مصارعة الحب

حب وغيرة

في تركيا
كانت رغد تقف بالساعات أمام المنزل المقيم به معاذ ، كانت تطرق الباب لكنه لم يسمع فجلست لتنتظره بالخارج رغم أن الباب كان مفتوحاً وكان بإمكانها الدخول لكنها أبت دخول منزل رجل عازب بمفردها

اما هو فأستيقظ واغتسل وتناول الفطار ثم خرج لقيامه بعادته اليومية وهى الجرى كل صباح مدة النصف ساعة

وعند وصوله إلي الباب قد تعجب لكونه قد نسيَّ غلقه ليلة أمس لكن المفاجأة الأكبر بالنسبة له هى إنتظار رغد له بالخارج

معاذ بتعجب :
أنتِ بقالك قد إيه هنا ؟

رغد بملل :
120 دقيقة

معاذ :
الباب كان مفتوح مدخلتيش تستنيني جوه ليه ؟

رغد بخجل :
ما بيصير

معاذ بسخرية :
الظاهر إني ظلمتك لما قارنتك بيها

رغد بعدم فهم :
شو

معاذ بابتسامة :
رغد ممكن طلب يعني ، هو أنتِ ممكن تتكلمي أى لهجة تانيه غير دي معلش يعني أنا مش بقلل من لهجتك بس عشان بتفكرني بناس حرام افتكرها وأنا معاكي

رغد بتفهم :
اوك فيني اتكلم مصري أنا متابعة مسلسلات مصرية وبتكلم كويس

معاذ بسعادة :
تمام شكرا ياجميل ، أنا كنت نازل اجري بس بما إنك معايا فأنا هروح أعمل كوبايتين شاى ونقعد في الجنينة عشان تعلميني تركي موافقة ؟

رغد بابتسامة :
أكيد ، بس لو الشاى معجبنيش مش هعلمك

معاذ بضحك :
هههههه يابنتي احلى شاى هتشربيه من إيدي

أحضر معاذ كوبين من الشاي وكانت رغد قد اخرجت من حقيبتها عدة أوراق فارغة وقلم وارتدت نظارتها واستعدت لتعليم معاذ اللغة التركية

معاذ وهو يمنع نفسه من الضحك ولكنه لم يقدر
- شكلك فظيع فكرني بمس إنشراح

رغد بإنزعاج وضيق :
-أنت بتتمسخر قصدي بتتريق

معاذ بابتسامة :
- وأنا أقدر مس انشراح مين بس ، ياريتها كانت حلوة زيك

رغد بخجل :
خلينا في الدرس هعلمك بعض الكلمات المهمين اللي غالباً بنحتاجهم في حياتنا بشكل يومي
زى "yaar" بمعنى حبيبي
"Birakip Gitme "
لا تتركني وتذهب

معاذ برومانسية وقد وضع يده على فكه :
متأكدة إن الكلمات دي بنحتاجها في حياتنا اليومية

رغد بعيظ  :
والله إنك غليظ روح اتعلم لحالك أنا رايحة ياغليظ

معاذ بضحك :
هههههه حبيبي لاتتركني وتذهب ! والله طلعت فعلا مهمة الجملة
رغد خلاص تعالي ارجعي حقك عليا رغد رغد

ولكنها قد تركت المكان بالفعل وذهبت

        •••••••••••••••••••••••••••
لم تعرف دينا لِمَ ارتبك كل هذا القدر لكن ما انقذه بالفعل هو طلب اصدقاء دينا للحضور السريع إليهم لتبدأ فقرة الألعاب