ليلي بنت الحارس

الفصل٨

(ليلي بنت الحارس).  الفصل. ٨

داخل علي من بره
معاه اتنين صحابه عازمهم علي العشا
حارس والحاج كامل ناس ولاد اصول
رحبو باصحاب علي
وضايفوهم
ورفعو راسه قدامهم
اتعشو وخدو واجبهم ومشيو
رجع علي
جده قال له
تعال جمبي يا علي
فضل جده يتكلم معاه وينصح فيه
ويحاول يفهمه انه لازم يبقي راجل
ويتعلم من ابوه
ويلتزم زي اخته
لكن علي كان يسمع الكلام من ودنه اليمين
ويطلعه من الشمال
علي كان اختلاطه باصحاب السؤ
مأثر فيه جدا
ولا سيما بعض الغيره من اهتمام ابوه وامه ب ليلي
كان مأثر فيه
مرت فتره كانت فيها ليلي في الصف الثالث الثانوي
وعلي كان في سنه اولي دبلوم صنايع

ليلي كانت ليل نهار بتذاكر
وحارس وسلوي كانو يشفقو عليها من تعبها الشديد
واصرارها علي عدم الخروج من البيت الا للدروس بس

وعلي يوم بعد يوم
بدئت علاقاته باصحابه تكتر
وكل يوم والتاني يعزم اصحابه في البيت
وابوه كان رافض ده
وحاول اكتر من مره يمنعه
لكن علي كان حاسس انه كبر
وان تصرفاته مش محتاجه رقابه
وان اصحابه الكتير دول
هم اهتمامه الاول
في يوم علي دخل البيت هو واصحابه
كان حارس وسلوي عند الدكتور
وكانت ليلي بتذاكر
علي نده علي ليلي علشان تعمل لهم حاجه يشربوها
ماردتش عليه
دخل علي اوضتها وهي بتذاكر
قال لها قومي اعملي لاصحابي حاجه يشربوها
ليلي قالت له.
اولا المفروض تخبط قبل ماتدخل
وثانيا عيب عليك كل شويه تجيب صحابك البيت
انت عارف ان بابا ما بيحبش كده
وانا بذاكر ياعلي
انا السنادي في شهاده
علي قرب من المكتب اللي بتذاكر عليه
ومسك الكتاب
ورماه علي الارض
وقال لها
قومي اعملي اللي بقولك عليه
ليلي قالت له.  ايه اللي انت بتعمله ده
انت اتجننت
علي مسكها بشده من ايدها
وشدها من علي الكرسي
وقعها علي الارض
جات علي مفصل دراعها
واغمي عليها
لانها كانت ضعيفه وهزلانه من المذاكره والسهر

علي فضل يفوق فيها.
وشالها حطها علي سريرها
وخرج بسرعه قال لاصحابه اختي اتكسر دراعها
ومغمي عليها حد يطلب الاسعاف
اول ما سمعو علي
مشيو كلهم وخافو
علي مش عارف يتصرف اذاي
دخل عند ليلي اوضتها وفضل يفوق فيها
ليلي فتحت عينها
وقالت دراعي يا علي
الحقني
حاسه روحي بتتسحب مني
علي فضل يصرخ وخرج في الشارع
نازله احدي سكان العماره
مدام ريم ست طيبه
مالك ياعلي
قال لها. ان ليلي تعبانه جدا
دخلت شافتها
بسرعه اتصلت علي الاسعاف
جات خدتها
حارس وسلوي رجعو البيت
دخلو مالقيوش ليلي
حارس اتجنن
دي ماعندهاش دروس النهارده
ومش متعوده تخرج من البيت
خرج حارس قابله ابن الست ريم
وقال له ان مامته خدت ليلي علي المستشفي لانها تعبانه
بسرعه حارس وسلوي جريو علي المستشفي
شافو علي قاعد بيعيط
وليلي ومدام ريم عند الدكتور
دخلو لقيو دراع ليلي متجبس
حارس كان منهار جدا لما شافها بالمنظر ده
كان وشها اصفر
ومخضوضه
ووشها شاحب جدا
سالها حارس ايه اللي حصل
قالت له اغمي عليا وانا بذاكر
وقعت من علي الكرسي علي دراعي انكسر

ماهانش عليها اخوها رغم اللي عمله فيها
وفي نفس الوقت مش عايزه تزيد الفجوه
وعدم التفاهم اللي بين حارس وعلي
ليلي ذكيه جدا في تصرفها ده
علي سمع كلامها
اتاثر بيه
وقرب منها وحط ايده علي كتفها
وهمس في ودنها وقال لها
اسف والله يا ليلي
سامحيني
حقك عليا.
ليلي باست دماغه وقالت له
انت اخويا الوحيد وحبيبي
احنا مالناش غير بعض
اعقل بقي واسمع كلام بابا
بلاش اللي انت فيه ده ياعلي
اصحابك راحو فين لما كنا خارجين علي الاسعاف
ماشفتش حد منهم يعني

حارس شايف من بعيد علي وليلي
بيتكلمو
وشايف دمعة علي علي خده
حس ان فيه حاجه
بعد ساعتين.  جه الدكتور وقال لهم انها لازم ترتاح وتتغذي كويس
وكتب لها علي خروج

خرجو وروحو علي البيت
وبدء
سكان العماره كلهم ينزلو يتطمنو علي ليلي
ويزوروها
وباليل
دخل حارس اوضتها
ونام جمبها. وقال لها. طبعا احنا اصحاب صح
ليلي ضحكت وقالت له. لا طبعا احنا حبايب
ضحك حارس وقال لها
وليلي عمرها ماخبت علي حبيبها حاجه
ولا في يوم كدبت عليه
ليلي اتعدلت كده. وقالت.  مافيش يابابا
اتعدل هو كمان
وقالها طاب عيني في عينك كده
ليلي بصت في عنيه
وخدته في حضنها وفضلت تحكيله وتعيط
حارس غضب جدا
ولكنه كان حكيم وصبور خرج
قعد مع علي وسلوي
ما حسسهمش باي حاجه
بعد شويه
خرج اتصل بالحاج كامل
وعرفه باللي حصل
الحاج كامل قال ل حارس علي خطه
واتفق معاه يعملها مع علي
علشان يرجعه عن اللي هو فيه
وعلشان يديه درس
يعدل دماغه
صبر حارس كم اسبوع
لعند ما ليلي خفت
ومسك ليلي وسلوي
وقال لهم علي الخطه
لانهم هيشاركو معاه فيها

اتفقو علي الخطه
وفي يوم راجع. علي باليل
دخل البيت
شاف سلوي هدومها متقطعه
وليلي قاعده حاطه ايدها علي دماغها
وحارس قاعد جلابيته فيها دم
وقدام منه شوال مقفول
غرقان دم
علي قال ايه ده فيه ايه
ايه اللي حصل

تم........