ليلي بنت الحارس

الفصل ٢٨

(#ليلي_بنت_الحارس). الفصل.  ٢٨

الحاج كامل. قام. وبدء يخرج من الفرح
حارس قام وراه
الحاج كامل. طلب منه انه يقعد
ويسيبه
حارس رفض. وقال له هروح معاك. انت رايح فين بس
الحاج كامل. قال له.
بقولك اقعد مكانك
انا دقيقه وراجع
حارس كان بيسمع كلامه.
قعد حارس. وخرج. الحاج كامل.
وراح ناحية الغيط اللي ورا المكان اللي فيه الفرح

كانت. رحمه. متلتمه. بشال. اسود
وفي ايدها. البندقيه
ولفت. من ورا الفرح.
في الغيط وكانت. الجهه اللي من ناحية. الغيط مكشوفه
وجهت . رحمه. بندقيتها. علي صدر مصطفي.
كانت تعرف تنشن كويس
ابوها الجاحد. كان معلمها ضرب النار

عنيها. زي الصقر
مركزه. علي دماغ مصطفي
علشان حتي لو كان لابس واقي من الرصاص.
المرادي مش هيفلت. منها
حطت. يدها. علي الزناد
وخدت نفس عميق. وكتمته

وقبل ماتدوس علي الزناد.
سمعت. صوت وراها بيقول
ولا تقتلو النفس التي. حرم الله الا بالحق

من الخوف. والرعب. بصت وراها. وايدها. من الربكه. داست علي الزناد
بس الطلقه. طلعت. في الهوا
الكل خرج. يجري من الفرح
الحاج كامل. خد من رحمه البندقيه
وقال لها.
اجري. علي داركم.
وابقي تعالي. الغيط. المغرب بكره. علشان تاخديها. 
واقفه. رحمه متثبته في مكانها.
الحاج كامل. مسكها ودفعها. ناحية الغيط
دخلت جري
كان وصل حارس. ورجالة العيله كلهم
شافو الحاج كامل. واقف وفي ايده بندقيه
حارس قال له خير ياحاج

الحاج. كامل.
مافيش ياحارس ياولدي.
لمحت. ديب في الزرع
ضربت عليه طلقه علشان يمشي مايأذيش حد
حارس. طيب تعال انت
وانا والرجاله
ندخل نجمعه ونضربه بالنار

كانت. رحمه لسه واقفه في الغيط. قريب
وسامعه الكلام

قال الحاج كامل.
لا ياولدي. مالوش داعي
يلا بينا. علشان الولاد مايتخضوش

رجعو الفرح. وطمنو الناس ان مافيش حاجه

رحمه. روحت. البيت.
وكانت. في حاله غريبه
امها اول ماشافتها.
قالت لها مالك يابتي.
رحمه. سرحانه. وماردتش. ودخلت. اوضتها من سكات
فضلت. طول اليل في تفكير. وحسابات
وتتخيل. لو الحاج كامل. كان مسكها. وخلي البلد كلها تعرف باللي كانت هتعمله
وتفتكر. ليه الراجل ده. عمل معايا كده:::::——-

الفرح. كان جميل جدا.
وكانت الفرحه اجمل.
اخر. اليل. الحاج كامل. قال كفايه. كده
يلا ياحارس. خليهم. يروحو.
وهنا. سلوي. وحارس.
بصو. ل ليلي. وفضلو يبكو.
دي لحظه. كانت. من اسعد واصعب اللحظات عليهم
الدموع كانت مجهوله
مابين الفرح والفراق
. كانت الدموع مختلفه
وليلي. لما شافتهم
ماقدرتش تمسك نفسها.
جريت عليهم. وحضنتهم

الحاج كامل. قال.
وبعدين معاكم ياحارس انت وسلوي
دا وقت نكد
بدال ما تضحكو في وش البت
وتزيلو عنها التوتر اللي هيا فيه
تزودو عليها الهم
اسكت منك ليها
تعالي يابت ياليلي
جريت ليلي علي جدها باست ايده