محمد روّح قعد على اقرب كرسي قابله وقعد يفكر
محمد في سره:معقول يا كريم تكون نيتك سليمه..يارب لو نيته سليمه تكون ملك من نصيبه ..طب وانا احير نفسي ليه خير البر عاجله انا اكلم سالي واشوفها هتقول ايه..
طلع محمد موبايله واتردد للحظات..
محمد:طب انا خايف لتكون ملك جنبها هعمل ايه؟!..اه انا هقولها تبعد عن ملك لو جنبها وربنا يستر
محمد جمع قوته واتصل بـ سالي ومستنيها ترد....
**********************
ملك وسالي بيلموا الاكل وسعاد بتقوم..
سعاد:تحبوا اساعدكوا يابنات؟
سالي:لا ارتاحي حضرتك يا طنط احنا هنعمل كل حاجه..(وهى بتكلم ملك):روحي يا ملك ادي لـطنط الدوا لحسن المعاد يفوت
ملك : اه صح تعالي يا ماما ويبقا هكمل بعدين
وملك خدت سعاد ودخلوا الاوضه..واثناء ما سالي بتلم الاكل سمعت موبايلها رن
راحت تشوف مين لقيته محمد ردت عليه..
سالي:ايوة يا حبيبي ..عامل ايه؟
محمد(بتوتر):الـحمد لله..و..أن..تي؟
سالي:تمام .. مالك يا محمد في حاجه؟
محمد:لا ابدا
سالي:بجد قول في حاجه؟
محمد:هو بصراحه في..بس لو ملك جنبك ابعدي عنها شويه
سالي(مستغربه):لا ملك مش جنبي..قولي بقا في ايه؟!
محمد:بصي يا سالي كريم صاحبي
سالي:الي كان هناعند ملك من كام ساعه
محمد:اه هو
سالي:ماله؟
محمد:بصي لما نزلنا من عندكو كريم قالي........وحكالها كل الي حصل
سالي مش عارفه ترد كانت مرتبكه جدا
محمد:سالي
سالي:نعم
محمد:ايه قولتي ايه؟
سالي:غريبه .. اول مره يشوفها يحصل كل دا .. دا ماقعدش نص ساعه على بعض
محمد:يمكن حب من اول نظره .. ايه مابتسمعيش عنه ؟؟
سالي: والله معرفش انا بقا فـ الكلام دا .. القرار الاول والاخير لـ ملك وهيا تشوف
محمد:هي ملك في فـ حياتها حد
سالي ذاد ارتباكها ومعرفتش ترد وعنيها دمعت
محمد:سالي سالي
سالي:.........
محمد:ماتردي يا سالي في حد فـ حياه ملك؟
سالي:لا حد ايه..مفيش
محمد(وهو حاسس ان سالي مخبيه حاجه):متأكده؟!
سالي:اه يا محمد
محمد:يعني هتكلميها؟؟
وفي اللحظه دي ملك خرجت من اوضه مامتها وقفلت وراها الباب وراحت ناحيه سالي
ملك(بصوت مهموس):دا محمد؟
سالي(بتحاول تكون طبيعيه):اه
ملك:سلميلي عليه
سالي لـ محمد:ملك بتسلم عليك
محمد:الله يسلمها يبقى خدي رئيها وردي عليا
سالي:ان شاء الله ..سلام
محمد:سلام
وقفلت سالي مع محمد وخدت الاطباق ودخلت المطبخ وملك استغربت تصرفها واخدت باقي الاطباق ودخلت وراها
ملك:مالك يا سالي؟
سالي:لا ابدا يا حبيبتي ..محمد بيقولك الله يسلمك
ملك:سالي متوهيش الموضوع..في ايه انتي مش طبيعيه؟
سالي:صدقيني يا حبيبتي مفيش حاجه
ملك(بدون تصديق):ماشي يا سالي بس احنا متعودناش نخبي حاجه على بعض
سالي:عارفه طبعا ياملك
ملك:طيب كويس انك عارفه
سالي:خلاص بقا ياملك قولتلك مفيش حاجه شويه مواضيع مع محمد
ملك:ربنا يهدي الامور بينكم
سالي(بتحاول تهزر):خلاص بقا يا ملوكه ..يا لكلوكه
ملك: خلاص يا ستي
سالي(وهى مسكاها من خدودها):يا ملووووكه
ملك(بتبعد بهزار):خلاص يا غبيه
سالي:ايه دا الكلام دا....
ملك(بتقاطعها):ليكي ليكي
سالي:طب كويس .. انا بتأكد بس
