كريم صاحي من النوم.. قام اخد دش وخرج..
زينب : صباح الخير يا حبيبي
كريم : صباح النور يا ماما
زينب : رايح فين بدري كدا؟
كريم : رايح المستشفى
زينب : بدري كدا
كريم : يادوب عشان عندي شغل
زينب : طب احضرلك الفطار
كريم : لا هفطر في الشغل .. هو بابا فين؟؟
زينب : في الاوضه
كريم : ماله؟ تعبان ولا حاجه
زينب : لا يا حبيبي .. هو صاحي لو عايز تدخله
ساب كريم مامته وخبط الباب ودخل ل باباه..
كريم : صباح الخير يا بابا
ابراهيم : صباح النور
كريم : عامل ايه؟
ابراهيم : ايه الحنيه اللي نزلت عليك فجأه دي.. جاي وبتسأل عليا وصباح الخير.. قول عايز ايه يا ولد
كريم : لا اله الا الله.. دا انا جاي اسأل عليك يا والدي
ابراهيم : نيتك السودا باينه.. قول عايز ايه تلاقيك عايز فلوس ما انت بتسحب مني شيئ وشواياات
كريم : شوايات ايه يا حاج بس هو انا بتاع كباب.. ثم فلوس ايه اللي اسحبها بس انا مخدتش منك فلوس من عهد الملك فاروق الله يرحمه
ابراهيم : ايه دا الملك فاروق مات؟
كريم : انت تعرفه.. كان صاحبك أ بابا ولا ايه؟
ابراهيم : بتتريق على ابوك يا قليل الادب
كريم (وهو بيقوم) : لا طبعا ماعاش ولا كان
ابراهيم : رايح فين؟
كريم : رايح الشغل
ابراهيم : شغل ولا تتسرمح
كريم : اتسرمح!! انا بتاع كدا يا حاج
ابراهيم : دا انت بتاع كل دا
كريم : ماشي يا حاج الله يسامحك.. مش عايز حاجه
ابرهيم : هعوز ايه منك
كريم : تشكر يا حاج.. مع السلامه
…………………………………………………
رشاد قاعد بيفطر وشاف هنا نازله..
هنا : صباح الخير داد
رشاد : صباح النور حبيبت بابا .. صاحيه بدري النهارده
هنا : عشان شغل داد
رشاد : النهارده الحفله يا هنا
What’s problem Dad! هنا :
رشاد : اه طبعا في مشكله .. لما انتي تروحي الشغل مين يشرف على الحفله وتجهيزتها.. انتي ناسيه انها النهارده !
هنا : اوك داد .. مش هروح الشغل
رشاد : ربنا يخليكي ليا يابنتي.. هقوم انا بقا عشان الحق الشغل
قامت هنا باست باباها وخدها في حضنه وباسها من راسها وودعها بأبتسامه وخرج..
…………………………………………….
ملك عند الدكتور بتعمل التحاليل..
الدكتور : انا قولتلك يا انسه ملك تعملي التحاليل دي من وقت كبير
ملك : اسفه يا دكتور.. بس كنت مشغوله
الدكتور : مشغوله بحاجه اهم من صحتك!!
ملك : يا دكتور ا...
الدكتور (بيقاطعها) : انتي زي بنتي وخايف عليكي انتي شكلك لسه صغيره ماتستهتريش بصحتك من دلوقتي.. قولتيلي التحاليل هتطلع امتا
ملك : كمان يومين
الدكتور : طب كويس
ملك : طب استأذن يا دكتور واول ما التحاليل تظهر هجبها ل حضرتك
قامت ملك راحت ناحيه الباب بس وقفها صوت الدكتور..
الدكتور : بس ايه اللي خلاكي تفتكري تعملي التحاليل دلوقتي
ملك : دا لان الدوخه لسه بتجيلي.. يمكن اشد من الاول كمان.. بعد اذنك
