نوارس الباديه ياهو ..للكاتبه ام رحيل ...ع م

نوارس الباديه....ياهو بارت 17💕

للكاتبه ام رحيل ...ع م

نامت اعيون ريسان.وعصام ....تالي الليل بعد ما تعبت من السهر وبعد ما اتحير فكرهم ابهاي السالفه
ولوما شايفين صورة حوري.... الي طلعه عمهم صگر
چا گلشي، سمعوه منهم اتلاثتهم صحيح وشي ايكمل شي..... بس حوري العدهم الي هيه مرت عمهم بلماضي وام زهراء... اختهم وبت عمهم ابنفس الوگت... ماتشبه لا حوري البصوره ولا نوارس، ولا حته زهراء...
عافوا عصام وريسان هاي السالفه الوگته المناسب والتهو كلمن بلعمل الي يقوم بيه.... عصام يشتغل بلمستشفه الي ذب اساساته وصعد بنيانه اباطراف الباديه ويشرف على البنيان الي راح يوصل الاخره والعمل داير من الصبح الحد العصر .. وريسان هو
وهيئة العمل والعمال بلباديه قسم تحفر الابار ابمكانات ...وجود الماي بلباديه الغربيه.... وقسم من العمل والبنيان مستمر ابنيان المدرسة ....الي راح يتعلم بيه اولاد وبنات الباديه... ونسوان وزلم اهل الباديه وياهم نورارس واخلاص اخميسه.. ايساعدن بلطبخ وتقديم الاكل العمال الي يبنون المستشفه والمدرسه والي يحفرون الابار....
وصارت الباديه مثل حركة الدود... كلمن ابعمله وكلمن ابجهه...
-ريسان... هذا اكل انت من الصبح ما اكلت شي،
-ها نوارس خل انشوف هذا البير بلگي اشويه ويطلع بيه ماي... حته ايصيرن اتلث ابياره... ابهاي الجهه من
الباديه... وبعدين اگعد واكل واشرب...
-زين ريسان.... وانتظرت ايباوع عليه ايگلله كلمه.... بس ريسان ظل ايباوع للعمال والحفر بلبير الي وصل
العمق عشر امتار ولسه المي ما بين بيه...
-شوفو ياجماعه بعد مترين اذا ما بين الماي نردم هذا البير ... ونروح الجه الثانيه من الباديه..
-استاد ريسان... بس العمال اهواي تعبو ابحفر هذا البير...
-اي استاد مهند، بس ما نگدر نستمر بلحفر اکثر من هيچ... عشر امتار کلش اهواي....
-استاد... استاد..... الماي.... الماي.... وركض ريسان والمهندس مهند للعمال يم البير وهمه فرحانين لان الماي بده يبزغ من البير ويفور من الگاع صافي وحلو... وما راح تعبهم ابلاش....
-يله استاد مهند هذا الاكل خل العمال يرتاحون وياكلون وانت همين....
-شكرا ست نوارس احنه امتعبينكم ويانه...
-لا شنو هذا الحچي... احنه الي امتعبيكم ليش الي جاي اتسونه بلباديه اشويه... يمعود لو ارمال الباديه عده السان چا كله شكرتكم..
-لا دخيلچ ست نوارس، غير انهچ من يمكم ههههههه
ههههههه... وضحكت نوارس... وضحك المهندس مهند... وعيون ريسان اتباوع الهم وهو عابس ومگشر..... وحتى ما شاركهم بلضحك.... وفجئه اجه
غالب وجايب صگر... ابئيده.
-استاد ريسان هذا الصگر هديه الك وراح اعلمك اشلون اتدربه ونطلع اني وياك للصيد وهو ويانه راح
تستمتع اهواي... وياه وتتعلق بيه..
-وتغيرت ملامح ريسان وصار، هادي وبينت البسمه والفرح ابوجه الي چان گبل اشويه ما يگصه الطبر،
واخذ الصگر من غالب.. وبين ما العمال ارتاحو وگعدو ياكلون... بعدما خلص شغلهم... جان غالب ايعلم ريسان اشلون ايدرب الصگر ويعلمه عليه....
ومن بعيد باوعت نوارس صوب البنيان مال المستشفى والمدرسه... وتحيرت ...وتحير گلبه وياه...
-ريسان وعصام جاي ايحققون احلامه الي حلمته ان ايصير عدهم مدرسه... تتعلم بيه البنات قبل الولد... وتصير يمهم مستشفى تنقذ المريض قبل ما يموت.. مثل ما ماتت امه وخالته حوري... وناس اهواي من اهل الباديه... بس كلبي المن يختار الحاماني لو العاداني... الاختيار ايبين سهل بين الكلمتين... بس الذكريات الي ابگلبي الهم اتصعب عليه المسئله وهذا الاسم المكتوب ابزندي... اشراح اسوي بيه وشلون اوخره اذا اختاريت ريسان وگلبي مال اله اكثر من عصام.... بس ذكريات ساعه وحده عشته ويه عصام
وهو ايدگ على ايدي ذاك العهد وعيونه وهو ايباوعلي وكل اشويه ايكلي..
-ها. نوارس اتوجعتي... ما بقه شي خلصت... حطي راسچ على چتفي وغمضي اعيونچ ...💕💕
وحطيت راسي على چتفه.. وغمضت اعيوني والالم ما حسيت بيه ....لمن طبع بوسه على خدي ...وگالي.
-نوارس خلصنه.. حبيبتي... هذا زواج الحب عد اهل الباديه... هسه انتي حبيبتي وزوجتي... وحط هذا المحبس ابئيدي... هذا المحبس ال امي...
-اي وانت هم حبيبي وزوجي وراح انتضرك كل عمري
-لا نوارس مو كل عمرچ منا لمن اتکبرين بعد اشويه مو اهواي... بس اشويه... هههه.. هههه😊😊
.وريسان حلمي الاول ودگت گلب ازغيرون مراهق يطفر من الفرحه وعشت وياه احساس ما اعرف
شنوه... فرحه... احساس بلامان.... اول من حاوطني ابئديه اثنينهن واول من شميت ريحته... وهو يحميني من عصام.... وفجئه....
-اوووووف.. نوارس هذا ظلم.... هذا مو عدل انتي معلمه ظالمه مو عادله بين طلابچ المساكين
وفزت نوارس من تفكيره على صوت عصام... وطريقته التضحك بلحچي...
-اوي... هاي اشبيك عصام والله خرعتني... اشبيك
شسويتلك... تره انت صاير تطلعلي مثل اشباح المگابر الي اتخوف بالليل...
-صدگ نونه الحنونه مو انتي دکات على گلبي گبل زنذي واسمچ سوه معركه ابداخلي وحبچ فجر کل اخبالاتي وصرت مجنون...
وتگليلي اشباح المگابر... وهذا المحبس الي ابئيدچ گام ايصير على اصبعچ... لو بعده چبير مثل گبل من لبستچياه... وبوستي لسه اتحسيه على خدچ...
-عصام... عصام... بس حچي انت عليمن جاي تحجي علئ الي ابراسك لو الي ابراسي...
-لا على الي ابراسنه اثنينه... نونتي الحنونه.. بله انطيتچ مهله كل السنين اتفكرين.. وتاليه حبيبچ عصام متختارين.. حلوه مو...
-عصام انت شتريد گول ابصراحه ...تره اني جاي اتصورك بس اتريد اتخرب علاقتي ويه ريسان وبس
وكل الي سويته بلماضي چان تمثيل وانت لابس قناع وجه ريسان...
-لا والله ما لابس اي قناع هو وجهي مو وجه ريسان
-عصام لاتلاوع وياي بلحچي انت تعرف اني عن شنو احچي... انت اتلاعبت ابفكر ابنيه عمره عشر اسنين
وحاولت تزرع ذكره حلوه بس مو حقيقيه ابفكره وعفته تحلم كل هاي السنين ابهذا الحلم... وبعدين اجيت وگتله تره اني مو ريسان صاحب ذاك الحلم
اني عصام... الي ما يحمل الچ اي مشاعر حب قبل هذا اليوم... وهسه ايحبچ ويريدچ..
-والله نونتي الحنونه احبچ من اول لحظه شفتچ بيه دخلتي حديقتنه اتركضين وره الغنم وتحاولين اطلعيهن ...تدرين اشكد ظليت اباوع عليچ ...وعلى جمال وجهچ وعيونچ المثل زرگة السما... لا مثل زرگة البحر... الخلاني اغرگ بيهن وما اعرف اسبح.. وردت احاول اخلص روحي من الموت غرگان ابحر اعيونچ. يبت بحر... بس لازم الغرگان ما يطلع الا ايحط شي جوه جسمه ايرفعه ليفوگ...
-وحطيتني اني جوه اچلابك المسعوره حتى تطلع ليبره مو...
-عقلي ثخين وما عرف يحظن نونتي ويطلع بيه للبر
ويخلص روحه ويخلصه وياه..
-لا عصام انت مو عقلك ثخين انت عقلك جهنمي
ايجوز صدگ عجبتك.... بس گدرت اتقاوم هذا الاعجاب.. وما طول عقلك گدر يتحكم ابگلبك يعني حبك واعجابك مو حقيقي... واتريد اتخلي حبي الريسان محل شك ابگلبي ومحل غيره وعدم الوثوق ابگلب ريسان... واذا الثقه راحت الحب ايروح ويبرد اشويه اشويه ويختفي وانت هذا الي اتريده..
-هاي شنو هل ابداع نونتي... انتي معلمه لو طبيبه نفسانيه... شنو هاي...
-لا تتهزه ابكلامي عصام وحاول اتغير ذاك الولد القاسي الى طبيب عظيم مو بس ابمهنته.. لا وابخلاقه الطيبه وروحه الي تنشر الفرحه على الداير مدايره....
-نوارس.... هاي هيه انتهت مرحلة الاختيار وراحت نونه الحنونه... من هاي الساعه انتي نوارس مرت اخوي ريسان...
-زين وهذا الاسم الدگيته على ايدي شسوي بيه... راح ايظل سچين حطيته انت ابئيدي يدچ ريسان ابگلبه كل ما ايشوفه...
-هاي اشبيچ نوارس... وچماله انتي بت باديه وهاي شغلة الدگ والوشم اتعرفون بيه روحي الجدايل وهي اتدگ على اسمي وتسوي فوگه رسم گلب وجواه تكتب اسم ريسان وفوگه اسم نوارس ويصير
اليقراه من فوگ لجوه... نوارس. 💟 ريسان...
-مو گتلك افكارك جهنميه... حباب عصام خليه دايمن بعمل الخير..
-والله حسب الظروف يبت عمي نوارس هههههه
هههههههه 😀😀😀😀😀
-ومن ايگول اني بت عمك بعدنه ما متئكدين
-مو مشكله صرتي جوكر مثل زهراء...
شنو قصدك عصام..
-لا قصدي راح ايصير عدنه بنات شابات اثنين بلعائله
-اي صدگ شو صار من بده مشروع البنيان بلمدرسه والمستشفه وزهراء ما مبينه ليش چانت تجي كل يوم وفجئه اختفت... اكو شي بيه شي اشو گلبي محتصر وضايج چي ما جاي اشوفه...
-لا ماكو شي بس عده دراسه اهواي وكليتهم ضاغطه على الطلاب اهواي چي قربت الامتحانات... النهائيه.
هسه يخلص بنيان المستشفه وما اتشوفيه الايوميه ناطتلنه تتدرب على المرضه...
-اگلك عصام.... اشو ريسان ...ثگلان عليه وما يقبل يحچي وياي اكو شي دار ابيناتكم عليه... گلي عصام ابصراحه وبدون خبث...
-انعمله عليچ نوارس... اني خبيث..
-اني گلت انت خبيث ...لا يمعود شنو هذا الحچي مو عيب... اصلا انت الخبث تلميذ يدرب جوه ايدك
لا اتصير متواضع كلش عصام...
-هههههه... هههههه.... حلوه شوفي گعدتي وحچيتي اشويه يمي خليتچ اتصيرين مرحه وتنكتين مثلي...
-اي صحيح... بس هم خليت اعيون ريسان راح ايطلعن من مكانهن... شوف باوعله اشنون ايباوع علينه ابغظب واعتقد... راح ايطم البياره مال المي الحفره... ويخلي اهل الباديه ايموتون من العطش
-صدگ اشو اني ما منتبه اله... هسه هو جاي ايباوع علينه ...
وفجئه گمزت نوارس من يم عصام مثل المرعوبه وخايفه...
-هاي اشبيچ نوارس اشو گمزتي خايفه شكو...
-اي عصام بعدني اخاف من خباثتك... ليش سئلتني ريسان بعده ايباوع علينه ليش انت ما باوعت عليه
لو اتريد اتسويلك حركه جديده... وتخلي ريسان يتصور غير شي... 👄👄
-هههههه... لا نوارس تره تفكيرج راح لبعيد... ههههههه
ههههه... هههههه.... خلينه نعقد اتفاق من اليوم وجاي
راح نگعد ونسولف ونضحك... وماكو حركة خباثه
ولا غدر ابيناتنه ها شتگولين نونتي...
-ها عصام... هم رجعنه... نونتي... وين راح الحچي...
لا عصام ....الله يچفيني شر اتفاقاتك وعهودك...
انت تتراهم اتسوي اتفاقات ويه حمزيه وبس..
يله اني رايحه... يگولون عساف رجع من بادية الموصل بعد ما فره شبر. شبر.. وعرب الشيخ صركال ما لگاهم... اي الحض دايمن يرگص ويه حمزيه چوبي ويطگ اصبعتين......
يله مع السلامه عصام....
-بي باي نونتي....
.👤👤👤👤👤👤..

-ههههههههه 🤣 ههههههههه. 🤣 هههههههههه 🤣