بعد يومين...
محمد قاعد على مكتبه وشاف موبايله بيرن
محمد:الو يا كريم..ازيك؟
كريم:الحمد لله..وانت ازيك؟؟ مال صوتك
محمد:مخنوق يا كريم
كريم:خير يا حبيبي مالك
محمد:حكايه مع سالي
كريم:بخصوص ايه؟
محمد:الشغل
كريم:ازاي يعني..
محمد:اصلي قولتلها .....وحكاله كل الي حصل
كريم:معلش معذوره يا محمد..بتحبك يا اخي
محمد:بتحبني تتعبني..
كريم:اهدى انت بس..وانا جاتني فكره
محمد:الحقني بيها
كريم:بص انت هتعمل ..........
محمد:طب والله فكره حلوه..طب اقفل علشان هنفذها
كريم:يبقى طمني.. سلام
وقفل محمد واتصل بـ .......
محمد:ألو..ازيك؟..الحمد لله..طب ينفع كدا..ياريت..انا عندي فكره...احنا هنعمل.....انا بقول كدا ..النهارده..طيب..متشكر جدا..سلام
*************************
ملك وسالي قاعدين فـ كافيه...
ملك:ماتخليصيني بقى..بقالي يومين بقنع فيكي
سالي:مش هكلمه مش هو هيسافر يسافر
ملك:يعني هتسيبيه يسافر وهو زعلان منك
سالي:ماليش دعوه..السفر اهم مني خلاص..انتي مشوفتيهوش يا ملك وهو اتعصب عليا
ملك:ليه حق..انتي مش بتاعت تفاهم ومش وش نعمه والله
سالي:يعني ايه؟؟
ملك:بصراحه..هو تعبان جدا ..ومسافرش وفـ المستشفى
سالي(بفزع):انتي بتقولي ايه يا ملك؟ فين ازاي؟؟
وحست بحد من وراها ...
محمد:طيب انتي خايفه عليا..بتلعبي عليا ليه؟
سالي:ايه..م..ازاي؟
محمد:دي لعبه لعبناها انا وملك عليكي..علشان تحرمي
سالي بتدور على ملك لقيتها خارجه اديتها بوسه فـ الهوا ومشيت...ابتسمت لها سالي
سالي:يعني دي كانت لعبه منكم
محمد:اه..اعمل ايه حبيبتي مجنناني
اتكسفت سالي ..وقعد محمد قدامها..
محمد:لسه بردو عند كلامك يا سالي
سالي:يا محمد انا.....
محمد(بيقاطعها):خلاص لو مش عايزاني اسافر انا ممكن اعتذر
سالي:لالالا..الشغل دا في مصلحتك..سافر يا محمد
محمد:سالي لو عايزاني جنبك قولي..انا استحاله ابعد عنك
سالي:وعلشان انا عارفه كلامك دا بقولك سافر..بس متغبش عني..انت هتسافر امتى؟
محمد:المفروض بكره الفجر
سالي:ربنا معاك.. بس اسمع بقى هتكلمني كل يوم اول ماتصحى وقبل ما تنام وتحكيلي عن يومك بالتفصيل
محمد: ياراجل .. دا ازاي
سالي: ماليش دعوه عايزه احس اني معاك ف كل لحظه .. بس اوعى تتأخر عليا
محمد:استحاله اتأخرعن حبيبتي
**************************
نسرين على مكتبها وقاعده قدامها ريهام...
ريهام:ها..هنفضل كدا كتير
نسرين:اصدك ايه؟
ريهام:الموضوع الي كريم كلمك فيه بخصوص لؤي
نسرين:محتاره يا ريهام والله
ريهام:زي ما قولتلك لؤي انسان طيب وبيحبك..وكريم مش حاسس بيكي خلاص سبيه
نسرين:بالسهوله دي مش كدا
ريهام:اراهنك بيفكر فـ واحده تانيه
نسرين:لا كريم مش كدا
ريهام:بكره تشوفي
