ملك نايمه على السرير في المستشفى .. اجهزه كتير متوصله فيها غير جهاز التنفس والنبضات ومحلول وحاجات كتير ماقدرتش سالي تميزهم وهى شايفاها من ورا الازاز .. فضلت تعيط ومحمد اخدها وقعدها على الكرسي .. وكان الدكتور سميح وكريم جايين مع بعض وقفت سالي قصادهم..
سالي (بدموع) : بعد اذنك يا دكتور .. انا عايزه اعرف صاحبتي عندها ايه ؟
د.سميح : اهدي يا انسه وهنفهمك
سالي : افهم ايه افهم ان صاحبتي بتضيع
محمد : مش كدا يا سالي
سالي : طب يبقاا ازاي وانا شايفاها في الحاله .. مش شويه صداع يعملوا كدا
د.سميح : اتفضلوا نتكلم في المكتب عشان هنا محتاجين هدوء
وراحوا كلهم مكتب دكتور سميح .. وطلب من الممرضه متدخلش حد .. قفل الباب وقعد قدامه سالي ومحمد وكريم واقف جنبه..
سالي : ممكن تفهمني ملك فيها ايه ؟
د.سميح : لازم تفهمي يا انسه ان دي اسرار مرضى وكان صعب عليا اقول لـ اي حد
سالي : وحضرتك شايف ان ينفع تفضل ساكت كدا كتير !
د.سميح : مع الاسف مش هينفع السكوت اكتر من كدا وانا قولت لـ انسه ملك في المرات اللي جت فيهم هنا .. ومع الاسف هى اللي فضلت ان الموضوع يكون بيني وبينها وانا وعدتها بـ كدا
سالي (بعياط) : حرام عليكي يا ملك .. حرام عليكي
د.سميح : لازم تفهمي ان صاحبتك قدرت وكانت بتتعالج .. بس الفتره الاخيره حست بتحسن وكانت مش منتظمه في العلاج وانا حذرتها من الاجهاد العصبي والتفكيري
محمد : بس لحد دلوقتي يا دكتور احنا ماعرفناش عندها ايه !
د.سميح : مع الاسف .. الانسه ملك عندها انتفاخ في شرايين الدماغ .. يعني اي عصبيه او تفكير يعلي ضغط الدم فـ بيزيد الانتفاخ ودا السبب انها كانت بتحس بصداع طول الوقت لانها بتجهد دماغها اكتر من اللازم
ستلي اتصدمت بتسمع كلام الدكتور ودموعها نازله .. بصت لـ محمد اللي كان على وشه علامات مفأجأه من الموضوع ..
كريم كان حاطط وشه في الارض ومغمض عينه كانه مش عايز يسمع اي حاجه وحشه فيها..
سالي : انتفاخ !! يعني دا هيعمل حاجه وحشه فيها ؟
د.سميح : مقدرش اجزم بـ دا يا انسه .. في ناس بتعرف تتعامل مع المرض دا وناس لا
محمد : طب وايه مدى ضرر المرض دا ؟
سكت دكتور سميح وبص لـ كريم اللي عينه كانت حمره .. بيجاهد عينه ماتدمعش .. هو عارف مدي ضرر المرض دا .. وعارف مدى شوء حاله ملك ولكن " لكل داء دواء" ..
سالي : سكت ليه يا دكتور .. في خطر على حياه ملك بسبب المرض دا
د.سميح : اهدي يا انسه من فضلك .. المرض دا عايز بس اتقان في تصرفات الانسان وانفعلاته ..يعني انسه ملك كانت بتتعلم ازاي تسيطر على نفسها .. ازاي ماتبقاش عصبيه بزياده .. ازاي ماتفكرش كتير .. بس باين انها ماقدرتش تحافظ على دا لمده طويله
محمد : ايوه بردو يا دكتور .. حضرتك ما قولتش سلبيات المرض دا ايه ؟
د.سميح : بصراحه هو مرض سلبياته خطيره .. لانه مع كتير التفكير والاجهادات بيزيد ضغط الدم للشرايين الدماغيه .. وبتزيد انتفاخ على انتفاخها الاصلي ويسبب...
