ليلي بنت الحارس

الفصل ٢٦

( ليلي بنت الحارس)الفصل.  ٢٦

الحاج. كامل. نده علي حارس ودياب. وعلي ونسمه وليلي.
كانت نعمه بره البيت
قال لهم. اسمعوني كويس
النهارده. باليل. بعد العشا
نسمه هتعمل نفسها مريضه
وتنام في فرشتها. لا تنطق ولا تتكلم
وانتي يا ليلي.
هتكشفي عليها. وتقولي. انها اكلت شئ ملوث
وحصل لها. التهاب في المعده وممكن تروح فيها

اتفقو. علي الخطه. وكل واحد فيهم عرف هيعمل. ايه

في الوقت ده.
نعمه. كانت عند رحمه.
رحمه فضلت. تزن علي دماغ نعمه
وقالت لها. ولد حارس هياخد بتك
بالارض
بالبيت
وانتي هتبقي قاعده بلقمتك تخدمي في البيت
ماخلفتيش واد
بس ولد حارس راجع هو وابوه
علشان يورثوكم بالحيا
لو علي اتجوز نسمه
هيستولو علي كل شي
نعمه:- بس حارس مايعملش كده
دا بيحب دياب
رحمه:- ولما بيحب دياب
ماسابلهوش ليه الارض اللي ضيع عمره وصحته فيها
فوقي يا نعمه
فوقي قبل ماتلاقي نفسك في يوم راميينك في الحوش
وسط البهايم.
نعمه:- طيب وانا اعمل ايه يعني
رحمه:- هو القزازه دي
تفضيها في الاكل لبتك وولد حارس
والجوازه مش هتتم

نعمه. متردده. ولكن كلام رحمه الخبيثه
كان داخل دماغها
وخافت تكون الشكوك دي حقيقه
فضلت دماغها تودي وتجيب
وهي بتحسبها في دماغها
رحمه مقربه من ودنها وعماله تزن عليها. 

في الاخر. نعمه. خدت القزازه.
وطلعت. روحت. علي بيتهم

في نفس الوقت.
حارس. قعد مع مصطفي. وبدئو يتفقو علي ان كتب الكتاب والدخله
هيكونو الخميس
ويوم السبت هيسافرو امريكا. علشان دراستهم
مصطفي. قال له.
بكره ان شاء الله هاخد ليلي.
ونروح. نشتري الحاجه اللي ناقصاها.
وهناخد معانا علي. ونسمه
حارس:- اهم شئ يامصطفي. تعرف.
ان ليلي. حساسه قوي
خلي بالك منها
مصطفي:- في عنيا والله ياعم حارس

باليل. نعمه حضرت. العشا
وفضلت تجيب الاكل من المطبخ وتحطه قدامهم
ورفضت. تخلي نسمه. او ليلي. يجهزو الاكل معاها
جابت طبقين في اخر دور
حطت واحد قدام نسمه
وواحد قدام علي

دياب. قال لها. فين الميه يانعمه
قومي هاتي ميه.
قامت تجيب ميه
كانو غيرو الاطباق.
ورجعت. جابت الميه. وفضلت تبص علي نسمه وعلي وهم بياكلو
خلصو وبيشيلو الاكل.
نسمه قالت الحقوني. ووقعت
شالها دياب ودخلها الاوضه
وعلي. مسك بطنه. وقال عندي مغص شديد
جريت. نعمه. علي الاوضه اللي فيها نسمه
وكانت ليلي. بتكشف عليها
نعمه. اتخضت. وبدئت ترتعش
والخوف. ظهر عليها
ليلي. قالت. دي اكلت حاجه عملت لها هيجان في المعده
ويمكن تروح فيها
نعمه. سمعت كلمة تروح فيها.
واجهشت في البكا
وفضلت. تلطم علي وشها.
دخل حارس. ودياب
والحاج كامل.
ليلي. قالت. لازم نعرف الماده المسممه اللي دخلت جسمها علشان نقدر نجمع لها مصل
اما لو ماعرفناش
مش هيطلع عليها صبح
وهنا قلب نعمه. اتكسر
لانها غلبانه وعلي نياتها ماتعرفش ان دي خطه
وخدت كلام ليلي انه حقيقه
وانها لازم تلحق بنتها الوحيده
اللي هتضيع منها بسبب عملتها
وصرخت. انا اللي حطيت لها من القزازه بايدي
وتلطم علي وشها
جريت عليها ليلي. وقالت طيب هي فين القزازه
هاتيها
علشان اقدر اعمل علاج لنسمه