعبنيش .. حاجه خفيفه بس
ملك : صدقيني مش عايزه .. انا عايزه انام بس
سالي : طيب يا حبيبتي .. وانا هروح الكليه اجيب جدول امتحانتنا واجيلك تاني
ملك : ماتتأخريش يا سالي
سالي : ماتقلقيش يا حبيبتي مش هتأخر .. نامي وارتاحي انتي بس
ملك : حاضر
وخرجت سالي من الاوضه بس ما اتأكدت ان ملك نامت واخدت شنطتها ونزلت
………………..................................
محمد قاعد في المكتب و حاطط عينه في الورق اللي قدامه لحد ما فادي دخل عليه..
فادي : صباح الخير
محمد : صباح الخير !! وانت من امتى بتقول صباح الخير او عندك صباح اصلا
فادي بيقعد على مكتبه ويولع سجاره ومداش اهتمام لـ كلام محمد .. ومحمد بيبصله بأستغراب
محمد : ايه دا وكمان سجاير .. انت اتغيرت اوي يا فادي
فادي : .........
محمد : ايه يابني .. بكلمك مابتردش ليه
فادي (بلا مبالاه) : عندي شغل اهم من الرد على كلامك
محمد :فادي مالك يابني .. انت زعلان من حاجه ؟
فادي : اخبار هَنا ايه ؟
محمد : هَنا !! .. وانت بتسألني انا على هَنا ؟
فادي : واسأل مين ! .. انا شايفكوا تمام مع بعض
محمد : انت مجنون يا فادي ! ايه اللي انت بتقوله دا .. آنسه هنا بنت صاحب الشركه .. انت جرالك ايه
فادي : انت اللي مالك في ايه .. فاهم ان ممكن يكون بينك وبين بنت صاحب الشركه حاجـ...
هَنا (بتقاطعه) : يكون بينا ايه يا استاذ فادي ؟
بص محمد وفادي ناحيه الباب على صوت هَنا اللي اتفاجئوا بوجودها ومع صدمتهم محدش قدر يرد عليها
