نوارس الباديه ياهو ..للكاتبه ام رحيل ...ع م

نوارس الباديه .....ياهو بارت 9💕

للكاتبه ام رحيل ...ع م

التمت الوادم والنسوان فاكه حلگه وتتعجب من حجي ام حمدان.. ...
والنسوان صاحت والزلم گبرت وعله اسلاحه ولماعده
تفگه لو ورور.... رکض جاب توثية الغنم... وهدو على بيت صگر... يردون موتة الفاجر الي غضب الله ونگس الدين... هذا الحچي ايصيح بيه حمدان وصافي، وهادي، اولاد، حميزيه وشكم واحد من شباب الديره الهلافيت الي يبيعون امهم وابوهم بلفلوس.... شمرت الهم.... حمزيه شكم فلس خلتهم يصيحون ويه ولده ويشيلون السلاح الي انطته الهم
وهدو يريدون يحرگون بيت صگر....
وصگر حاير، شيسوي حتى، يخلص من مكر حميزيه واولاده..ظم اهديل ونوارس، بلغرفه.. 
-دير بالچن تطلعن من الغرفه الا اجي واطلعچن
-وين رايح يصگر... خاف يگتلوك ربع حمزيه واولاده
-لا تطلع عمي صگر... خليني اني اطلع واگللهم انك ما مسيتني، ولا تگربت يمي، وچنت الي مثل ابويه بحر وازيد....
-فوتي نوارس، ما يفيد، الحچي لان محد راح يصدگ
الحچي التگلينه..حمزيه چانت تحفر  جوه رجليه بير
واني ما منتبه اله..طمعت كل نسوان الديره وانطتهن،
وداينتهن... وشغلت نص ولدهن لحسابه، اليرعه ابغنم اشترتلهيا والفتحتله دگان والي انطته افلوس يجيب اهدوم ويبيع للنسوان... واني چنت اتصوره تريد تکثر افلوسه... وتلم نفع من كل واحد امشغلته... وما شفت بيه شي ولا حسيت ابخطر منه... لنه چانت مثل الحيه لابده الي وتتحين الفرصه حتى تلدغني... وهذا اليوم يومه... ولازم اشوف اشلون اخلص منه.. واخذ صگر التفگه وطلع.للعرب....
-والله يوجه ابليس ان ما صميتي حلگچ لحط هذا الفشگ كله ابراسچ.... وصوب  التفگه على حميزيه بعد ما شردت الوادم لمن شافت النار فوگ روسه...
ورکض صگر وره حمزيه.... رکضت احميزيه وختلت

وره ولده حمدان وصافي وهادي.. واحتمت بيهم
وتگوت... وهدو ثلاثتهم على صگر.. والکثره تغلب الشجاعه حتى لو چانو مو شجعان.... بس عدهم تفگ وهم ثلاثه وهو واحد.... وتراجع صگر بعد ما طاحت
طلقه ابرجليه... واخذ يسحل ابروحه وحمزيه الفرح گام يرگص بعيونه وهي تشوف صگر ابهاي الحال..
-اي... عفيه ولدي احزام ظهري، اکتلوه... هذا الچلب
ضحك  عليه وعلى اختكم نوارس، واخذه عروس اله ابدون زواج.وعايشه وياه صارله اسنين
اكتلوه.... اكتلوه.... وحطو ولده التفگ ابصدره وبينه
وبين الموت شعره ولن الزلم والتفگ اجتي ترکض من صوب قرية السوالم.... وطاحت الطلقه ابجتف هادي ابنه الحميزيه. والخوف ترس اعيونه الحمزيه لمن شافت جوگة الزلم والتفگ هاده عليهم هي واولاده
-يله. يمه حمدان.... صافي... شيلو اخوكم وخل نرد، البيتنه ونسد، البيبان محد، يگدر يطبلنه يله ابسرعه
-يمه ذوله الزلم امنين اجوي يفزعون الصگر مو من عربنه..
-ولك حمدان مو وکت حچي، شيل اخوك ابسرعه وفوت للبيت وسد، الباب... يله يصافي ساعد حمدان وشيل اخوك وياه... يله.... وركضو شالوه ابسرعه ورکضو... يسحلون ابهادي وحمزيه ترکض گدامهم
فاتو للبيت وسدو بيبان البيت... البنته حمزيه چنه
بيبان سجن من قوته وعلوه...
وصلت فزعة الزلم من القريه وعلى راسه ازلام اثنين
امتفگين امشمغين نفس الهدوم ونفس الطول والشكل... وتركض وراهم هده من الزلم المتفگه تاخذ الامر منهم وتنفذ امرهم... ركضو الصوب صگر والدم ينزف منه مطروح بلگاع ما يگدر يتحرك... وهو هم مستغرب امين اجتي هاي الزلم وخلصته من الموت
ومن حمزيه واولاده....
وشالو صگر واخذو البيته... وتلگنه اهديل ونوارس،
-يمه الحگي... اشبيه صگر... اشصار بيه
-ماكو شي لا تخافين.. جرح بسيط،.... الطلقه صابته من طارف  رجله وطلعت.  ...
-وانت دكتور حتى تعرف...
-اي ينوارس.. اني دكتور..
-شمعرفك باسمي انت منو...
-وفك اللثام عن وجه... وگاله اني ابن الدكتور خالد
الي نوارس الباديه... بعد ما تعرفه...
-ريسان.... ريسان.... عرفتك انت ريسان
-ههههههه... هههههههه... هههههه وضحك من كل گلبه
وبينت لمعه غريبه بعيونه.......
-ريسان... انت ريسان... بس انت مو دكتور.. لالا.. انت مهندس مثل ما چنت اتگلي احفر ابيار ابهاي الباديه
وخليه خضره والعرب بعد ما ترحل من ديره الديره لمن تيبس الگاع وبعد ما بيه عشب للغنم.. واني اصير
معلمه ونبني مدرسه بلباديه يتعلمن بيه البنات مثل الولد... يقرن ويكتبن... مو هذا حلمنه ريسان...
واجه واحد يركض من جهة بيت حميزيه، بعد ما شردت گدامه هو والزلم الوياه البيته وسدت بيبانه هي ولده وامنو من شره.. 
-هااا... عصام شلونه صگر زين خو ما بيه شي خطير
حتى ناخذه للمستشفى..
-لا ريسان زين ما بيه شي الرصاصه ما فاتت ابرجله
جرحته وطلعت... ظمدته واهديل گاعده يم راسه هههههههه.... وحمزيه وين صارت هي واولاده
-شردت البيته وسدت بيبانه...
-ريسان.... انت ريسان..
-اي نوارس اني ريسان .