ليلي بنت الحارس

الفصل ٢٧

(ليلي بنت الحارس). الفصل.  ٢٧

يوم. الخميس الصبح
ام مصطفي. دخلت. تصحي مصطفي
قوم ياعريس
قوم علشان تودي عروستك الكوافير
مصطفي:- ولازمته ايه الكوافير ده بس ياماما
هي ليلي. زي القمر بطبيعتها كده
ام مصطفي:- يابني هو اللي بيروحو الكوافير وحشين
دا شئ لازم
قوم بس وبطل لماضه
قام مصطفي.
وخد دش وغير هدومه. وخد اخته. في العربيه
وراحو عند دار متولي.
اول ماوصل. رن علي ليلي.
ردت عليه. فينك
قال لها. انا بره. في العربيه انا واختي
قالت له انزل تعال افطرو معانا
نزلو من العربيه.
واول مادخلو. كان احمد ابن الحاج كامل وابنه الصغير موجودين
ابن احمد اول ماشاف اخت مصطفي جري عليها
وهي فرحت جدا لما شافته
وفضلت شايلاه وتلاعبه.
وهو يضحك ومبسوط معاها
وهم بيفطرو
نسمه. بتاخد الاكل من قدام ليلي. وتدي علي.

اما ليلي. فكانت تشيل الاكل من قدامها.
وتدي حارس.
وتحط قدام جدها الحاج كامل
ماكانش ليها نفس للاكل
كان شكلها متغير. وسرحانه.
مصطفي كان ملاحظ عليها. انها. متوتره

خلصو فطار
وراحو مع. مصطفي.
ركب علي جمب منه
ونسمه. وليلي. ركبو في الكرسي الخلفي
واخت. مصطفي اضطرت. تقعد علشان ابن احمد الصغير. متعلق بيها
ومش راضي يسيبها

نروح. ل رحمه——-؛

رحمه. راحت الخميس الصبح.
المحكمه
كانت جلسة. منصور. واللي معاه
اول مادخلو القفص
وقبل مايخرج القاضي
راحت رحمه لابوها.
وفضلت. تتكلم معاه
منصور قال لها.  ايه جابك يارحمه. قلت لك ماتجيش
رحمه. ماقدرتش يابوي. وجيت علشان اتطمن ان المحاميين حضرو
منصور. وهيعملو ايه المحاميين يابتي.
دا القضيه. مترتبه. ومافهاش ثغره
دا كامين معمول لنا. ومترتب.
رحمه:- وغلاوتك عندي يابوي.
اللي عملو فيك كده. ماهرحمهم. ولا هخليهم يتهنو لحظه
منصور. بلاش يارحمه. بلاش يابتي
كفايه انا. رحت في داهيه.
بصي لنفسك وامك. وخليكي في حالك. مش عايز اللي جرالي يجرالك
اوعاكي يارحمه. تعملي حاجه
اسمعي كلامي يابتي.
خليكي. جمب امك. وراعي. ارضنا.
رحمه:- وتفتكر حرماني انا وامي منك. يتنسي
وغلاوتك يابوي. لاخد حقك. ولو تمنه روحي

دخل. القاضي.
منصور قال ودموعه نازله.  بلااااش يارحمه
ابوس ايدك يابتي. روحي. البيت
امشي يارحمه

رحمه. دموعها نازله. وهزت. دماغها بالرفض
وقعدت في قاعة المحكمه
في اخر. الجلسه
القاضي قال
حكمت المحكمه حضوريا. علي المتهمين
بالسجن. عشر سنوات
رفعت الجلسه::::::::::

وصل. مصطفي. عند الكوافير.
نزلت. نسمه. اللي كانت طايره. من الفرحه
ونزل. علي
فضلت. ليلي. سرحانه. ومتوتره
بص مصطفي. عليها.
وقال. مالك يا ليلي.
رفعت وشها. وقالت. هاااه.  مافيش
مصطفي. :- بس عنيكي. بتقول انك متوتره.
ليلي. اتنهدت. وعنيها. شردت لفوق
وبصت في عنيه. وقالت.
قلبي متوغوش يامصطفي
حاسه بخنقه مش عارفه ليه
مصطفي:- ابتسم. وركز في عنيها وقال
معقول. اليوم اللي هنبقي فيه مع بعض
تبقي بالحاله دي
طيب بصي لنسمه. اللي اصغر منك.
طايره من الفرحه
ليلي:- ماشاء الله عليها البت دي
ورده من بستان ربنا يحفظها
وعلي اخوي وفرحته بيها ماتتقدرش
مصطفي:- وانتي ياليلي. اذكري الله.
وشيلي الهواجس دي من دماغك
وافتكري. ان الليله. هتقبضي عليا. وهبقي ملكك
ليلي:- ابتسمت بخجل.