ليلي بنت الحارس

الفصل ١٩

(ليلي بنت الحارس)الفصل.  ١٩

باليل اتجمعو كلهم
والحاج كامل. قام واقف
وهم قاعدين. 
وقال. اسمعو اللي هقولكم عليه. كويس

اكيد يامصطفي امك حكت لك اللي حصل في موضوع ابوك
بس اللي ماتعرفهوش
ان حارس اللي قاعد قدامك ده
حافظ كتاب ربنا
وعمره ماقلبه يطاوعه انه يقتل
اللي حصل كان قضاء وقدر

واكيد امك حكت لك بالتفصيل

المشكله في عمك منصور
عمك منصور. خدك علشان تقتل حارس.
مش علشان ده تار ابوك ولازم تاخده بايدك. لاء
دا كان عايزك تقتل. ويتلف حبل المشنقه حوالين رقبتك
وياخد هو الارض والدوار والعموديه
الاخ يا مصطفي. مش هيستني ابن اخوه عشرين سنه لما يكبر وياخد بالتار
ده عمره. مادور علي حارس ولا سأل عنه
بس لما حارس هرب ساعتها
ومنصور شاف الخوف في وشك
وعرف انك صعب تقتل
قرر يلعب لعبه تانيه
ياخد بيها الارض والعموديه
وده موضوع جوازك من بنته

انا اتكلمت مع امك. يامصطفي
وخليتها. اتكلمت مع المأمور.
ودبرنا خطه
الخطه. دي. لازم كل واحد يقوم بدوره فيها من غير اي اخطاء

مصطفي هينزل البلد
وعمه هييجي له البيت علشان يكلمه في موضوع جواز بنته
لانه عاوز بنته تكون كمان عين ليه داخل البيت
بعد الشغاله بتاعته اللي انكشفت

اول ما عمك ييجي عندك
هتلاقي المأمور. جايب قوه من المديريه
وجايين يتكلمو في موضوع الصلح
بينك. وبين حارس

وهيعرضو عليك لو اتصالحت هتبقي العمده
عمك هيرفض
بس انت هتوافق
وتقول. انا مستعد اعمل اي حاجه علشان عمودية ابوي وجدي ترجع لنا
عاوزك تنسي انك مصطفي. الخجول اللي بيسمع كلام الاكبر منه
وتبقي مصطفي العمده اللي كلامه لازم الكل يسمعه
هتوقف اسد صوتك من جلدك
وكلامك سيف ماضي علي رقاب الكل
واولهم منصور

في نفس الوقت.
حارس. هينزل البلد.
ويروح مع القوه. الجبل يوريهم مخازن السلاح بتاعة منصور. حارس زمان طلع الجبل. وعارف المكان كويس

وانا هنزل بنفسي.
هلم عائلات البلد
والبلاد اللي جمبينا
علشان نقف معاك يامصطفي والصلح يتم

قبل ماتمشي. يامصطفي
عوز اقولك حاجتين
اولاً:-  احنا عملنا معاك كده مش خوفاً من التار
احنا عاوزين نغير التعصب الكداب اللي مالي دماغ الناس
احنا لو مش شايفينك. شبهنا. بطيبتك. واخلاقك.
وعلمك وحلمك وايمانك.
ماكناش وقفنا جمبك. ولا ساعدناك
ثانياً؛- خد البس السديري الواقي ده
واول ماتوصل.
اتوضي. واقرا قران كتير

اول ما الحاج كامل قال الكلام ده
ليلي بصت لمصطفي.  وعنيها دمعت
وقامت جريت علي اوضتها.

مصطفي كمان. خاف.
خاف حلمه ب ليلي. مايكملش بسبب طمع عمه
خاف. علي. روح امه واخته اللي متعلقين بيه
وعلي مصيرهم في ايدين عمه لو جراله حاجه