ليلي بنت الحارس

الفصل ٢٩

(ليلي بنت الحارس). الفصل.   ٢٩

العصر   الحاج كامل. راح. الغيط
وطلب من دياب. يروح
ويسيبه لوحده في الغيط
وفجأه جات. رحمه
قعدت. قدام الحاج كامل. اللي كان. بيعمل الشاي
اداها الشاي. 
مدت ايدها وخدت الكوبايه. وحطتها قدامها
الحاج كامل:- ازيك. يارحمه يابتي
رحمه:- الحمد لله بخير
الحاج كامل. :- عارفه يارحمه.
ربنا سبحانه وتعالي ساعات يبعت لك اللي يردك عن فعل الغلط
مش حبا في الشخص اللي هتعملي معاه الغلط
بل حبا فيكي انتي
انتي عارفه ان من قتل نفسا بغير نفس
فكأنما قتل الناس جميعاً
عارفه يارحمه انك كنتي هتهلكي روح
خالقها ربها ورازقها
وهو اللي مالكها
وهو اللي محدد لها اجلها
وحتي لو قتلتي. فهتكوني ساعتها مجرد سبب
مش قابضة ارواح
رحمه:- وايه اللي جابك عندي ساعتها ياحاج كامل
الحاج كامل:- حبيبك اللي عايزك تعمري الارض
وتذكريه وتشكريه علي نعمه
اللي خلقك من اجل هدف جميل ورسالة طيبه
احنا في الكون بالنسبه لنجم زي الشمس شئ صغير جدا
والشمس بالنسبه لنجوم تانيه اكبر ذرة رمل علي شاطئ
والكواكب والمجره اللي عايشين فيها. بالنسبه للسما الاولي ذرة رمل علي شاطئ
والسموات بالنسبه للكرسي ذرة رمل علي شاطئ
والكرسي بالنسبه للعرش ذرة رمل علي شاطئ
متخيله عظمة ربك يارحمه
متخيله وانتي مخلوق ضعيف
في ملكه الكبير.
هل اللي كنتي هتعمليه كان هيأثر بشي في ملك الله
ابدا
بس كان هيأثر عليكي انتي
كنتي هتهلكي.
في حين. ان دعوة مظلوم يارحمه
بتتهز لها ابواب السما
شوفي الملك العظيم ده لما يتهز لدعوة مخلوق
ضعيف
عايش علي الارض وساجد لربه
شوفي عظم الذنب اذاي ما بيأثرش في ملك الله
وشوفي دعوه في سجده في السر بتعمل ايه

اللي حصل لابوكي. كان حصاد ايده
كان يشتغل في المخدرات والسلاح
وخد جزاته بعدل الله
وشوفي مصطفي. ربنا. نجاه من غير مايعرف لعند دلوك
ان روحه كانت بين الكاف والنون
لولا ماقبلها. بعد ماصليت العشا
وفي سجودي دعيت. ربنا
وقلت. اللهم كن عيني التي اري بها
وكن يدي التي ابطش بها
واجعلني سببا في خير انت كاتبه
وسببا لمنع شر تمنعه عن احدا من عبادك

وبعد ماسلمت. من الصلاه
لقيت نفسي رايح في النوم وبحلم
شفتك. في المكان اللي كنتي واقفه فيه
وكان فيه حد بيشدك علشان ترجعي.
بس كنتي مصممه لان كان فيه شيطان
كان حاطط ايدين علي ودنك
وايدين علي علي عنيكي

رحمه. مذهوله من الكلام.
وقالت له. فعلا.
كان فيه ديب. في الزرع
كل ما اجي اضرب يقرب مني.
اجري وراه. ومش كنت عاوزه اضربه علشان لو ضربت. كانت الناس طلعت وانكشفت
ولما جيت. انت.
الديب اختفي
وكنت هضرب
لولا سمعتك. وكأن طلقه جات في قلبي من كلامك
الحاج كامل. مبتسما.
وما يعلم جنود ربك. الا هو
ربنا بيحبك يارحمه
ورايد لك الخير

وهما. بيتكلمو.  طلع. واحد ملثم. من الغيط
وجه من ورا الحاج كامل.
وحط السكينه. علي رقبته