UNICODE VERSION
"ရှင့်ရဲ့ တရားဝင် ဇနီးမယားက ရှင့်ရှေ့မှာထိုင်နေတဲ့ ကျွန်မဆိုတာကို အသိအမှတ်ပြုသေးရဲ့လား ကို "
" အင်း....မင်း ဘာဖြစ်နေတာလဲ ရတီရာ အာရုံနောက်စရာကောင်းလိုက်တာ? "
" ကို "
" အင်း......."
ဘုန်းဓနဟာ သူ လက်မှာကိုင်ထားတဲ့ စာအုပ်ကနေအကြည့်မပျက် ဒီပါလေးနဲ့ စကားပြောရင် အဲ့လိုပြုမှုတတ်ဖူးရဲ့လားဟုသာ ရတီနာနာကြည်းကြည်းတွေးမိတော့သည်။
" ကို....ရတီ့ကိုကြည့် ပြောစရာရှိတယ် "
" ပြောလေ ကို နားထောင်နေတယ် "
" ကျွန်မတို့ အိမ်ထောင်သက်လဲရှည်နေပြီ ကျွန်မတို့ ကလေးယူကြရအောင် "
" ဘာ.....ရတီ ဘာပြောတယ် "
ကလေးယူမည်ဟူသောစကားပြောမှသာ ရတီကို ကြည့်လာတော့သည်။
" ကလေး...... ကလေးယူကြရအောင်လို့ "
" မင်းမှာ...... တခြားပြောစရာမရှိဘူးလား? "
" ဟင့်အင်း ရှင်ဘာလို့ကလေးယူကြဖို့ပြောတိုင်း ဒီလောက် ခါးခါးသီးသီးဖြစ်နေရတာလဲ ကိုဘုန်းဓန ဘာလဲ? ရှင့်မှာ နောက်တစ်ယောက်များရှိနေလို့လား? "
လိမ်ပါ လိမ်လိုက်စမ်းပါ။ မျက်မြင်ကိုယ်တွေ့ပေမဲ့ ရှင့်ပါးစပ်က အလိမ်အညာတွေ ထွက်လာရင်အောင် မျက်စိမှိတ်နားပိတ်ပေးဦးမှာမို့ ကျွနမမကို လိမ်လိုက်စမ်းပါ......
" ........... "
ဆိတ်ဆိတ်နေခြင်းဟာ ဝန်ခံခြင်းတဲ့လား။ ရှင်အဲ့လို့ နှုတ်ပိတ်မနေပဲ ကျွန်မကို လိမ်လိုက်စမ်းပါ..
" ဖြေလေ..... နောက်တစ်ယောက်များ ထပ်တွေ့နေသလားလို့ "
" မဟုတ်ဘူး "
ရှင့်ရဲ့ ဒီအလိမ်အညာမမြောက်တဲ့ အလိမ်အညာစကားအတွက် ကျွန်မကျေနပ်ပါတယ်။
" နောက်ထပ် ထပ်တွေ့တာမဟုတ်ဘူး။"
" မင်းနဲ့လက်မထက်ခင်က တွေ့ခဲ့တာ "
ကျွန်မရဲ့ ရင်ကိုအစိမ်းလိုက်နှုတ်နှုတ်စင်းလိုက်တာပဲလား ကို။ အလိမ်အညာခံချင်သူအတွက် နည်းနည်းတောင် မလိမ်ပေးနိုင်ဘူးလားကိုရယ်။ မင်္ဂလာဆောင်အတွက် ဒီပါလေးကို ပြန်ခေါ်တာ ဘဝအတွက် အကြီးဆုံးအမှားဖြစ်ခဲ့ရပြီ။
YOU ARE READING
MASK ( Editing )
RomanceBehind every mask there is a face, and behind that a story !!! လူသားတိုင္းရဲ႕ မ်က္ႏွာဖံုးေနာက္ကြယ္မွာ ေဖာ္မျပႏိုင္တ့ဲ အေၾကာင္းအရာတစ္ခုစီကို ကာကြယ္ထားတတ္ၾကစျမဲ .... လူသားတိုင်းရဲ့ မျက်နှာဖုံးနောက်ကွယ်မှာ ဖော်မပြနိုင်တဲ့ အကြောင်းအရာတစ်ခုစီကို ကာကွယ်...
