ليلي بنت الحارس

الفصل٤

(#ليلي_بنت_الحارس). الفصل.  ٤

نعمه كانت في بيتهم.
قاعده باليل. سهرانه
حست بصوت في خلف دارهم
طلعت تشوف فيه ايه
فجأه طلع لها اتنين ملثمين
واحد حط ايده علي فمها
وبدئو ياخدوها
وهم خارجين بيها
ظهر  دياب ومعاه. قوات من المركز
مسكو اللي بيخطفو نعمه
وخدوهم علي القسم
نعمه قالت ل دياب
ايه اللي بيحصل ده يادياب

دياب قال بعد اللي حصل
رحت لوكيل النيابه.
وحكيت له كل شي
والحاج كامل اللي حارس عنده بعت لي وقالي
اقولهم انهم هيخطفو نعمه
وبعتو معايا قوه وبقالنا يومين مستخبين في الزرع ورا داركم
نعمه. :-هو حارس راح عند الحاج كامل في مصر؟
دياب؛- ايوه يانعمه
نعمه. :- عاوزه اشوفه يادياب
دياب :- ماينفعش يابت عمي
احنا هيتحقق معانا دلوك
وبعد مانخرج. هيراقبونا. لو حد فينا راح ل حارس
يبقي طريقه اتعرف
لازم نستحمل يانعمه

دخلو التحقيق
وجه مامور القسم
لم كل عيلة العمده والعمده ذات نفسه
وخد عليهم اقرار بعدم التعرض لاي حد من علية حارس
وهدد العمده ان لو فيه شي حصل
ده هيأثر علي منصبه كعمده
خرج. دياب ونعمه وابو حارس من القسم
علي البيت.
فضل دياب ونعمه يراعو الارض اللي الحكومه رجعتهالهم

اما حارس.
في يوم رجع هو الحاج كامل من الشغل
اتجمعو في البيت علي الغدا
وهم بياكلو الحاج كامل بلغهم باللي حصل في البلد
فاطمه وحارس فرحو جدا
ولكن الحاج كامل كمل كلامه. وقال
بس المكان هنا مابقاش امان ليك
العمده كده بعد اللي حصل
اتاكد ان انت عندي
لاني انا وابوك والعمده
كنا اكتر من الاخوات وبنفهم بعض كويس
انت هتطلع علي اسكندريه
فيه راجل هناك شغال في المقاولات بتعامل معاه
كلمته عنك
وجهز لك شغل وسكن
وانا هاخد فاطمه اختك
وانزل البلد انا واحمد علشان نطلقها من جابر

حارس سمع كلام الحاج كامل
لانه انقذه من حاجات كتير
ولانه عارف ان كل كلامه صح
ودعهم وسافر علي اسكندريه.
نزل عند راجل طيب اسمه الحاج عبد الله
الحاج عبد الله كان مقاول لعماره كبيره بيشطب فيها
وخلي حارس.  حارس علي العماره

نزل الحاج كامل الصعيد
ومعاه ابنه احمد وفاطمه
نزلو علي دار الحاج متولي ابو حارس
وخلي احمد وفاطمه
مع دياب ونعمه وخد الحاج متولي
وجمع اعيان البلد
وراحو دوار العمده
قعدو والحاج كامل طلب من العمده يجيب جابر
فضلو يتكلمو علي موضوع جواز فاطمه بالاكراه
واتفقو ان جابر في التو واللحظه يطلق فاطمه
كان قاعد المأذون
وفي نفس القعده تم الطلاق
وبعد ماخلصو
العمده قال للحاج كامل
اوعي تفتكر ان اللي عملته ده. هينجي حارس
بالعكس
حارس دمه حلالنا
وهننصب العزا علي ولدي قريب
رد الحاج كامل-طول عمرك الطمع والانتقام
اكتر صفتين فيك
وفي يوم هتموت بالسم اللي جواك ده