بعدت ليه ؟؟

الحلقه الثالثه والعشرون

كريم قاعد عـ السرير .. تقريبا مانمش .. بيفكر في ملك واللي عرفه من دكتور سميح واللي حذره انه يطلع الكلام بره لانها اسرار مرضى .. نفسه يساعدها ومش عارف وهى مش مدياه اي فرصه يقرب منها لو حتاا كـ صديق .. وهى مش عايزه تديله امل كداب .. قام يمشي في الاوضه .. افتكر يوم كتب كتاب محمد وهو كان مركز معاها .. شاف في عنيها فرحه ولمعه عين مطفيه بسبب الحزن اللي نفسه يعرف بسبب ايه .. كان متابعها بعينه خايف عليها تتعب ..  بيفكر مش عارف يعمل ايه بس حدد لـ نفسه قرار..

…………………………………………………………….

صحيت ملك بنشاط زاد في الفتره الاخيره .. اتوضت وصلت وحمدت ربنا .. مسكت الموبايل وطلبت رقم..

ملك : صبااح الخير على العروسه الجميله .. عامله ايه يا حبيبتي ؟ .. دي بجد كانت ليله جميله يا سالو .. يا حبيبتي تسلميلي ربنا يفرحك .. موضوع ايه اللي عايزاني فيه !! .. خلاص تمام .. ننزل دلوقتي عادي .. ماهي محاضره النهارده متأخر بس تمام ننزل .. ماشي سلام

قفلت ملك مع سالي وهى مستغربه من الموضوع اللي هى عايزاها فيه..

……………………………………………………………….

سالي جهزت نفسها و نازله شافت موبايلها بيرن..

سالي : حبيبي .. تمام .. وانت ايه اخبارك ؟ .. انا نازله دلوقتي انا وملك .. هنروح الكليه .. حاضر .. لا تسلملي .. بـاي

قفلت سالي وهى فرحانه ودعت ان ربنا يخليلها محمد ..

……………………………………………………………….

محمد داخل الشركه .. شاف كل زمايله مستنيينه يباركوله وسلم عليهم وفرح جدا .. وراح لـ مكتبه..

فادي (بغناء) : ياا دبله الخطوبه عقبالنا تلتنااا
محمد : بس يابني روح لحالك
فادي : شوف وانا اللي جاي اباركلك ع الخطوبه
محمد : خطوبه ايه هى كانت خطوبه .. دا انت شاهد ع العقد بنفسك انت وكريم
فادي : ايه دا عقد ايه !
محمد : عقد ايه !! .. امشي يا فادي
فادي : ياعم انا بهزر معاك .. عقبالي

وهم بيتكلموا دخلت هَنا وهى بتضحك لـ محمد..

هَنا :  congratulation Mohamed
محمد : الله يبارك فيكي .. كنتي منوره اصلا
هَنا : بجد فرحتلك محمد
محمد : عقبالك يارب

بصت هَنا لـ فادي ووشها احمر .. اتكسفت ..

هَنا : طب عن اذنكم

سابتهم ومشيت وفادي باصص عليها..

محمد : ارحم يابني عينك هتتخلع من مكانها
فادي : وقعت وحبيتها
محمد : يبقا ربنا يتمملكم على خير
فادي : ياارب

محمد شاف موبايله بيرن اخده ورد..

محمد : الو يا كيمو .. عامل ايه .. انا تمام .. مالك في ايه ؟ .. موضوع بخصوص ايه ؟ .. يابني انا لسه داخل الشركه ماينفعش امشي .. موضوع مهم .. طب قولي بخصوص ايه .. طب خلاص اقابلك فين .. مكاننا ..تمام .. سلام