مصارعة الحب

عودة الإنتقام

الملابس السوداء تحجب نور الشمس من الوصول للجسد ،

تحجب أمل الوصول للبصر ، فكم كانت تحسب أن هذا اللون رمزاً للأناقةِ
فاليوم عرفت لِمَ سُمىَ باللون الأسودِ

كانت تنظر من النافذة ، عاقدة ذراعيها أمامها
لا تتحدث ، تنظر على مكان ما شاردة
تارةً ومبتسمة تارة أخرى

تدمع فتهبط دمعة سريعة فتكون هى أسرع منها في محوها .

صوت ما بداخلها يصرخ بها كفى !!
فقد مرت الشهور وأنتِ ذاكرة باكية أنظري إلى شحوب وجهك وذبول شعرك

لتبتسم بسخرية وتتذكر أبيات من الشعر قد حفظتها في الماضي لحُبها لمعانيها لكن الآن ترددها كوصف لحالتها

بكيت وهل بكاء القلب يجدي؟..
فراق احبتي وحنين وجدي!!
فما معنى الحياه اذ افترقنا,,؟؟
وهل يجدي النحيب فلست ادري!!
فلا التذكار يرحمني فأنسى,,,
ولا الأشواق تتركني لنومي,,,
فراق احبتي كم هزّ وجدي,,
وحتى لقائهم سأظل ابكي,,
"منقول"

- كفاية ياعهد مر تلات شهور وأنتِ لسه زى مانتِ ، حرام عليكي نفسك وأخواتك

نظرت إليه عهد بعيون خالية من الدموع فهى لا تعلم إن كانت الدموع قد هربت أم ملت من كثرة حزنها أم أن جريانها قد إنتهى

- مش قادرة انسى مبقتش عايزة أفرح بقيت أخاف أفرح
ماما ماتت !!
وكمان بعد كتب كتابي بيوم !!
ويوم مافرحت من قلبي في يوم راحت
يعني هى وافقت تجوزني ليك عشان كانت حاسة إنها هتموت !
يعني أنا كده بقيت يتيمة !

كان يوسف قد تجاوز المسافة الباقية بينهم وأسرع في جذبها لأحضانه مردفاً :

- شششش متقوليش كده ، أمك ارتاحت وهترتاح أكتر لو أنتِ بطلتي اللي بتعمليه في نفسك ده

لترد عليه عهد وهى مستكينة تماماً بين ذراعية :

- أنا لوحدي يايوسف أنا بقيت لوحدي

يوسف بحنان يحاول أن يبث الأمان بداخلها :
- مش لوحدك أنا وعدتك والوعد ده مش ليكي كان ليا أنا إنك بنتي وحبيبتي ومراتي وإني أبوكي وحبيبك وجوزك وووو
لا بلاش أخوكي عشان ده فال وحش عليا

ابتسمت حينها رغماً عنها ، فأبعدها يوسف عنه قليلاً ليرفع وجهها بإصبعه ،ناظرة إليه وهو يمسح دموعها برفق

- بلاش 4 حاجات
1 دموع
2 حزن
3 ضعف

عهد :
- والرابعة ؟

-الرابعة بلاش تخضيني عليكي تاني ، ماشي ؟

قالها بشئ من العاطفية لتجاوبه هى على الفور بمزحة ضاغطة على ذراعيه بقوة
- هتمشي تروح فين خليك اعملك شاى

يوسف بغيظ :
مش بحب الشاى

عهد :
مهو مفيش شاى أنت هتنزل تجيب