ليلي بنت الحارس

الفصل ١٦

(ليلي بنت الحارس).  الفصل.   ١٦

منصور. راح بيت مصطفي
خبط علي الباب
فتحت له الشغاله
قال لها فين مصطفي
قالت له نايم
وجري علي اوضة مصطفي
فضل يخبط كان هيكسر الباب
فتح له مصطفي
فضل منصور يزعق له
انت نايم يا روح امك
وحارس وصل
والرجاله راحت. قدامنا
البس خلقاتك
بسرعه
وامسك المسدس ده
ويلا بينا بسرعه

مصطفي كانت دماغه مشتته
بيفكر في مستقبله. وحياته.
وفي نفس الوقت
مش عايز يطلع جبان قدام اهله
ويتراجع عن تار ابوه
يفتكر ليلي. اللي من ساعة ماعرفها. وهو حاسس احساس غريب
ويفتكر. ابوه اللي ماشبعش من حنانه بسبب قتل حارس ليه
يفتكر انه بعد مايقتل حارس هيتسجن وممكن يتعدم
ويفتكر انه لو خاف ورجع. هيموت علي ايد عمه
او علي ايد اي حد من عيلته
عمه فضل يصرخ عليه
يلا ياواد
خليك راجل
يلا تار ابوك جه اوانه
يلا خلي ابوك يرتاح في تربته

مصطفي. لبس هدومه. وخرج مع منصور عمه

خرج منصور
خد الرجاله بالسلاح وطلع علي المقابر
ام مصطفي. واخته
سمعو دوشه قدام الدوار
بصو من فوق
شافو مصطفي ماسك مسدس
وخارج مع منصور والرجاله
فضلت تصرخ وتنده عليه
لاكنه ابتعد.

عيلة. متولي واقفه في المقابر
مستنيين الجنازه توصل
والسلاح مخبيينه جمب القبر
وواقفين حواليه

بعد شويه.
وصلت. الجنازه
والسياره. وقفت
نزل الحاج كامل.
وفتحو الباب الخلفي

وهنا. نزل حارس
كانت رجله اول مره تخطي الصعيد بعد غياب عشرين سنه
بمجرد نزول حارس
كانت عيلة العمده
داخلين بالسلاح
محاوطين المكان
لكن فجأه
عيلة متولي كلها مسكت السلاح
وده شئ ماكانش متوقع عند منصور
العيلتين. وقفو في وش بعض بالسلاح
وحارس كان متحاوط بناسه
نزلو الجنازه. ودفنوها
وحطو النعش في السياره
وركب الحاج  كامل في السياره.
ومشي
عيلة العمده مستنيين. عاوزين حارس
وعيلة متولي واقفين يحموه
بس اللي حصل مفاجأه
عيلة. متولي. نزلو سلاحهم
وبدئو يمشو.
منصور   اصابه الذهول
ايه اللي بيحصل ده
بدئت عيلة متولي
تمشي من قدام عيلة العمده واحد واحد
فضلو يدورو علي حارس
فص ملح وداب
حارس اختفي
اذاي. ماحدش يعرف
منصور اتجن
بس مصطفي فضل يحمد ربنا في سره
انه نجاه من الموقف ده

رجع منصور ورجالته علي الدوار
هيتجنن من اللي حصل
اذاي حارس نزل قدامهم
وشافوه
وفجأه يختفي
مع انهم شافو الناس وهي بتمشي فرد فرد

اما عيلة متولي
رجعو نصبو العذا
وفضلو يستقبلو العذا

مصطفي رجع البيت
بيترعش
ووشه اصفر ومخضوض
امه قالت له ايه حصل يامصطفي
بالعافيه مصطفي قدر يتكلم
ويقولها. ان حارس حضر الدفنه
بس اختفي بعد مادفنو الجنازه
ماحدش عارف هو راح فين