ليلي بنت الحارس

الفصل٣

(ليلي بنت الحارس).  الفصل. ٣

الحاج كامل:- وتفتكر انا هسيب اختك
هسيب عارك وعار ابوك في ايديهم
ياولدي الزمن علمني.
ان لما اقع في مشكله
اعمل تلات حاجات
اقول اللهم اجرني في مصيبتي
واخلفني خيرا منها
وثانيا. ماخدش اي قرار وانا متعصب وزعلان
وثالثا. الصبر.  لانه دايما بينولك اللي في بالك

انا هاقلب الطاوله عليهم
وهحول اللي بيعملوه ده ضدهم
بس انت تسمع الكلام
وتثق في عمك كامل

لو عاوز. تشوف اختك
و ترجع ارضك.
وترجع بلدك من غير ماحد يتعرض لك
يبقي تسمع اللي هاقولهولك

قعد حارس وحسبها في دماغه
شاف ان حتي رجوعه. مش هيحل المشكله
وبدء يسمع من الحاج كامل
الحاج كامل قال.  ما تنساش ان ليا ناس كتير في البلد
وهيساعدوني في اللي هعمله

وانت يا حارس هتنزل من بكره الموقع
تمسك الحسابات
وتختفي عن الانظار
وماتقلقش. انا هاتصرف

في نفس الوقت.
في الصعيد. فاطمه اخت حارس. قاعده في اوضتها حاطه ايديها علي دماغها
وبتندب حظها
ودموعها علي خدها
دياب ابن عمها وخطيبها اختفي فجأه
وبكره دخلتها علي جابر اللي بيشتغل كلاف عند العمده
واخوها حارس بقي مطارد،،

ابو حارس قاعد في اوضته. مغلوب علي امره
مش قادر يرفض الجوازه
ولا قادر يروح ارضه
....
في اليوم التاني.  جات النسوان يجهزو فاطمه لعرسها
كل مايحطو في عنيها الكحل
يسيح علي خدها من الدموع
وكأنهم هيزفوها علي قبرها

ام حارس. سرحانه. كانها تايهه
مافيش غير تنظر لبنتها. ودموعها نازله
ولو حد كلمها مابتردش
زي ما بيقولو سارقاها السكين
ومدبوحه من جواها
علي ضناها
المغربيه.  جه جابر ومعاه شباب عيلة العمده بالسلاح علشان يزفو العروسه
دخل ابوها عليها الاوضه
وقال للي معاها سيبونا لوحدنا شويه
قرب منها.
وقال يابنتي.
يشهد ربي اني مغلوب علي امري
وفي شيبتي دي ما اقدرش امسك سلاح
ولا امنعهم بالقوه
ولكن كل اللي اقدر اقولهولك
ان ربنا سبحانه وتعالي. بيجعل لكل ضيق فرج ومخرج
هو وحده حسبنا ونعم المولي ونعم الوكيل
قادر يابنتي. ينجيكي
قومي يا فاطمه.
قومي يابنتي وقولي في كل خطوه يارب
دا سيدنا ابراهيم لما ساب زوجته وابنه في الصحرا
سابهم في حماية من لا يغفل ولا ينام
وهو تولاهم برحمته
وانا تركتك في حماية رب العالمين
قادر يفك الكرب

فاطمه. ونعم بالله يابوي
كل خطوه بنخطيها. مكتوبه
واللي مكتوب لي هاشوفه
وراضيه بقضاء الله

خرجت فاطمه. من غير حتي زغروته
كانها مأسوره في حرب.
خدها جابر ودخل داره
دخلت فاطمه. وفضلت واقفه
جابر قالها ادخلي ياعروسه
مالك خايفه ليه
فاطمه واقفه. بتدعي ربنا يخلصها من اللي هيا فيه
وجابر مسكها من ايدها ودخلها غرفتهم
قعدت علي السرير. بفستانها
جابر قال لها. هتفضلي كده كتير
فاطمه قالت.
انا واخداك غصب ياجابر
وجوازنا ده. مش شرعي
لو اختك ياجابر ترضي يحصل فيها كده
جابر قال.  مش هرد عليكي دلوك
انا هقعد قدام التلفزيون اشرب حجرين
وقبل الفجر عاوز اجي الاقيكي. مستعده
خرج جابر من الاوضه
وفضلت فاطمه تصلي. وتدعي.
لعند ماعدي الوقت
ودخل جابر اوضتها
ارتعشت. وخافت. وعرفت ان مافيش مفر
جابر قعد جمبها. وقال
يافاطمه. يابنت الاصول
ماعاش ولا كان جابر لو فكر يخون العيش والملح اللي كله مع حارس،،،،فاطمه لفت. وبصت في وش جابر
وقالت له تقصد ايه
قالها. هتروحي لحارس يا فاطمه
فيه عربيه مستنيه ورا الدار
هتركبي فيها. هتوصلك مكان حارس

فاطمه. واذاي ده حصل
جابر. الحاج كامل اللي قاعد عنده حارس في مصر
بعت لي مرسال
واتفق معاي علي كل شي
امسكي الشومه دي
واخبطيني علي دماغي
واخرجي من الباب ولفي ورا الدار
اركبي السياره. وروحي لاخوكي
وقولي له
جابر صان العيش والملح
مسكت الشومه
وقالت مش هاين عليا اضربك بعد اللي عملته يا جابر
بس خد دي علشان خليتني اليل كله خايفه ومرعوبه
خبطته علي دماغه خبطه شديده فقد الوعي😂

خرجت. فاطمه. شافت السياره
ركبت فيها.

نرجع. ل حارس
نزل الصبح مع الحاج كامل
وراح الشغل
وعرفه نظام شغله
واخر اليوم. قال له الحاج كامل. يلا بينا مروحين
ركبو السياره. ورجعو عالبيت
وهم في السياره الحاج كامل قال
عارف يا حارس.
لو كنت اتهورت. ونزلت
كنت خسرت كل شي
بس اتعود ياولدي. ان الصبر افضل طريقه لحل اي مشكله
وان الانسان اللي ماشي في رعاية الله
الظروف بتساعده. وربنا بينجيه باعماله الصالحه
وانت وابوك.
ربنا بيحبكم. وتعال اوريك حاجه.
اعتبرها مكافئة صبرك
طلعو شقة الحاج كامل
خبطو علي الباب. فتح عمرو الصغير
دخل الحاج كامل. ووراه حارس
بص حارس شاف فاطمه اخته. قاعده
شافته قامت جري عليه
اتعلقت في رقبته
حارس. شاف اخته. وردت فيه الروح
من الصدمه وقع علي الارض وانهار من البكي
وفضل يقول لفاطمه سامحيني
فاطمه قالت له. اللي حصل مكتوب ياخوي
مش بايدنا نغيره
الحاج كامل. هدي حارس. وفضل يحكي له
عن الخطه اللي انقذ بيها فاطمه
وقال لاحمد ابنه. انت هتنام مع حارس فوق
وفاطمه هتقعد هنا مع سلوي

نرجع. للصعيد
الصبح شباب عيلة العمده. راحو يتطمنو علي جابر ويدوه النقطه
فضلو يخبطو علي الباب ماحدش بيرد
فضلو يهزرو قدام الباب.
ويقولو دا عريس جديد مش هيفتح ولا هيطلع من داره
فجأه واحد منهم قال
لا طبعا. جابر لما بيسمع صوتنا بيجي جري
فضلو يخبطو جامد علي باب الدار
بس ماحدش بيرد
كسرو الباب ودخلو
لقيو جابر سايح في دمه ومغمي عليه
خدوه بسرعه لدكتور القريه
وفضلو يدورو علي فاطمه مش لاقيينها
بعد ما فاق جابر
خدوه للعمده علشان يعرف ايه اللي حصل منه
جابر قال انه باليل
غفلته فاطمه
وضربته بالشومه وهربت
وهو ماشافش شي بعد ما اتلقي الضربه

الخبر انتشر في القريه
والناس كلها عرفت باللي حصل
وصل الخبر لابو حارس
اول ماسمع. قال
ومن يتق الله يجعل له مخرجا

نرجع. ل حارس

كان كل يوم يروح الشغل
ويرجع مع الحاج كامل. يتجمعو كلهم علي الغدا
وبعد الغدا. يقعدو يتكلمو.
فاطمه قالت ل حارس ان نعمه. بنت عمه.
ممكن تكون في خطر
لانهم عارفين انها خطيبته
وممكن ياخدوها كأداة صغط جديده علي حارس
حارس قال للحاج كامل. والحل في موضوع نعمه ده ياعم كامل
الحاج كامل. قال الحل. انها تتخطب لغيرك
حارس:- اذاي تتخطب لغيري
دي خطيبتي وحبيبتي وبنت عمي
الحاج كامل؛- لو بتحبها صح ياولدي
ارضي باللي بقولك عليه
لو ده حصل
هتبقي هي في امان
لاكن طول ماهي تخصك
مش هايسيبوها في حالها

علي العموم
انا هبعت مرسال لابوك
وهنتصرف انا وهو،،،،

نعمه كانت في بيتهم.
قاعده باليل. سهرانه
حست بصوت في خلف دارهم
طلعت تشوف فيه ايه
فجأه طلع لها اتنين ملثمين
واحد حط ايده علي فمها
وبدئو ياخدوها
وهم خارجين بيها
ظهر .............

تم