سالي(وهى بتدور بوشها):شكلهم لسه مفيش حد جه
ملك:عادي..نتمشى يكونوا وصلوا..يمكن السكه زحمه
سالي:اه يمكن..طيب يلا نتمشى
وهما ماشيين وبيتكلموا فجأه واحد خبط سالي ووقع منه حاجته ووقع منها الموبايل
بتعاها..
سالي(بزعيق):ايه يا بني ادم مش تفتح
الشخص:انا اسف والله مقصدتش حاجه
سالي:قصدت ولا مقصدتش مش تخلي بالك ايه لدرجه دي مبتشوفش
الشخص(حس بالاحراج):انا اسف مره تانيه..بعد اذنك
وقربت منها ملك..
ملك:ايه الي انتي هببتيه دا
سالي:نعم ياست ملك..كنتي عايزاني اقولوا برافو
ملك:طب وطي صوتك وتعالي نقعد بقينا فرجه للناس
وشدتها ملك وقعدوا على اقرب ترابيزه وبالصدفه كانت ترابيزه الشخص الي خبط سالي
قصاد ترابيزتهم..
ملك:عيب عليكي والله
سالي:خلاص بقا الي حصل
ملك:انتي معندكيش دم...شوفتي بيعاملك بكل زوء وانتي مافيش خالص..ياستي هو غلط تقومي مفرجه عليه النادي كله
سالي:يا ملك ماهو غصب عني..اتضايقت..
ملك:شكلك وحش ..وهو اصلا عمال يبص عليكي
سالي:طيب اعمل ايه يعني..في حل؟؟
ملك:احسن حل تروحي كدا وتعتذري
سالي:نعععم؟دا بُعدك
ملك:كدا ولله براحتك طلبتي الحل وقولتهولك ..ماليش دعوه بحاجه انا بقا
سالي:بجد..يعني مفيش حل غير كدا؟؟
هزت ملك راسها بالنفي..سكتت سالي شويه..
ملك:معلش بقا ياسالي ..ها هتروحي
سالي(باستسلام):امري لله..ربنا يستر
وقامت سالي متجه لـ ترابيزه الشخص الي خبطها..
سالي:انا اسفه..
الشخص:على ايه؟
سالي(بأحراج):على الي حصل..اني زعقت و...
الشخص(بيقاطعها):لا ابدا يا انسه محصلش حاجه..اتفضلي اقعدي
وقفت سالي متردده وكان نفسها تمشي..
الشخص:اتفضلي..
سالي(وهى بتقعد):شكرا
الشخص:احب اعرفك بنفسي..انا اسمي مصطفى..
سالي(بتردد):انا سالي
مصطفى:الله..اسمك جميل زي صاحبته
سالي وشها احمر وكانت عايزه تقوم..
مصطفى:انتي بتدرسي
سالي:قدمت ولسه مستنيه النتيجه
مصطفى:ربنا معاكي
سالي:شكرا
***********************
كريم ماسك مرايا العربيه وكل شويه يبص فيها ومحمد يظبتها ..
محمد:يا عم سيب ام المرايا مش عارف اشوف الطريق ورا
كريم:يعني خلاص مفيش غيرها..ما على شمالك في وحده
محمد:انت غبي يابني انت..
كريم:وليه الغلط..على العموم استى كدا..طيب شعري مظبوط
محمد: متسرح متسرح
كريم: مش ناقصه لطافه
محمد(وهو بيظبط المرايا):ايوة كويس..سيبها بقا
كريم:احنا خلاص وصلنا
محمد:اه هركن هنا..ايه دا عربيه سالي اهي
كريم:اه يبقى ملك جت..يلا اركن بسرعه
محمد:ماشي يا واقع
دخل محمد من البوابه وركن عربيته ونزل هو كريم وهما داخلين من باب النادي محمد
شاف سالي قاعده مع واحد..بقا صنم مكانه مش قادر يستوعب..
