ليلي بنت الحارس

الفصل ١٧

(ليلي بنت الحارس). الفصل.   ١٧

الحاج كامل؛-عاوزك. تصبر. وتقوي. وتتوكل علي الله
وبلاش. تعمل في نفسك كده
قوم ياحارس
خش قاعتك. نام شويه. وارتاح
وانا هروح. اشوف احمد ولدي
حالته بقت صعبه خالص

نروح ل مصطفي-
قاعد مصطفي. في الدوار
مع عمه منصور والرجاله
بيبحثو امر اولاد حارس
وبيتطمن منصور من الرجاله
قالو له انهم لسه قاعدين في دار جدهم متولي

وهم قاعدين. دخل ساعي البريد.
جايب مظروف لمصطفي
مصطفي خد المظروف وفتحه
قال ل عمه
ان ده فاكس من الجامعه في امريكا
بيطلبو منه انه يحضر في خلال يومين
منصور:- هتسيبنا في اللي احنا فيه ده وتسافر
مصطفي:- لازم اسافر علشان مايفصلونيش من الجامعه
وخصوصا ان دي اول سنه
ومش هغيب
يدوب كم شهر وهرجع.  

في دار. الحاج متولي.
قاعده ليلي. وعلي
في ساحة البيت.
دخلت. عليهم نسمه. راجعه من المدرسه
قالت السلام عليكم
ردو عليها السلام
وليلي. قعدتها جمبها.
وفضلت. تتكلم معاها
علي استحي وقام يمشي
ليلي قالت له. اقعد ياعلي
الكلام اللي هقوله ده. لازم تسمعه
جدي الحاج كامل بلغني.
انك. هتتجوز بنت عمك نسمه
وهتقعد هنا مع عمك دياب
تراعي الارضوتعمر البيت
وتنتظر رجوع ابوك لأرضه وبيته

علي. يعني ابويا راح يرجع
ليلي:- وقريب ان شاء الله
اهم حاجه. تحط نسمه في عنيك
لعند ما يعدي وقت علي وفاة المرحومه
وبعدها. كل شي هيتم

وانتي يانسمه.
تاخدي بالك من علي.
واوعي في يوم تزعليه.

نسمه :- ازعله.
دا الاستاذ علي. طيب وعمره. ماحد يزعله
ليلي:- بلاش استاذ دي يانسمه
الواد صغير ما عجزش
علي:- نسمه انسانه طيبه وحساسه
وعمرها ماتطلع منها العيبه
ليلي:- هتقعدو تسبلو لبعض
وانا قاعده وسطيكم كيس جوافه يعني
قوم ياعلي شوف رايح وين علشان الحب هيولع في الكنبه اللي قاعده عليها😂

الحاج كامل. راح عند احمد ولده في مصر
كان منهار جدا
واطفاله كانو صغيرين
فضل يتكلم معاه
علي اللي شافوه في الصعيد
وفضلو يتناقشو في موضوع التار
في وسط الكلام احمد قال كلمه
رنت في دماغ الحاج كامل.
وماعدتش عليه مرور الكرام
احمد قال
وهو لازم يعني الدم يغسله الدم

هنا الحاج كامل.
جات في دماغه فكره
استدعته انه يسيب احمد ويخرج فجأه في صمت
طلع تليفونه
واتصل ب حارس
وطلب منه ينزل له مصر
فوراً

مصطفي. جهز هدومه.
واستعد للسفر.
دخلت عليه امه. اوضته
قالت له. عملت ايه مع عمك
مصطفي. :- ولا شي يا امي
قلت له ان كم شهر وهرجع
ام مصطفي:- اعمل معروف ياولدي ماتمشيش في سكة عمك
عمك عاوزها حريقه قايده
مصطفي.  صامت. مش عارف يقولها ايه
كل اللي عمله
قرب من امه. وطبطب عليها. وقال لها
مش هيحصل غير اللي ربنا كاتبه يا امي
ادعيلي انتي بس
وانا متاكد ان ربنا سبحانه وتعالي مش هيكتب لي حاجه وحشه
ام مصطفي. فضلت تدعيله.
وحضنته. وسلمت عليه
ونزل من اوضته علشان يمشي
شاف عمه مستنيه تحت
قال له. يامصطفي. اعمل حسابك. اول ماترجع
هتكتب كتابك علي بتي
وتخطيط امك ده بتاع جوازك من بنت المأمور
تشيله من دماغك
بنات البندر ما ينفعوش معانا
مصطفي:- ياعمي انا موضوع الجواز ده مش في دماغي
ومش بفكر فيه دلوك
انا مركز في دراستي
ومش عاوز حاجه تشغلني عنها
منصور:- هتكسفني علشان بعرض عليك بتي
هي الف من يتمناها
بس ماحدش هياخدها غير ولد عمها
انت اولي بيها
ولازم لما ترجع. نخلصو الموضوع ده
مصطفي. ان شاء الله لما ارجع يا عمي
نبقي نتكلم في الموضوع ده