ليلي بنت الحارس

الفصل ١٨

(ليلي بنت الحارس).  الفصل.   ١٨

مشي مصطفي.
وطلعت. ليلي السكن
واصحابها. فضلو يتغزلو في مصطفي قدامها
واصرو انها تحكيلهم عنه
وتقولهم هو مين

فضلت. ليلي. تحكيلهم عنه
وسرحت وهي بتوصف فيه
اصحابها استغربو جدا
معقول ليلي. تتكلم عن حد بالطريقه دي
دي عمرها ماحصلت

...
في منزل مصطفي في الصعيد
المأمور وبنته ومراته. كانو في زياره
قابلتهم. ام مصطفي
وقعدو في اوضة. الضيوف. يتكلمو
فجأه. الخدامه اللي زارعها منصور في البيت
اتصلت عليه
وعرفته ان المأمور جه زياره هو عيلته

بسرعه منصور راح لهم
دخل وسلم وقعد يتكلم معاهم
وسط الكلام لما جات سيرة مصطفي
منصور قال
ان شاء الله لما يجي مصطفي من السفر
هيكتب كتابه علي بتي
اتمني انك تشرفنا وقتها ياسعادة البيه
المأمور رد عليه بنبرة صوات يدوب مسموعه
الف مبروك ربنا يتمم علي خير
ام مصطفي سمعت الكلام اتخضت
والغضب بان عليها
قام منصور مشي
بعد ما مشي. بنت المامور قالت يلا بينا يا بابا
ام مصطفي
قالت. اقعدي يابتي.
عاوزه اتكلم مع ابوكي شويه. في موضوع
ام مصطفي ندهت علي بنتها.
تاخد بنت المامور ويطلعو اوضتها
فضلت ام مصطفي
تتكلم مع المأمور-"""""

علي كان كل يوم الصبح. يروح مع دياب الارض
اتعلم كل حاجه عن الزرع
والعصر لما كان يرجع. يلاقي نسمه
محضرالهم الاكل
ومنضفه غرفة. علي
وكاويه ملابسه
ومجهزاله هدوم يلبسها

وعلي. كان كل يوم لما يرجع
يقطف لها ورده من الجنينه
ويديهالها
كانو بيحبو بعض. ويحترمو بعض جدا
لما كان علي يرجع الدار بعض الاوقات
ويلاقي دياب ونعمه. مش في البيت
كان يرجع الارض يستني رجوعهم
وليلي. طول ما علي في اوضته تحت
مابتنزلش من فوق الا لو هتعمل حاجه وترجع بسرعه،،،،.....

الحاج كامل وحارس. راحو صلو العشا.
ورجعو البيت
اتصل. الحاج كامل. ب ليلي.
كلموها هو وحارس وسلمو عليها
الحاج كامل خد التليفون وقال ل. ليلي
اسمعي اللي هقولك عليه يابتي
تقابلي. مصطفي. في الجامعه
وتقوليله. ان جدي الحاج كامل.
عايز رقم الحاجه امك
ضروري يا ليلي
ليلي:- خير ياجدي.
الحاج كامل:- وكمان. وانتي بتتكلمي. معاه.
عاوزك. تعرفي منه.
هو عمه منصور لمح له انه يجوزه بنته ولا لاء
اعملي اللي بقولك عليه
من غير مناقشه
ومستني منك رد بكره باليل ان شاء الله
ليلي:- حاضر ياجدي
بس امانه عليك تخلي بالك من حارس
وتخرجه من الحزن اللي هو فيه ده علشان خاطري ياجدي
الحاج كامل:- وكيف تخافي عليه.
ومعاه سلوي   دي من ساعة ما مشيتو وهي مستفرده بيه خدت كل الحنان وماخلتش ليكم حاجه
فضلو يضحكو ويهزرو  وحارس بدء شويه. يتمالك نفسه. وينسي شويه بشويه الحزن اللي جواه
مع وجود الحاج كامل
وسلوي مراته الاصيله اللي عمرها ماتخلت عنه في كل رحلته،....