ليلي بنت الحارس

الفصل ٢٣

( ليلي بنت الحارس). الفصل.    ٢٣

وهم في المطار
فضلت. تبص بعنيها. بين الناس
كان نفسها تشوفه. قبل ماتسافر
الحاج كامل. لاحظ عليها ده
وقال لها. 
ممكن تكوني قسيتي عليه
بس اتاكدي
هيلاقي الف سبب
ليلي:-  تجري الرياح بما لاتشتهي السفن ياجدي

وهنا سمعت. صوت. من وراها. بيقول

تجري الرياح كما تجرى سفينتنا
     نحن الرياح ونحن البحر والسفن
أن الذى يرتجي شيئا بهمته
    يدركه لو حاربته الإنس والجن
ليلي. بصت. وراها شافت. مصطفي.
لابس اشيك بدله. وجايب شنطته ومسافر معاها

حست. في اللحظه دي
ان مصطفي ده   هو الامان. والسند
وجوده معاها في الوقت ده
وبرغم زعلها منه.
اكد لها. انه بيحبها بصدق

ودعو. اهلهم. وركبو الطياره
وفضل. يشرح. لها. اللي حصل بالتفصيل

وطول الوقت. وهي تتكلم معاه
وتبص في عنيه.
وتشوف ان كل كلمه بتطلع من جواه
ماكانش بيتصنع. او يتلون علشان يعجبها
بالعكس
ليلي شافت في مصطفي. عفويه غريبه
ماشافتهاش قبل كده غير في عيون حارس

وصلو. المطار
ومصطفي. وصلها. السكن بتاعها
وقالت له. امشي بسرعه قبل زمايلي
ماييجو يشوفوك😂

مصطفي. اتفق معاها
يجي لها الصبح يوديها المكان اللي هتحضر فيه الندوه

في البلد. 
رحمه. كانت خارجه من بيتهم. رايحه الوحده الصحيه
قابلت هناك. نعمه. مرات دياب. وام نسمه
فضلو يتكلمو مع بعض
رحمة ذكيه جدا
وحست. من كلام نعمه
انها مش راضيه. علي الجوازه دي

وهنا. رحمه. اتصاحبت. علي نعمه
وطلبت منها. انها تبقي تزورهم
وتكون صاحبتها

نعمه. رحبت جدا. بالموضوع.
وخصوصا لما عرفت. ان رحمه. كمان
هدفها. انها تمنع جواز مصطفي من ليلي
وبقي فيه بينهم كلام واتواعدو يكملوه في وقت تاني'''''''

الحاج كامل. جاله خبر. ان منصور
هيخرج بكفاله. علي ذمة القضيه

راح بسرعه. للمأمور.
قعد معاه وبدء يفهم منه
ان فيه ناس مهمه. متدخله. في موضوع. منصور
وفيه ضغوط كبيره.
علشان يخرجوه من القضيه دي

الحاج كامل. قال.
يبقي. نصيد الذئاب في وادي الذئاب
المأمور.-: تقصد ايه ياحاج كامل
الحاج. كامل:-  لازم. منصور يخرج. علشان يكون طعم
تصطادو بيه الناس المهمه اللي متورطه معاه
يا سعادة المأمور
مافيش حد فوق القانون
لازم. الايادي الخفيه دي تتمسك.
وتاخد جزائها
وجودهم بره السجون. مرض بينهش في المجتمع
ودوركم انكم تستأصلو المرض ده
من جذوره
وانا هساعد باللي هقدر عليه
لو منصور خرج
الناس اللي خرجته. 
هتجي له  في دواره
مش علشان تسلم عليه
علشان تتطمن علي تجارتها وفلوسها
لازم. كل كلمه. تتقال. في اللحظه دي
تتسجل
لانهم هيتكلمو في كل البلاوي اللي بينهم
وسيب الموضوع ده عليا
المامور. احنا عاوزين نسمع كل كلمه هتتقال بصوتهم
عندنا ميكرفونات تسجيل حساسه
بس المشكله في اللي هيوضعها في الدوار عند منصور
الحاج كامل:-المهم حضرتك
تنسق معايا اول ب اول
وانا. هتصرف. وهاشوف طريقه.
احط بيها ميكرفونات تسجيل في دوار منصور