للكاتبه ام رحيل ...ع م
هوو... هوو.... ترووو.. ترووو...
انعل ابو الجابچن. خبلتني تعالن عن گاع الوادم هسه يطلعون الي واتحمل الرزايل من وراچن تعالن تري.. يع.... تري... يع...
-اگلچ هاي ليش طليانچ ابحديقتنه... اكلن ورد الحديقه
اهد عليچ الچلاب ياکلنچ... والله هسه ما يخلن عليچ
عظم صاحي..
-ادري... ادري .....هسه اطلع الغنم من گاعكم بس اشويه اصطبر لا اتهد الچلاب... مو هي گاعكم چبيره
-امعيديه هاي مو گاع چبيره هاي حديقة القصر مالتنه... مو مثل الصحراء مالتکم متروسه جيفه وبعرور...
- (نورس لا اتحاچيه ويله ابسرعه طلعي الغنم) وطلعي
اتحاچي نورس نفسه وهي اتحود بلغنم بلعصه وچلبه
مكحول.. يرگض وياه يجمع بلغنم ويسوگه بره حديقة الدكتور خالد عبد الرحمن ..الي امتدت الف
متر من باب القصر ال سوره الخارجي ...
-انتي.... الغنم مالتچ شلون دخلت من السور
- ها. سورکم من ذيچ الجه واگع ودخلت منه واني ما گدرت امنعه...
-عصام عيفه انت ليش شرير... هيه مو فقيره ليش تحچي وياه.. هيچ
-امشي فوتي جوه مالچ شغل انتي لسه زغيره ما اتعرفين ذوله الغجر الهمج.. بواگه واهله حراميه
-بابا... مو ايكول لازم نحترم الفقير ونساعده....
-لچ ابوي ما يقصد على ذوله الغنامه البدو... يقصد على ذوله الفقره اليجوه للعياده... المرضه..
-اي... عيني... اوذوله مايتمرضون ويرحون البابه
للعياده وهمه هم فقره...
-افففف انتي توچ بلمدرسه ما تعرفين شي من اتكبرين تتعلمين الفرق...
-تره راح اصيح عليك ريسان..👄👄 ريسان... ريسان
-زهراء. لااتخبليني وتجزعيني.. هسه راح اهد عليه الچلاب هي وغنمه... شتو... شتو. ..كوبر... كوري... شتو..
عوعوعو.... عوعوعوعو
-واو... واو... واو..... عووووو. عووووو.. لالا عيفهن تعال مكحول ماتگدر الهن تعال.... عووووو...
-واووووو... الحگولي... اها... اها... واووووو
-بابا... بابا... ريسان... ريسان..
-هااااا اشبيچ زهراء ليش اتصيحين.
-شوف عصام. هد الچلاب على ذيچ البنيه الحلوه.. ام الغنم.. راحن ياگلنه... شوف چلبه ايدافع عنه. ريسان الحگله...
-لك عصام انت جبان... ورگض ريسان ابن الدكتور خالد ...النوارس... وراه ترکض اخته الزغيره زهراء..
-وال.. هو.. ول... هو.. عووو... وگمش الچلاب عن نوارس وغنماته هجن بعيد عنه ... بعد ما انشگ ثوبه وانجرحت رجليه وسال الدم منه وهي ادافع عن روحه... من الچلاب...
-ها انتي زينه اتعورتي...
-هاء... هأء... اهها... اههها. 😭😭😭
-لاتبچين... راعيه الغنم الحلوه.. لاتبچين..اتحاچيه زهراء ابراءة طفله ام اثمن سنين...
-هاااا انتي اتعورتي... گومي تعاي انداوي رجليچ
- ما ....مااريد... وين الغنم.... راح هسه مرت ابوي اتچويني بلنار اذا ضاعت الغنم . اهه،، اهه. 😭😭😭
-لا اتخافين.. هذا مو الچلب الچ هسه هو ايروح ايلمهن هو يعرف... واني راح اخلي فلاح حديقتنه ايروح ايلمهن .. يله شو خل اشوف وجهچ راح اتضلين ظامه راسچ وتبچين... يله هاي اختي زهراء اتگول عليچ حلوه يله وين وچه الحلوه..
وچان ريسان ابن الدكتور خالد اكبر من. عصام ابدقايق همه توم يتشابهون بلشكل بس اخلاقهم اهواي مختلفه...عمرهم اخمسطعش سنه ....
يله شيلي راسچ وبطلي بچي.... انتي شسمچ...
-نوارس... گالت اسمه ورفعت راسه من حظنه وباوعت بعيونه اله.... وانصدم... لالا انبهر ابذاك الوجه الابيض وعيونه الرزگه ابنص وجهه مثل الياقوت الازرگ.. يلمعن والدموع ينزلن من هاي العيون. مو ادموع مثل فصوص اليلو ينزل الدمع من عيونه ...
-انتي... راعية غنم لو اميره متنكره ابهاي الهدوم... طلعت هاي الکلمات من ريسان وسمعته نوارس
-لا والله اني راعيه غنم وبس وبعد ما امر من يم بيتكم اني والغنم بس هاي المره... لااتهد عليه الچلاب... گالت نوارس هذا الكلام وهي عباله هذا هو الهد عليه الچلاب ومتعجبه اشلون اتغير هيچ ابسرعه
وياه وصار اوليد حباب... ماتدري هذا اخو التوأم ريسان مو عصام...
-لالا انتي غلطانه مو اني الهديت عليچ الچلاب هذا عصام اخوي التوأم ..
-چا شنهو توأم..
-اخوي يشبهني انولدنه اني وياه سوه...
-لعد اشلون ايفرقون ابيناتكم... امك وابوك...
-يعرفونه من كلامنه وتصرفاتنه ...
-ها يعني انت حباب وهو شيطان ابصورة ولد..
-هههههه... اي مثل هيچ شي بس انتي حلوه كلش شلون صرتي راعية غنم...
-غير ابويه عده غنم واني اسرح بيهن
-ليش ما عدچ اخوه ايسرحون بلحلال...
-ها عدي اثنين ازغار والچبير ابگدك بس هو مو اخوي... ابن مرت ابوي.. وامه ماترضه اطلعه بلحلال
اتگول هذا حلال ابوچ... هو ماله شغل..
-ليش هو ما ياكل ويشرب من حلال، ابوچ
-اي ياكل... چا شنون...
-ريسان... ريسان.. وخر عنه اليوم اكسره ابهاي التوثيه... حتى اتحرم اتطب الحديقتنه هي وغنمه
-عصام... صير ادمي انت شبيك
-وخر... عنه انت مالك شغل اني اريد اكسره
وختلت نوارس وره ريسان وهي ترچف وتبجي
-والله بعد ما اجي من يم بيتكم بس هاي المره الله ايخليك ....
-اي چذابه حراميه ....وشال التوثيه وضربه بيه.
وصار ريسان ابوجه وحط نوارس وراه... وطاحت
التوثيه فوگ عينه الريسان وانشكت گصته فوگ الجفن وسال الدم على وجه ريسان... وصاح من الالم وگمش گصته والدم ايسيل من بين اصابعه... نوارس شافت الدم ينزل من وجه ريسان.... نزعت چفية راسه وحطته على جرح ريسان.. وهو امدد بلگاع ويصيح من الالم.. وهي گامشه راسه بلچفيه وحاطته ابحظنه...
-هاااا اني ما ادري اطيح بيك.. ها اااا... وصار وجه عصام مثل النوميه من الخوف... والحچي والتعربد مالته اتبخر مثل الهوه والاسد انگلب مثل الفار ويرجف... وسمع صوت ابوه من بعيد يركض ويصيح وراه تركض زهراء الي راحت صاحته لمن شافت عصام چاي بلتوثيه ويريد، يضرب... راعية الغنم الحلوه...
-عصام.... عصام....
-والله بويه ما ادري اطيح ابريسان...
-وتريده وين اطيح ابهاي البنيه حتى تفشگ راسه
وتموت... ويحبسوك..
-هااا اني مممما ادري
-هااا بنتي انتي هم اتعورتي... هذا الدم على اديج
-لالا مو مني من هذا الوليد، شديت راسه...
-يله گوم ريسان بابه انت ابخير... يله گوم... زهراء جيبي البنيه وتعاي وانت عصام الي تصرف ثاني وياك وهل مره ماافوتلك.. غلطك هاي..
-لالا عمي اني ما اجي وياكم اريد اروح الم الغنم قبل ما يصير الليل وبعد ما الگيهن...
-لا بابه تعالي واني اخليهم يلمولچ الغنم ويوصلوچ البيتكم... لا تخافين... تعالي ويه زهراء ورانه...
ومشت نوارس ويه زهراء... للقصر ومکحول يركض وراه يعرج من اثر عضات الچلاب الهدهن عصام عليه
ودخل الدكتور خالد وهو كامش ريسان وعصام وراهم يرجف.. ونوارس وزهراء. اتگود بيه الداخل القصر...
-هااا خالد... شكو اشبيه ريسان...
-اسئلي ابنچ عصام... هد الچلاب على هاي البنيه المسكينه... لا.. مو هيچ وبس .. اخذله توثيه ونزل اله للحديقه ايريد يكتله... ابنه صار مجرم
ولو ما ريسان صار گدامه چا فشگ راسه وگتله...
-عصام اصعد الغرفتك بعدين احسابك..
-يمه والله ما جان قصدي اضرب ريسان
-اعرف عصام.. چان قصدك تكتل الراعيه وتسويه علينه بشر وتنسجن من وراه...
-حوري.. هذا كلام ما ينگال عيب هي بشر غصبن عني وعنچ..
-اي واني ما گايله شي اعرف انت ما ترضه واحد يحچي على ذوله الفقره... الي اتسميهم ناس.
جيبي الادويه خل اخيط جرح ريسان
-ليش اتخيطه... داويه وبس... اليخياط ايسوي اثر ابوجه ما يروح...
-اني دكتور واعرف شغلي هذا نزف واللحم مفتوح لازم يتخيط احسن ما يلتهب... ويموت
-لا يمه اسم الله عليه خيطه ابكيفك وانتي شسوين
اهنا ابسببچ ...ابني ينزف... والثاني راح يتعافب.
-اني مالي شغل ردت الم الغنم وامشي، بس همه فوتوني...
-عيفيه حوري ...عيفيه ..واخذي ابنچ يرتاح ابغرفته
-لا بابه اني زين ما بيه شي اريد اروح وياه اوصله لان اتاخرت...
-زين لعد خليني اشوفه خاف رجله مجروحه.. والچلب مالته هم رجليه امعوره... وثوبه امزگ...وعقم الدكتو خالد رجل نوارس... ورجل چلبه ولفهن بلضماد... زهراء بابه اخذيه الغرفتچ وخل تلبس من ملابسچ... لان ثوبه اتمزگ..
-هي... هي ادور تلبس من اهدوم زهراء.. والله خوش
اصلن هو ثوبه امزگ من البدايه... بعد عليمن تنطيه من اهدومه...
-حوري.... اسكتي... اريد افض السالفه حتى اروح العيادتي....... وراحت نوارس الغرفة زهراء ولبست
من اهدومه... صحيح زهراء ازغر من نوارس ابسنتين
بس زهراء بت خير ودلال... وهاي بت فگر وجوع
القصد... جسمهن چان تقريبا نفس الجسم... شويه نوارس اطول من زهراء... ونزلت نوارس من بعد ما لبست... وظلت اعيون الكل اتباوع اله والجماله
-بابه بله مو چنه اميره...
-اي بابه زهراء انتن اثنينچن اميرات وحلوات
-اوگفي زهراء وياه خل اطگلچن صوره.... وگام ريسان.. وجاب الكامره وطگ صوره ال نوارس وزهراء....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-اففففف تصرفاتكم صايره ما تعجبني... وعافتهم حوري ومشت الغرفت عصام وهي تتنفخ..
وبعد ما جمعوا غنم نوارس.. صارت الدنيه قريب المغرب... وصلوه اليم خيم عشيرته من البدو الحاطين
اطراف گاعهم من الجه الغربيه من حماد بادية الشام
القريب من الحدود السعوديه...
-ها نوارس... اجي وياچ...
-لا ريسان... وصلت هاي خطوتين ذيچ خيمنه وذاك اخوي حمدان...
-هاااا اي لعد ذاك چنه ثور ليش ما يسرح بلغنم امكانچ...
- لانه ثور... مايعرف يسرح بلغنم ههههههه
-اي هم صدگ.... ههههههههه... هههههه اگلچ نوارس، اني، وزهراء، ننتظرچ كل يوم اتمرين يمنه انتي والغنم.. اكو گاع وره القصر مالتنه بيه اهواي عشب ما انريده بلگاع ايظل، تگدر الغنم تاکله.. وعصام بعد ما يگدر ايحاچيج...
-صدگ ريسان يعني تقبلون.... ما يشتي عليه الچلاب اخوك التوم...
-لا.. لا اتخافين بعد عصام ما يگدر ايحاچيج...
وراحت.. نوارس لخيامهم وساڭت الحلال گدامه..
وريسان وابو منصور فلاح حديقتهم رجعو للقصر...
........ ....... .......
أنت تقرأ
نوارس الباديه ياهو ..للكاتبه ام رحيل ...ع م
ChickLitكلمة... ياهو.. يستعملها اهل الباديه... ينادون بها من بعيد لمن الواحد ايدور على الثاني ....... فتاة من الباديه ومهندس ري ... اتعارفوا من همه ازغار... وفرقتهم باديات العراق... هو ابن حظر وهيه بدويه.. راعية اغنام... بس الحب.. مايعرف... لاراعي ولا ابن...
