مصارعة الحب

فرحة حزينة

لم تكن فرحة عادية ، ولم تكن سعادة بسيطة يل غامرة كبيرة لحد اللا تصديق
فها هى بعد ساعات سيجمعها الله مع من أحبها ، من جعله الله تعويض لها ، من جعله الله إنارة تنير دروبها المظلمة .

كانت ترتدي فستان الزفاف وتنظر إلى نفسها في المرآة تضحك لدرجة البكاء
تقول لنفسها أرتاح أيها القلب فدواء جروحك سيكون معك للأبد

دلفت دينا إليها رأت دموعها لتسرع في محوها  وتقول لها

- لا أبوس إيدك النهاردة مش يوم دموع خالص ، بلاش دموع عشان المكياج ميبوظش ، اهدي وافرحي اليوم يومك والفرحة ليكي

لؤى بسعادة :
أخيراً ياعهد هروح فرح وأتصور مع العروسة واوريهم لصحابي أنا مبسوطلك أوى أوى يادود

عانقت عهد اخوتها وقالت لهما
- بحبكم أوى ربنا يخليكم ليا انتوا أهلي وكل دنيتي ، هتوحشوني اليومين دول خدوا بالكم من نفسكم وأنا هكلمكم كل دقيقة اطمن عليكم

دينا بمرح :
كفاية بقى يلا قبل ماتهربي ننتهز الفرصة ونتصور مع بعض

التقطت دينا عدة صور تجمعهم هم فقط وكانت مليئة بالحياة والسعادة جميعها

عهد بحزن :
طب مين هيقدمني ليوسف أنا مليش حد حتى أحمد اللي اعتبرته من أهلي سافر .

دينا بأسف فهى تعلم أن أختها محقة فهم ليس لهم أحد ولم يتم حساب قدوم تلك اللحظة
لتربت على كتف أختها وتردف

- مش مهم العادات دي أنا هجيبلك يوسف لحد عندك ياخدك

عهد بسرعة تمنعها
- لا لا خلاص أنتِ أهو موجودة وأنتِ عندي أقرب وأحسن من أى حد وكمان لؤى مش أنت ياكوكي راجلي

لؤى ببراءة :
أيوة أيوة صح انا راجلك وأنا هقدمك ليه ولو زعلك أنا هضربه بالعصاية

عهد وهى تقبله :
ربنا يخليك ليا ويحفظك وتكبر بقى بسرعة

دينا بتأثر :
طيب يلا ننزل عشان منتأخرش عليه لأحسن هو اكيد بيعد الثواني دلوقتي

عهد بخجل :
طب يلا

أمسكت عهد بذراع دينا ومن الجهة الأخرى أمسكت بيد لؤى ونزلوا ببطء درجات السلم

تساقطت عليها ورود من جميع الاتجاهات اثناء عبورها ، وهتافات لا تتوقف

رأت نظرات يوسف لها وهو ينتظرها ويتمنى لو يسرع إليها ويحملها فكفى لعب بمشاعره وسيرها ببطء

حتى وقفت أمامه فأعطاها ظهره ، فرتبت على كتفه ضاحكة ، لينظر لها ويغمض عينيه ثم فتحها مرة أخرى وقام بدون سابق إنذار بحملها ورفعها لأعلى بيده وتدويرها
في مشهد لاقى إعجاب الجميع ، فشاهدوا عشقهم الذي لا يُحكى عنه

انتهى يوسف من إدارتها وانزلها على الفور لكنها شعرت بدوران شديد فتشبثت ببدلته ثم سقطت داخل احضانه ، وهمست في أذنه