مريم ماشيه في الكليه سمعت حد بينادي عليهاا بصت .. حاولت تفتكر الشكل دا .. جسمه متوسط ومش ويل ولا قصير وبيضحك علطول وبصعوبه قدىرت تحدد ..
عبد الله : يااه يا مريم نسيتيني !
مريم (بضحك) : عامل ايه ؟
عبد الله : انا كويس ياستي .. بصالي بقالك ساعه وتفتكريني بصعوبه
مريم : معلش بقا انت عارف احنا من ساعه ما كنا مع بعض في ابتدائي واتفرقنا واحنا تقريبا مابنشوفش بعض
عبد الله : انا كنت بشوف ناس معينه .. كل الولاد طبعا احمد ومحمود وعمرو وناس كتير .. ودايما لما اشوف سالي اشوف معاها ملك .. لسه زي ما هم
مريم : معانا بردو في الكليه .. بس غريبه اننا نتقابل السنه دي .. انتوا ماكنتوش هنا من سنه اولى
عبد الله : لا كل واحد فينا كان في محافظه وبعد كدا حولنا هنا
مريم : كويس ..
عبد الله : وانتي عامله ايه .. اتخطبتي وكدا ولا لسه
مريم : لا لسه طبعا
عبد الله (بأنتباه) : ايه دا اشتني .. الشله اهي
مريم : شله مين ؟
عبد الله (بصوت عالي) : ياا عمرو تعالى .. استني اوعي تمشي
راح عبد الله لـ عمرو واصحابه واخدهم ناحيه مريم..
عبد الله : طبعا مش محتاجه اقدمكوا لـ بعض زي الافلام اكيد عارفين بعض بس هو الشكل متغير شويه
احمد : ازيك يا مريم
مريم : الحمد لله كويسه
عمرو باصصلها من غير ما يتكلم بيتأمل ملامحها اللي زي ما هى او يمكن زادت جمال .. شعرها بني فاتح وعنيها العسلي ممزوجه بالاخضر وبياضها التلج وجسمها المثالي ورقتها في الكلام لسه جميله زي زمان بس انتبه لـ نفسه..
عمرو : ازيك يا مريم ؟
مريم : الحمد لله يا عمررو
عبد الله : طب يا جماعه ماتيجوا نقعد كدا هنفضل واقفين
عمرو باصص لـ مريم وانتبه لعبد الله ومشي معاه في الوقت اللي عين مريم مانزلتش من على عمرو وافتكرته وكأنه رجعها سنين كتير لـ زمان..
…………………………………………………………………
محمد قاعد مركز في الورق اللي على مكتبه وبيشرب قهوته المظبوط انتبه لـ صوت صاحبه..
فادي (بصوت عالي) : باركلــي
محمد (بخضه) : ارحم نفسك وارحمني .. مش هترتاح غير لما تقطعلي الخلف
فادي : باركلي يا محمد باركلي
محمد : ايه هتطلع عمره !!
فادي : يا محمد ماتهزرش دا انا فرحان النهارده
محمد : خير يارب
فادي : هَنا ردت عليا النهارده
محمد : وهى قبل كدا كانت ماقطعاك ولا ايه !!
فادي : يا عم لا افهم .. مش انا كنت قايلك فاتحتها بموضوع ارتباطنا وخطوبه وكدا وكانت بتفكر
محمد : ااه وبعدين
فادي : ردت عليا النهارده قالتلي انها موافقه تدي لنفسها فرصه تعرفني ونتعرف على بعض ولو ارتاحنا هنعمل خطووبه يا ميدوو
محمد : ياسيدي الف مبروك
فادي : عقبالك
محمد : قول يارب .. صحيح دا الملف اللي اوراق قريه شرم الشيخ انا خلصته بس فاضل حاجات بسيطه قفله انت وسلمه لـ استاذ رشاد
فادي : تمام
