نوارس الباديه ياهو ..للكاتبه ام رحيل ...ع م

نوارس الباديه....ياهو بارت 16💕

للكاتبه ام رحيل ...ع م
وبعد ما گملت حوري السالفه... اتنفست  وذبت راسه لي وره على الكرسي وغمظت اعيونه اتگول توه ارتاحت ..من شالت حمل چبير عن چتفه...
-يعني اني بت صگر... وبابا خالد ايصير عمي...
-اي بابا انتي بت اخوي صگر... بس اني الربيتچ من عمرچ يوم وسجلتچ اباسمي... لان الظروف چانت صعبه والوضع مال امچ وخوفنه عليه من مرت بحر
خلانه نبتعد عن الباديه واهله... ونسجلچ بسمي وننسى كلشي صار بلماضي...
ودنگت زهراء على وجه خالد وطبعت بوسه وحظنته
-بابه خالد اني عمري ما راح احلم ابابو احسن واحن منك... عمري کله ما حسيت انت مو ابويه حتى لو چنت بت اخوك... يبقه اشويه فرق بين الابن وابن الاخو... بس انت ما حسستني ابد اباي فرق بلعكس چنت الاميره الدلوعه ابينات... ريسان وعصام...
ما رفضتلي طلب ولا قصرت وياي... وانت حبيبي عمو بابا....
-هههههه... ههههه.. هاي امين جبتيه عمو بابا...
-اي عصام... چان بس بابا هسه صار عمو وبابا اثنينهم... ابواحد منو مثلي....
-لا ماكو مثلچ صرتي جوكر... الله ربچ زهوري...
-اي عود شنو چوكر.. قابل جاي نلعب ورق
-لا بس الجوكر وين ما اتحطينه يربح... وصاحبه يربح  وياه.....
-اي واني  وين اربح  وصاحبي يربح ويايه ...
-اشلون زهوره الجوکر... راح تاخذين حصة عمو صگر كله واني وريسان مگاريد ابحصه وحده😂😂😂
هاها... هاها...
-لا عصام اني اختكم بلجنسيه وهذا يكفيني...
مو ابحال  ورث ولا ابحال افلوس انتم وبابه خالد وماما.. اغلى من كل افلوس بهاي الدنيا...
- عصام  بطل كلامك الماصخ ويله صارت بتلاثه الصبح واحنه تعبانين وبابه وماما حوري هم تعبانين وزهوره عده كليه من الصبح... يله تصبحون على خير... وگام ريسان وعصام... راحو الغرفهم وحوري وخالد الغرفتهم
...
بس ضل اكو کلام بعيون ريسان محد حس بيه غير عصام بلرغم من التهريج مالته والنكتات الي يحچيه
بين شويه وشويه...
طقق.. طقق... طقق...
-منو اتفضل..
-ها ريسان نمت...
-اي عصام نمت واحچي وياك واني نايم...
-هاي اشبيك ريسان لتاخذ مني موقف علمود نوارس
تره هذا مو بيدي ولو ترجع الايام هم چا سويت نفس
الشي.. لاتزعل واذا مقسومه الك ما اتصير الغيرك
هاي امثال خموستي... هههههه... هههههه.😁😁😁
-اشو انت تحفض كلام اخلاص اخميسه وما اتروح من بالك وعلى طول تذكره.. ونوارس ولا کأن الك وياه شي... عصام انت جاي تتقرب منه علمود اتحارگني وتقهرني  لو صحيح اتحبه...
-ريسان... صدگني ما عندي الك غير مشاعر الاخو الي ايحب اخو التوم ومرتبط وياه ابرابط كلش قوي ما ايكسره حتى نوارس نفسه... بس اكو شي اتأسس من زغرنه ويه هاي البنيه واحنه مسؤلين گدامه
لازم انفذ اله الي ايريده گلبه... اذا رادتك.. راح ارگص ابعرسكم ابكل فرح واذا اختارتني... ماكو فايده ارفضه... لان انت ماممكن تتجاهل فكرت انو هي اختارتني.... واني رفضته الك...  وانت اكيد ما راح تاخذه....
وبعدين... انكون اثنينه السبب ابتعاسته.... وانت ما ترضه ايصير بيه هيچ.. الهذا السبب اگلك المن تختار
الثاني لازم ايكون فرحان الهم...
-زين عصام مثل ما اتريد... واني قابل ابحچيك وراح اكون فرحان وارگص ابعرسك اذا اختارتك بعد شتريد،... يله هسه اتخليني انام... لان الصبح عندي شغل اهواي... وباچر انفذ المشروع الجنت احلم بيه واني ازغير.... نحفر ابيار ابكل نواحي الباديه ونخضره... ونوطد البدو الرحل ابمكانهم ونساعدهم وندعمهم ايزرعون ارض الباديه ويخضروه... وما يرحلون عنه. جيل وره جيل ويهدون اخيام الشعر..
ويبنون امكانه ابيوت من حجر.... ويله خليني اغمض اشويه لا باچر انام واعيف العمال والمهندسين وحدهم يشتغلون بلباديه  اني رئيسم نايم وما ادري
الدنيه وين راحت وين ردت  وكله من ما وراك...