ليلي بنت الحارس

الفصل ٢٠

(ليلي بنت الحارس). الفصل.   ٢٠

حارس. خرج. مع القوه.
وطلعو الجبل ودلهم علي طريق مخازن السلاح اللي بتتهرب منها الاسلحه عن طريق الصحرا
عملو كامين. قدرو يمسكو كل الموجودين
من غير مايتصادمو ولا يشتبكو معاهم

واللي شغالين
اعترفو ان اللي مشغلهم منصور

الحاج. كامل. كان راح لكل عائلات البلد
وطلب منهم انهم يتجمعو
ويروحو عند منصور الدوار. علشان
يمشو في الصلح

اما. منصور.
جاله تليفون بيعرفه. ان الحكومه هجمت علي مخازن السلاح بتاعته
اللي في الجبل
وقبضو علي كل رجالته
وحرزو السلاح
وعرف كمان. ان رجالته اعترفو انه هو اللي مشغلهم
منصور شك في مصطفي.
لانه كان يروح مع جده زمان وهو صغير
وعارف السكه
وبعد اللي حصل بينهم وطرد مصطفي ليه من الدوار
ثبت. عند منصور ان مصطفي بينتقم منه علشان
عرف انه طمعان في العموديه والارض

بعد شويه. جاله واحد من رجالته
وقال له.
ان كل اهل البلد
اتلمو ورايحين الدوار
يقابلو المأمور ونائب المحافظ ويتفقو علي الصلح
منصور حس انه غرق
وان الخناق داق عليه
اللي زاد وغطي.
ان الارض. كلها. متسجله باسم مصطفي.
وانه في لحظه. خسر كل حاجه
منصور كان عنيد
ما استسلمش
بلغ رجالته. يروحو القسم. ويخلو الرجاله اللي كانت في مخزن السلاح
يغيرو اقوالهم
ويقولو ان مصطفي. هو اللي مشغلهم

وقال لنفسه. هو ايه اللي حصل فجأه كده
يغير مصطفي
ويحط في دماغ اهل البلد سعيهم في الصلح
ويخلي المأمور. يهتم بموضوع الصلح ده
اكيد فيه سر في الموضوع
وفيه حد اذكي من مصطفي. هو اللي بيخطط
للي بيحصل ده
منصور سأل رجالته.
هم اولاد حارس لسه في دار جدهم متولي
رجالته. قالو له.
ان ليلي. مختفيه من فتره
وان علي لسه موجود

وقالو له كمان
ان فيه ناس جات عندهم باليل
راجل كبير في السن
وراجل تاني اصغر
وبنت. شبه ليلي

وهنا منصور زعق فيهم علشان مش بيعرفوه باللي بيحصل
وهنا عرف.
ان الموضوع. ده. من تدبير حارس والحاج كامل
وعرف انهم اكيد هم اللي لعبو في دماغ مصطفي
وهم ورا كل اللي بيحص ده،،،،،،

وصل. الحاج. كامل ومعاه كل اعيان البلد
دوار منصور
وكان المأمور ونائب المحافظ
والمباحث
وناس كتير متجمعه من البلاد اللي حواليهم
وفضلو يتكلمو.
ويخطبو في الناس عن خطورة التار
وضرره علي المجتمع
وانه بقي مرض ولازم استأصاله

وصرح. نائب المحافظ
بعد ما اتفق مع مصطفي
ان الصلح بين حارس ومصطفي.
هيكون الخميس الجاي
وهنا كل اللي حاضرين. فرحو جدا.

بسرعه الخبر. وصل ل منصور
منصور اتجنن. صلح ايه ده
الواد ده مجنون
انا هرجعه ل عقله