ليلي بنت الحارس

الفصل٩

(ليلي بنت الحارس). الفصل.   ٩

اتفقو علي الخطه
وفي يوم راجع. علي باليل
دخل البيت
شاف سلوي هدومها متقطعه
وليلي قاعده حاطه ايدها علي دماغها
وحارس قاعد جلابيته فيها دم
وقدام منه شوال مقفول
غرقان دم
علي قال ايه ده فيه ايه
ايه اللي حصل
حارس قال له
ده واحد دخلت لقيته بيتهجم علي امك واختك
ومسكته قتلته
اللي في الشوال ده قتيل
اجري شوف لنا حد من اصحابك
يساعدك نتاويه
قبل ماحد يعرف
علي سمع الكلام
واتخض ولونه اتغير وفضل يقول اذاي
حارس قال له
اجري بسرعه شوف حد من اصحابك يا علي
قبل ما اروح في داهيه
خرج علي بسرعه
وفضل يروح لاصحابه واحد واحد
كل اللي يحكيله فيهم ويطلب مساعدته
يقوله انت عايز توديني في داهيه
كلهم رفضو
مافيش حد منهم وقف جمبه
مع انه كان مضيع وقته معاهم
وكان دايما يصرف عليهم
ويعزمهم في البيت
برغم زعل ابوه من كده
رجع علي البيت
حاطط وشه في الارض
ومكثوف
وقال لابوه ماحدش منهم رضي يجي معايا
حارس قال
هم دول اصحابك اللي فاكرهم هيبقو معاك وقت الشده
هم دول اللي دايما بتزعل مني علشانهم
هم دول اللي كسرت دراع اختك علشانهم
اهم باعوك في اول شده

علي حاطط وشه في الارض ومش قادر يتكلم
قام حارس
وقال ل علي
تروح علي العنوان ده
هتلاقي واحد صاحبي اسمه الحاج عبد الله
هتلاقيه قاعد في القهوه وحواليه العمال بتوعه
تقوله انا علي حارس متولي
وتقوله علي اللي حصل
وتقوله ابويا عاوزك تساعده في التخلص من الجسه
راح علي.  في العنوان
سال عن الحاج عبد الله
واحد شاور له عليه
شاف راجل صعيدي هيبه ومركز ومالي مكانه
وفيه حواليه اكتر من خمسين عامل صعيدي
بيسمعو كلامه وبيحترموه
قرب علي
وقال السلام عليكم
كلهم ردو السلام
علي قال انت الحاج عبد الله
الحاج عبد الله قال له ايوه ياولدي
انت مين
قال له
انا علي حارس متولي
قام الحاج عبد الله ورحب بيه
وقال له اهلا بحبيبي وابن حبيبي
الحاج عبد الله قعّد حارس مكانه
وفضل واقف
كل اللي قاعدين استغربو
الحاج عبد الله قالهم سيبونا انا
والغالي لوحدنا
خير ياعلي
ابوك بخير وتمام
قال له والله ياحاج عبد الله
واقعين في مشكله
وابويا بعتني ليك
قام الحاج عبد الله مفزوع
خير ياولدي حصل ايه

علي حكاله علي اللي حصل
الحاج عبد الله نده علي الرجاله
قالهم تقعدو مع علي لعند مارجع
وانت ياعلي
اوعي تقوم من مكانك لعند ما اجي
مشي الحاج عبد الله
غاب ساعتين ورجع
كتفه مليان دم
وقال ل علي
قوم روح ياعلي
علي استغرب
وقام روح علي بيتهم
لقي حارس وسلوي وليلي قاعدين
حارس قال له
شفت الفرق بين الصحاب ولاد الاصول
وبين صحابك اللي كنت فاكرهم سند ليك
علي قال ل سلوي ايه اللي حصل
سلوي قالت دخل راجل كبير صعيدي
قال سلام عليكم بس
وخد الشوال علي كتفه وخرج
حارس كمل
الراجل ده هو الحاج عبد الله اللي انت رحت له
وجه شال الجسه ودفنها
علي مش مصدق اللي حصل

حارس قام وقف قدام علي
قال له
ترجع تاني للحاج عبد الله
في نفس المكان
هتلاقيه غير هدومه
وقاعد وسط عماله
تخش تضربه بالقلم علي وشه وسط الناس

علي اتخض. ايه اللي بتقوله ده يابوي
ماينفعش
الراجل لسه مخلصنا من جريمه
نعمل فيه كده
حارس قال له
عليا الطلاق من امك
ان ماعملت اللي بقولك عليه
امك طالق
وانت واختك تمشو معاها
علي خرج. لما سمع تهديد ابوه
وراح للمكان اللي فيه الحاج عبد الله
شاف الحاج عبد الله قاعد وسط العمال بتوعه
يتقدم علي خطوه لقدام
ويتراجع خطوتين
بس بيفكر ان ماعملش كده
امه هتطلق
واسرتهم هتتفكك
استجمع قواه
ودخل علي الحاج عبد الله
الحاج عبد الله شافه
قام من مكانه
علي قرب منه
وضربه بالقلم
العمال شافو كبيرهم اتضرب
وقامو كلهم علي.  علي. عاوزين ياكلوه
الحاج عبد الله خد علي في حضنه
وقال لهم
ارجعو كل واحد مكانه
سيبوه
ماحدش يكلمه
وخد علي بعيد عنهم شويه
وقال له
قول لابوك الحاج عبد الله هو هو الحاج عبد الله
مهما استفزيته
لايمكن يفشي سر صاحبه

وقوله سرك محفوظ
وعمر الاصيل ماتغيره الايام
رجع علي
ابوه ساله عملت ايه
حكاله علي اللي حصل
حارس قال ل علي
شفت الفرق بين الصحاب الرجاله
ولاد الاصول واصحابك
الراجل لسه متاوي لك قتيل
وتروح تضربه وسط عماله بالقلم
بدال مايقولك دانا لسه متاوي لك قتيل
يقولك قول لابوك عمر الاصيل ماتغيره الايام
وهنا علي اترمي في حضن حارس
وقال له سامحني يابوي
حقك عليا
انا غلطان وهسمع كلامك

......تم