كلمة... ياهو.. يستعملها اهل الباديه... ينادون بها من بعيد لمن الواحد ايدور على الثاني
.......
فتاة من الباديه ومهندس ري ... اتعارفوا من همه ازغار... وفرقتهم باديات العراق... هو ابن حظر وهيه
بدويه.. راعية اغنام... بس الحب.. مايعرف... لاراعي
ولا ابن...
للكاتبه ام رحيل ...ع م طگ... طگ... طگطگ.. -هذا اشعده رجع يدگ بلشباچ مو گلتيله روح وانطيتيه اعگال راسچ اليلو... وما ندري صگر اشراح ايسوي لمن يدري ماهوه... -اووووفففف اسكتي خليني اشوف اشعده رجع.. هاااا ريسان اشو رجعت... مو گتلك روح خاف احد ايشوفك واتصيرلك مشكله ويه شباب الديره.. وهذا الشماغ ال لاف راسك بيه اميلك... هههههه... ايلوگلك ريسان طالع مثل اولاد اشيوخ الباديه -نوارس ما اگدر اليوم انام بعد ما شفت وجهچ.. تره جمالچ اخذ عقلي ومشه يمچ ما يرضه يرجع الي ورجليه جرتني الشباچ غرفتچ... واريدچ تنطيني عهد الدم ما اتصيرين الغيري... مو هيچ عدكم يسوي اليحبون ومايخالفون عهدهم حتى لو يموتون... -هاااا... ريسان اني ماادري سمعت بنات الباديه يسولفن ويگولن انطيت حنظل عهد الدم وذيچ تگول انطيت محيسن.. عهد الدم ما اخذ غيره... بس ما اعرف اشلون... ريسان بطل هذا الحچي وروح لا يشوفوك... -مو گبل ما تنطيني عهد الدم... واني اعرف اشلون بس اخاف تتألمين لن لازم اخذ من اصبعچ دم وتاخذين من اصبعي دم وبعدين نگتب عهدنه اني وياچ.. -ما يخالف يريسان وگبل ما تكمل كلامه... طفر النص الغرفه وگعد لم نوارس واخلاص اخميسه فاتت بفراشه وغطت راسه وسوت روحه نايمه.... وعافتهم يكتبون عهد الدم.. -اخذ الدم من اصبعه وگام بل ابره ينقش اسمه على زنده ويشيل ارماد اسود جايبه وياه ويحطه على نقش الاسم ولمن كمل گاله خلص عهدي ادور عهدچ ينوارس... واخذ من اصبعه هوه دم وحطه على زند نوارس وبده ينقش اسمه وجاب ارماد اسود وحطه على النقش... -باچر ينوارس يضهر اسمي على زندچ ويضهر اسمچ على زندي.. اذا تخلفين عهدي تحاربچ كل ارمال الصحره وريحه ومخلوقاته... هو هذا العهد لا تخلفيه منا لمن تكوني الي مرتي وحبيبتي.... اني انتظرچ وانتي لازم تنتظريني... وطبع على، خد نوارس، بوسه وطفر من مكانه الحافة الشباچ وطلع يرگض ونوارس مشدوه وهايمه ...وچن روحه راحت ترگض وره ريسان....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-هاااا... نوارس نامي ينوارس بعد شراح اتسوين اليوم واحد تزوجتيه گدام اهل الباديه او.. واحد تزوجتيه بعرف السحر والساحرات... -شنو سحر شتگولين اخميسه شنو هذا الحچي. -اي هو هذا الحچي الصدگ... چا موش امي حميزيه اشوفه من اني زغيره تسوي سوالف مثل هاي وحبوبتي ريزانه ساحرة همين ومن تجينه تطلع اعظام وصراير ومحار وشعر واظافر ماادري امين تجيبهن وتتگابل هي وامي احميزيه وهي تدردم وامي تدردم والعظام جدامهن تگوم تخذف وتتحرك مثل الدود والشعر يوگف ويلتف على المحار... ولمن يخلصن يشدنه ابصره زغيره ويربطنه بغراب ابگع ويدمن ريش الغراب ابدم عدهن ما ادري امين جايباته... والصبح يهدن الغراب... واني نايمه جوه الغطه واسوي روحي رايحه ابسابع نومه بس اني گاعده وباوع واسمع.. -يا... وهذا السواه ريسان لا بيه اعظام ولا شعر بس دمي ودمه... هذا عهد بيني وبينه موش سحر... -ما ادري...يخيتي ينوارس.... بس اشوف السواه ريسان غريب عليهم... منهو العلمه هاي السالفه واشوف اعيونه لمعته مختلفه عن الاول.... -لا تخوفيني نامي كل هذي اوهام حطته امچ ابراسچ -زين راح انام وباچر كلشي يبين... وگولي اخلاص اخميسه گالت وما چذبت.... ..... ....... ..... وهناك بطرف اخيام البدو يم خيمة ام حمدان -هاااا... سويت الگتلك عليه مثل ما علمتك... اذا انت تحبه راح تصير الك مو الغيرك... بس اكو شي لازم نسويه حتى يكمل العهد... -شنوه خاله ام اخميسه... -جيب اديك ...واخذت اديه وغسلته واخذت ماي البيه دمه ودم نوارس وحطته ابماعون. -هذا شلچ بيه اشراح اتسوين.. -راح اخذه الصبح واسبح بيه نوارس ويثبت حبه الك وما تگدر تفارگ ريحتك تحسه ابطارف خشمه وروحه اتلوچ الا تشمك وماتريد كل واحد غيرك روح الدور الباقي عليه... نوارس صارت الك وبعد ما يگربله رجل ويحط ايده عليه الا ويصبح ميت بفراشه وما ينجه من الموت بس الكتب عهد الدم وياه هو اليگدر يگمشه ويعيش وياه.. هي مرته وهو حليله... -وهاي الفلوس الردتيه... وان صدگ كلامچ راح ابنيلچ قصر مثل قصر صگر واكبر وتصيرين انتي ساحرة الديره اليجيه اكبار.. واغنياء من كل معارفنه تسويلهم اليردونه ابسحرچ وسحر حبوبتج .... وانطاه صرة افلوس، ولف الشماغ على وجه وراح... ومن وره الخيمه اعيون اتبلبص بسكوت حتى ما يحسون عليه وما دخلت حمزيه خيمته.... والوياه دار وجه وراح... حتى طلع عساف اخو اهديل من وره الخيمه وهو يفر ابراسه ويهز بديه... ويكول -خلي هذا ياخذ نوارس، وخلي احميزيه تسحرله حتى ياخذه... شريد منهم..... احسن حتى اختي اهديل تظل وحده مرت صگر وتخلص من نوارس... اي... اي نوارس هم تاخذ هذا... الولد بعده زغير وهم عده افلوس ويريده... اسكت ي عساف مالك شغل وابعد عن حمزيه وسحره لا تگلبني ...ارول ... وذيلي يلطم بلرمل ورايه..... ومشه عساف الخيمهم وفات ونام بعد ما ترس بطنه بلعرس ولگه حنظل نايم گدامه.. وام اهديل بايته اليوم لم بته اهديل العروس.... حتى الصبح تغسلله وتسويلهم الريوگ...... وحميزيه من الصبح اخذت الماي البيه دمهم اثنينهم وراحت البيت صگر وفاتت حاطه شيشة الماي جوه کتره.... -هاااا... يحميزيه شو جايه من الصبح خير -يخيه الخير النه والچ مثل ما انتي عدچ عروس، اني هم عدي عروس واجيت اتطمن عليه هي واخته -بس انتي تدرين الاتفاق نوارس ما تعرس هسه ولا يگرب اله صگر منا لمن تصير ابگد اهديل.. -اي... ادري بس هذا ما يمنع اشوف بناتي واتطمن عليهن مثل ما انتي يم بتچ... اهديل.. -اها.. خوش فوتي ي ام البنات. لم بناتچ... وفاتت حمزيه ولگت نوارس واخميسه گاعدات ياگلن ويضحکن... -يله خلصن حتى اسبحچ ينوارس، هاي عادة العرايس لازم يسبحن من الصبح... يله هسه تجي النسوان ويشوفنچ ما سابحه ويشكن بيچ مو عروس بس اهديل... يله هذا ماي الورد جبته حتى اسبحچ بيه... -زين يمه گايمه... هسه -يمه اني افوت وياه واسبحه ابماي الورد بلکي اعرس وراه.... ونوارس تستحي منچ بس مني ما تستحي... مو.. نوارس. 👌👌👌 -اي ايي..شبيچ تگرصين... -اش لا تسمعچ حمزيه گولي اي وسگتي... -اي... اي... اخميسه تسبحني -زين هاج هذه الماي تسبح ولمن تخلص وگفيه بلطشت وديري الماي على راسه واچتافه ولمن تخلصين ردي الماي ال بلطشت بلشيشه وجيبيه الي اني گاعده بره الحمام... اتنطرچن وفاتت اخميسه ونوارس للحمام بعد ما طلعت اهديل منه وهي سابحه ومنوره وفرحة العرس مرسومه على وجه... -هاااا. اشلونچ اهديل -هله نوارس ..چا انتي اشعدچ رايحه للحمام -ماادري امي تگول لازم هم اسبح مثلچ... -هههههه. اي خل اتفرح روحه حميزيه حتى لو بلچذب هههههه وراحت اهديل الغرفته يم صگر الي سبح گبله ويتنطره يتريگ وياه؛. وفاتت نوارس واخميسه للحمام.. -هاااا.... نوارس خلصتي... -اي خلصت... بعد اوگف بلطشت واتذبين اعليه هذا الماي ورد.... الجابته امي.. -هي بهي... هاي امي موش امچ يبطرانه... -ادري بس هم مثل امي... -لا.. لا... امچ جميله ميته البسي اهدومچ واني اسبح بلماي امكانچ اذا بيه سحر ما يضرني لن مو الي الچ واذا كلشي ما بيه هم ما يضر وبلگي اعرس واخذ الي ابالي... -ههههههه... ههههه. ابكيفچ ي اخلاص اخميسه راح تموتين على العرس... هههههه -وسبحت اخميسه بلماي وحميزيه ما تدري ...ولمت اخميسه ماي السبح مالته وحطته بلشيشه... -هذا الماي يمه سويت النوارس مثل ما علمتيني.. وظحكت حمزيه واخذت الماي وطلعت... وهناك ابنفس افياي الخيم منتظره واگف ومتلثم -هاي الشيشه تسبح ابمايه وترشه على اهدومك گله تگوم ما تشتم الا ريحته وما تعجبك غير هيه... وهي هم نفس الشي... اخذ الشيشه والبيه الماي السبحت بيه اخميسه ومشه وفات للقصر.... للحمام وسبح بلماي وجمعه من الطشت ولبس وطلع... ورشه على اهدومه... -هااا.. مامه عصام هاي شترش على اهدومك -هااااا... هاي... هاي... معقم للملابس... شفت مادري شنو دخل بهدومي... رشيت معقم حته يموت -زين مامه عصام... حظر روحك... ريسان كمل اهدومه ولم جنطته موعد، طيارتكم بعد، ساعه ودير، بالك على دراستك اهناك ابفرنسه واخذ شهادة الطب ابسرعه وارجع انت وريسان... ولو ما ادري ليش امصمم ما اتسافر الا ريسان وياك مع انو ريسان ايريد يدخل هندسه زراعيه وهاي موجوده اهنا عدنه ابكثره... واحنه جبرناه ال ريسان على الروحه وياك -هذا شرطي، حتى اسافر اني وريسان لو ما اسافر.... -ديله... ريسان قبل بعد ما ابوك حلفه ابروح امك وگاله راح روحه اتكون مرتاحه اذا سافرت ويه اخوك وريسان قبل... يله ابسرعه ابوك ينتظر.... وطارت الطياره وبيه ريسان وعصام... الفرنسا.. عد خالهم الدكتور سعد محمد امين حتى يدرسون ويهيئون روحهم الدخول الكلية الي يردوه... عصام طب... وريسان هندسه... ..... ..... ... تسجلت نوارس واخميسه بلمدرسه وفلوس صگر سوت السحر النوارس لن مديرة المدرسه سوتله امتحان وحولته من الاول للصف الخامس واخميسه ابذيله وهم وياه... وصگر جزع يدفع اصرر افلوس هم لخلاص اخميسه بس نوارس امچلبه بيه وهو ما يگدر يرد طلب نوارس... -وداومت نوارس واخلاص ...واسم اخميسه راح انعيفه لان صارت بلمدرسه وابصف الخامس وانعمله على المديره حطته بلخامس بعد ما حسبتله بل بعارير... واخلاص ما تبطرت ولا زعلت چيه المديره تهتم ابنوارس وما تهتم اله مثل نوارس چنه نوارس الاميره وهي خادمته.... وحمدت ربه وباست اديه وج وگفه على كل الي صار اله ابسبب نوارس. ونوارس عرفت من زهراء... ريسان وعصام سافرو حتى يدرسون وزهراء گالت النوارس همه هم راح يلحگون بخوته ابفرنسا نهاية هاي السنه...لن ماكو سبب الضلتهم اهنا ماطول اخوته راح يضلون ايدرسون ابفرنسا اسنين ... وحزنت نوارس وبچت لن ما راح اتشوف ريسان وما تدري لشوگت.... وباوعت لديه النقش عهد الدم عليه وتفاجئت نوارس لمن گامت تعرف تقره زين هذا اسم عصام على اديه مو اسم ريسان -اخلاص هذا اسم عصام الوگح على ايدي مو اسم ريسان ليش ريسان گتبه... -اشو... خل اشوف... اي والله... ع... ص.. و.. لا.لامو هيچ. ع... ص.. ام... اي ينوارس... مو گتلچ هذا سحر حمزيه امي مو امچ گلبت اسم ريسان وسوته عصام بس لا تخافين... اني سبحت بلماي... مو انتي بلكي الوگح ايحبني الي... هههههه... ههههه ومرت ايام وسنين وحمزيه هدت خيمه ودگت اساس بيته من حجر ومن الفلوس الجمعته من عصام وصگر ....... ......... .......
