ليلي بنت الحارس

الفصل١٠

( ليلي بنت الحارس).  الفصل  ١٠

فلاش باك؛؛؛؛
الشوال اللي كان فيه دم ده كان فيه لحمه
والخطه كانت بين الحاج كامل والحاج عبد الله
وحارس
وسلوي وليلي شاركو في الخطه
علشان يثبتو ل علي ان اصحابه مش هيقفو معاه وقت شدته
لانهم اصحاب مصلحه

علي رجع ل عقله. والتزم
وبقي يروح مدرسته
ويرجع علي بيته
يخرج للصلاه في المسجد
ويرجع البيت
ليلي. قربت امتحاناتها
وكانت طول الوقت في مذاكرتها
ايام الامتحانات
كان علي يسهر جمبها طول اليل
والصبح ياخدها هو وحارس
يودوها الامتحان
ويستنوها لما تخلص
ويرجعو سوا علي البيت
في اخر يوم امتحانات ل ليلي
خرجت زعلانه.
ولما سالوها عن السبب
عرفو منها ان فيه مراقبه
اخدت منها ورقة الاجابه قبل الوقت مايخلص
بحجة انها بصت وراها
بس تقريبا كانت خلصت كل الاجابات
مش باقي غير حاجات بسيطه جدا
حارس قال لها
ماتخافيش
ربنا هيجازيكي بتعبك وصبرك ومجهودك
واللي يجيبه ربنا كله كويس
ليلي:- ونعم بالله يا بابا
كل اللي يجيبه ربنا انا راضيه بيه
خدهم علي. وراحو اتفسحو
وفضلو يخرجو ليلي من الحاله اللي كانت فيها
لانها في فترة الامتحانات
تعبت جدا
وضعفت من السهر والمذاكره
باليل وهم راجعين
ليلي شافت مدام زينات اللي ساكنه في العماره
ومش بتحب ليلي
الغريب انها شافت معاها
المراقبه اللي سحبت منها ورقة الاجابه
قبل الوقت مايخلص
ليلي. عرفت ان اللي حصل ده
كان من تدبير زينات لانها متغاظه من ليلي
وهم خارجين ليلي. وقفت وبصت عليهم
وقالت للمراقبه
يا استاذه. حضرتك النهارده سحبتي مني ورقة الاجابه. قبل الوقت.
بحجة اني بصيت ورايا
احب اقول لحضرتك
ان في يوم اكيد بنتك او اختك هتتعرض للظلم ده
لان كما تدين تدان
وانا مش اقدر اقول غير
حسبي الله ونعم الوكيل

هنا مدام زينات فضلت تزعق ل ليلي
اذاي يابت انتي تتكلمي معانا بالطريقه دي
انتي نسيتي نفسك
اما المراقبه
ففضلت باصه علي ليلي
واصابتها حاله من الندم الشديد
لان زينات كانت مفهماها تعمل كده
علشان ليلي بنت وحشه
لكن المراقبه. من اللي شافته في ليلي
عرفت انها غلطت
ليلي دخلت شقتهم
من غير ماترد علي كلام زينات
حارس وعلي وقفولها
وفضلو يوبخوها علي العمله اللي عملتها
وخلال كلامهم
كتير من سكان العماره عرف اللي حصل
وكلهم زعلو علي ليلي
بعد فتره. قربت نتيجة الثانويه العامه
وليلي كانت في الفتره دي متوتره وخايفه
وفي يوم
تقرر اعلان نتيجة العشره الاوائل علي الجمهوريه
في نشرة الاخبار
ليلي واهلها. ما اهتموش
لانهم مش متوقعين ان ممكن ليلي تكون منهم
علي وحارس
بعد ماصلو العشا
ورجعو البيت علشان يتعشو
قعدو كلهم علي السفره
وكانت النشره الاخباريه شغاله
وقال المذيع
والان مع اعلان العشره الاوائل في الثانويه العامه
علي مستوي الجمهوريه
المركز الاول علي الجمهوريه
ليلي حارس متولي😰😰
كل الانفاس اتكتمت
قلوبهم وقفت للحظات
الصدمه بانت في نظرتهم لبعض
صرخة سلوي بقولة الله اكبر سمعت الدنيا كلها
حارس وعلي سجدو في الارض ودموعهم بتنزل
ليلي وقعت مغمي عليها
كل اهل المنطقه
في دقيقه كانو قدام بيت حارس
ليلي بنت حارس مش بس الاولي علي اسكندريه
ليلي الاولي علي الجمهوريه كلها
البيئة اللي طلعت ليلي
وترابط اسرتها وصلها لقمة المجد
الايمان بالله
والصدق في التوكل علي الله
هو اللي خلي ليلي تتكافئ بوصولها لقمة القمة
اليله دي كانت اكتر ليله اتجمع فيها اهل المنطقه
فرحتهم ان ليلي تحصد المركز الاول كانت صادقه
لان الكل يعرف انها تستاهل
فضلو يفوقو فيها
اول مافتحت عنيها
الدموع نزلت زي السيل
بصت لامها منهاره من البكي ومسنوده علي السلم
بصت في عيون علي شافت الفرحه
وبصت ل حارس
وهنا شفايفها اتحركت
وعنيها اتهزت
وقامت بدماغها ماده ايديها ليه
حارس جري عليها وخدها في حضنه
وقال لها مش قلت لك يا ليلي
ربنا هيعوض تعبك وايمانك وصبرك خير
قالت له
بصوت هادي يدوب سمعه
الاولي ياحارس   دا نجاحك انت يا حبيبي
قامت علي رجليها بالعافيه
فضلت تمشي وحارس مسندها لعند ماوصلت اوضتها
دخلت اترمت علي سجادة الصلاه
وفضلت تشكر ربنا
حارس قفل عليها الباب
وخرج
الصحافه والاعلام والتلفزيون
في دقيقه
كانو قدام بيت حارس
والست زينات
باصه من شقتها اللي في الدور الرابع
وهتموت من الحسره
عملت المستحيل علشان تأذي ليلي
ولكن المتوكل علي الله وآخذ بالاسباب
ما بتعطلش سفينته الرياح
ولا تاثر الامواج علي وصولها
ليلي كانت مثال حقيقي
للعلم والايمان
الصفتين دول هم اللي وصلوها لكده
لو كان عندها علم ونقص ايمان
كانت مكيدة زينات مع المراقبه اثرت علي نتيجتها
لكن اللي حصل
ان المراقبه
بعد موقف ليلي معاها
راحت وزارة التربيه
واعترفت بغلطتها
واتحولت للتحقيق
والوزاره اعتبرت اجابة ليلي مكتمله
وخدت الدرجه النهائيه

خرجت ليلي من غرفتها
وفضلت تستقبل الناس اللي فرحانين بيها
وخرجت الشارع
والتلفزيون بقي يصور معاها

باليل كل الناس مشيت
وقعدو مع بعض في بيتهم
كانت كانها ليلة عيد
حارس قال ل ليلي
ناويه علي ايه يا حبيبتي
تحبي تدخلي كلية ايه
ليلي قالت. ان شاء الله هدخل كلية الطب يابابا
وابقي دكتوره
حارس قال لها ان شاء الله هتبقي اشهر دكتوره في الدنيا
ربنا يوفقك يابنتي وينور طريقك دايما

في اليوم التاني
جات سيارات شرطه
ووقفت قدام العماره
ونزل منها ناس
خبطو علي بيت حارس
فتح حارس
وكانو بيفطرو
شاف واحد اجنبي
ومعاه افراد من الشرطه
دخلو بيت حارس وقعدو
الراجل الاجنبي ده
من السفاره الامريكيه
وجايب منحه من امريكا ل ليلي
طالبينها تدرس في امريكا بالمجان طوال فترة الدراسه هناك
في اهم واشهر جامعه في امريكا.
الموقف كان صدمه بالنسبالهم
مش قادرين يحددو يرفضو
ولا يقبلو
لكن ليلي في المواقف اللي زي دي
كانت عارفه بتعمل ايه
ليلي قالت انها هتفكر
وهترد عليهم خلال ايام
وده علشان تصلي استخاره
وتشوف لو الامر ده خير ليها هيتم
ولو كان وجودها ودراستها في بلدها خير ليها
كمان هيبان
الناس مشيو واتفقو انهم هيتلقو رد
بعد ايام
بعد ما مشيو
سلوي كانت رافضه بشده
هي ام
وبتفكر بعاطفتها
اما حارس فكان متاكد ان القرار الصح هو اللي هتاخده ليلي
علي بقي كان صامت مش مبدي اي راي
لانه واثق في اخته
سواء سافرت
او كملت دراستها في مصر
ده مش هياثر عليها في شئ
باليل سلوي دخلت اوضتها بدري
فضلت لوحدها
سلوي كانت حابه تدخل لها
حارس منعها
الفجر ادن
واتجمعو في الصاله
وهنا خرجت عليهم ليلي
من اوضتها. مبتسمه
وقالت. انا قررت .....

تم؛؛؛؛؛؛؛

تم———/....🌺🌹