Ang Nerdy Kong Bestfriend

Chap. 24

*Alex Pov*

"Ano ba meron sa inyong dalawa at nagpapalakihan kayo ng eyebags nyo? - basag ni papang sa katahimikan namin. kasalukoyan kaming kumakain ng almusal. ewan ko dito sa pinsan ko nakikisabay pa hindi ko alam kung ano problema nya.

"Wala ba kayong mga bibig? ano ba problema nyo? ke aga-aga parang byernes santo yang mga facelak nyo! -muling sabi nya. hindi ko naman pwedeng dedmahin nalang si papang dahil sa wala ako sa mood magsalita.

"Wala po papang. napuyat lang po ako kagabe sa kakapanood ng movie sa laptop ko. -pagsisinungaling ko. alam ko masama ang magsinungaling lalo kay papang pa. hindi pa kasi ako handa magsabi sa kanya lalo na sa totoong nararamdaman ko sa bestfriend ko na ngayon ay may girlfriend na.

"Oh ikaw? ano naman ang dahilan mo? - tanong nya kay stef.

"wala po tito ganda. napuyat lang din po ako dahil tinatapos ko yung story na binabasa ko sa wattpad. hindi po kasi ako makakatulog pag hindi ko tinapos. - nakayuko nyang sabi.

"O sya! malalaki na kayo. nasasainyo na yan kung ayaw nyo sabihin sakin mga problema nyo. pero pag handa na kayo at kailangan nyo ako andito lang naman ako. mauna na ako at magbubukas pa ako sa salon. - sabi nya sabay tayo. hindi talaga kami makakapag sinungaling sa kanya.

tumayo nalang ako para mag ligpit ng kinainan namin.

"Ako na maghuhugas. - sabi ni stef. tinignan ko sya pero umiwas lang sya ng tingin. isasantabi ko muna siguro yung sakit na nararamdaman ko mas kailangan kong pagtuunan ng pansin itong pinsan ko. ngayon ko lang sya nakitang nagkaganito.

sinundan ko sya sa kusina. yog-yog yung balikat nya habang naghuhugas.

umiiyak ba sya?

"Hoy! ano nangyari sayo? - tanong ko habang nakasandal sa lababo.

"wala. - tipid na sagot nya sabay punas sa luha nya.

"gusto mo itarak ko sayo to? - pagbabanta ko sa kanya sabay angat sa hawak kong tinidor.

"Pinsan naman ang brutal mo talaga sakin. - nakapout pa nyang sabi. pinaikotan ko lang sya ng mata.

"mag-antay ka don sa sala, may bibilhin lang ako. pagbalik ko magsasalita kana kung ayaw mong itarak ko sayo itong tinidor. - sabi ko sabay bigay sa tinidor sa kanya para mahugasan nya.

Alam ko hindi solusyon sa problema ang alak lalo na ang problema sa puso. kahit lunurin ko yung sarili ko sa alak eh hindi naman ito magagamot ang sakit na nararamdaman ko at hindi ito nakakahilom ng sugat. bumili lang ako ngayon pampalakas ng loob kasi gusto ko din ilabas yung nasa loob ko. si stef lang naman kasama ko. at alam ko kailangan nya din ito. apat na can beer lang binili ko. hindi naman kami sanay uminom.

Pagbalik ko sa bahay andun nga sya sa sala humihikbi parin.

"tigilan mo na nga yan! iinum nalang natin yan. - agad naman syang napatingin sakin sabay pahid sa mga luha nya.

"ikaw ba yan pinsan? kelan kapa nahilig uminom ha? - usisa nya sakin.

"wag ka ng maraming tanong! uminom nalang tayo. - hindi na sya sumagot bagkus kumuha sya agad ng isang beer at ininum agad ito. napailing nalang ako sa kanya, may problema nga.

"Bakit ganun? akala ko mahal nya ako pero hindi pala! ang bilis nya akong ipagpalit! - sabi nya sabay iyak. napatingin ako sa kanya kita ko ngang nasaktan sya.