ليلي بنت الحارس

الفصل٥

(ليلي بنت الحارس).  الفصل.  ٥

حارس. كان كل فتره ينزل عند الحاج كامل
يتطمن علي اخته
وفي يوم. كان قاعد عندها.
جات سلوي. الصبح مع عمرو يشوفو فاطمه
شافو حارس قاعد سلمو عليه
حارس قال ل سلوي
انتي هتروحي المدرسه بلبسك ده
سلوي قالت اه طبعا دا العادي
حارس:- عادي ايه روحي البسي حاجه واسعه
وغطي شعرك ده
سلوي:- انت بتقول ايه
دي طبيعتي ودا لبسي وانا حره
حارس:- حره اذاي. ماينفعش بنت الحاج كامل تروح شغلها بالمنظر ده
سلوي. منظر ايه وانت اصلا مش هاتقولي البس ايه واعمل ايه
صوت حارس علي
وسلوي اتعصبت
فاطمه واحمد فضلو يهدو فيهم
وسلوي نزلت شقتهم
متدايقه ودخلت اوضتها.
وهي داخله قالت لابوها وامها
ياريت تفهمو اللي اسمه حارس ده
مالوش دعوه بيا ولا بلبسي
دي بقت حاجه تخنق
في اللحظه دي الحاج كامل بص لمراته وضحك

والغريب ان سلوي قعدت شويه في اوضتها
وخرجت لابسه تحجيبه ومغيره هدومها بهدوم اوسع
الحاج كامل اول ماشافها خارجه كده
ومستحيه منهم وهي خارجه
راح بسرعه ل حارس.
وقال له انت ليه زعلت سلوي
حارس:- ياحاج كامل انا بعز الاستاذه سلوي
وبخاف عليها
ونزولها شغلها بالشكل ده. دايقني شويه
الحاج كامل:- قوم تزعلها كده
لا ياحارس
لازم تروح بعد الضهر تاخد عربيتي وتجيبها من المدرسه وتتاسف لها
حارس:- بس انا ماغلطتش ياحاج كامل
الحاج كامل:- خلاص خليها زعلانه منك كده
ومش هتكلمك تاني
اقوم انا اروح اريح شويه
حارس:- خلاص هروح. خلي مفاتيح العربيه
وانا بعد الضهر هروح اجيبها. من شغلها واعتزر لها
الساعه واحده الضهر
حارس خد العربيه ووقف قدام المدرسه مستني سلوي
خرجت سلوي وشافت حارس واقف مستنيها
ابتسمت. وراحت ناحيته
اول ما قربت منه   مابصش عليها وكانه مايعرفهاش
لانها كانت لابسه غير اللي شافه الصبح
ماخدش لباله الا اما قالت له
هافضل واقفه كده كتير
بصلها في ذهول
نعم حضرتك
ضحكت وقلعت النضاره وقالت له
انت مستني حد غيري ولا ايه
ماعرفش يرد من الصدمه
مش مصدق انها عملت اللي قال لها عليه
استجمع قواه
وقال لها.  والله العظيم كده احلي بكتير
اقصد كده افضل لان ال
سلوي:- عادي ياحاج فيه ايه مالك
انا اصلا مش بعمل حاجه الا وانا مقتنعه بيها
وانا اقتنعت
يلا بينا بقي ولا ايه
حارس :- اتفضلي
وهم ماشيين في السكه. حارس ملتزم جدا في سواقته. ورابط الحزام
وهي فضلت تضحك معاه طول السكه وتقوله
انت ليه محبكها اوي كده
دي المسافه قريبه مش مستاهله كل الروتين ده

وصلو البيت. بدال ماكانو يتخانقو الصبح
رجعو يهزرو ويضحكو
الكل شافهم استغرب
الحاج كامل راجل حكيم
بيقرا الامور من بعد
كان مكلم مراته ان لما ترجع سلوي تخش تفاتحها في موضوع حارس
مراته قالت له ده مستحيل هي توافق
قال لها. اسمعي كلامي. واول ماترجع من الشغل
ادخلي وراها اوضتها وكلميها
دخلت امها وراها
والحاج كامل قعد مع حارس
واتكلم معاه
حارس قال انها. مش هتنفع تعيش معاه
هو مطارد. وهربان
وهي عندها شغلها وحياتها
مش ممكن هتضحي بكل ده علشاني
واكيد هيا عمرها ما هتوافق بواحد زيي
مش يقدر يعيشها في نفس المستوي اللي عايشه فيه.
فجأه. خرجت. سلوي. وقالت.
لو سمحت ما تقولنيش كلام انا ماقولتوش
الحاج كامل ضحك وقال لحارس

شوف ،ويقولك الصعايده ماعندهمش ديموقراطيه
والبت اهي طالعه تخطبك بنفسها
ادخلي جوه يابت لا كسر راسك😂
دا جيلكم ده جيل مايعرفش الكسوف واصل
حارس.  :- وياتري ياحاج كامل هي هترتاح معايا في وضعي ده
سلوي من جوه اوضتها:- دانت بتطفش بقي
الحاج كامل فضل يضحك.
وقال لحارس هاه. ايه رايك. اهي قربت تطلع
وتتفق معاك عالمهر
حارس. :- وانا هلاقي فين زي سلوي.
دي كفايه انها بنتك

رجع حارس اسكندريه
لقي الحاج عبد الله بيدي له عقد الشقه اللي في الدور الارضي في العماره اللي هو حارس فيها
وقال له ان دي هديه مني ليك ولبنت الحاج كامل صاحبه
وطلب منه يشطبها ويتجوز فيها
كل الصنايعيه اللي كانو بيشطبو في العماره
كانو بيحبو حارس
واتفقو انهم يشتغلو في شقته بدون مقابل

في خلال شهر. العماره اتشطبت
وشقة حارس كمان اتشطبت

رجع حارس علي مصر
نزل عند فاطمه اخته
بسرعه فاطمه بعتت رساله ل سلوي
عرفتها ان حارس عندها
سلوي بسرعه دخلت المطبخ
وبدئت تعمل الاكل اللي حارس بيحبه
امها كانت مستغربه جدا
لانها عمرها ماكانت كده
جهزت الاكل
كان ابوها واحمد اخوها رجعو
واتجمعو كلهم علي الغدا
الحاج كامل قال
ايه ياحاجه. مال اكلك النهارده كده
انتي خبتي ولا ايه😂
سلوي:- احم احم
ام سلوي:- دي سلوي هي اللي عامله الاكل بأيديها
الحاج كامل:- ومن امتي سلوي بتدخل المطبخ
سبحان مغير الاحوال
حارس:- تسلم ايدك ياسلوي
الاكل حلو اهو ياعم كامل
احمد:- ايه ياحارس
دا المفروض ماما تشهد لها مش انت😂
سلوي:- ميرسي يا حارس بالهنا😊
الحاج كامل:- عملت ايه في شقتك ياحارس
حارس:- الشقه اتشطبت مش باقي غير العفش
والعماره كلها سكنت
الحاج كامل:- حيث كده ياولدي
يبقي نتوكل علي الله
ونحدد معاد الفرح
سلوي قامت مبتسمه ودخلت اوضتها
اتفقو علي معاد الفرح
والحاج كامل قال ل حارس
ابقي خد فاطمه وسلوي
وانزلو اشترو الحاجات اللي ناقصه سلوي
واتفسحو شويه
وانا هحاول.
اشوف صرفه اخلي امك وابوك يحضرو الفرح
مع ان ده شئ صعب

تم....