كلمة... ياهو.. يستعملها اهل الباديه... ينادون بها من بعيد لمن الواحد ايدور على الثاني
.......
فتاة من الباديه ومهندس ري ... اتعارفوا من همه ازغار... وفرقتهم باديات العراق... هو ابن حظر وهيه
بدويه.. راعية اغنام... بس الحب.. مايعرف... لاراعي
ولا ابن...
فتحت نوارس اعيونه من النوم وحست ابجسمه كله امكسر من الصخونه الصابته ليلة البارحه بعد ما طاحتله مرت ابوه دك وضرب... -هااا ينوارس، اشلونچ اليوم زينه... -اي عمي ابو اصبيح زينه بس اهيس جسمي كله يوجعني... -هاا هذا من الصخونه الصابتچ البارحه... يمكنچ تعبانه من السراحه طول النهار بلحر والشموس.. -اي.. وادور امي خوش انطتني اكل.. گبل ما انام -خوش ي ام حمدان داريه بلاكل حتى تصير زينه گبل ما يجي، ابوه من الطير.. -اي.. لااتوصيني على ابنيتي نوارس، الي تشتهيه اسويلهيا... و اكثر... بس انت لايكون خاطرك غير طيب. -عمي ابو اصبيح اني زينه صرت ما بيه شي بس جوعانه.... -اي... اي. ام حمدان جيبيله خل تاكل... اني جبت قفص دجاج.. سويله . ابسرعه... -زين... زين.(انشاله گلت سموم تفوت البطنه واخلص منه بت جميله).. -ها اااا ام حمدان شتحچين ويه روحچ... -لا يبو اصبيح ما اكول شي..، اصيح على اخميسه تعاوني بهلس الدچاچ...وطبخه حتى نوارس تاكل وتقوه... -اي خوش ...ابسرعه چا احزبي .. ومشت ام حمدان ويه بته اخميسه عمره عشر اسنين يعني عمره من عمر نوارس.لن جميله من اخذه ابن عمه بحر تأخرت ما خلفت ابسرعه وچانت ام حمدان توه ارمله وميت رجله...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لافت على ابو بحر وسحرته ابكل طريقه وفهمته انه تخلف اولاد وعده حمدان... وجميله ما تگدر تخلف حتى وگعته بحبايله وتزوجته... وايام وعرف جميله حبله وبعدين حبلت حمزيه ولمن خلفن جميله جابت نوارس حلوه وچنه فشگه من الگمر وحمزيه جابت اخميسه ما عده من الحلاه غير شي بسيط... بعدين جميله صابته حمى انفاس وماتت وبحر.. بلطير مايدري بيه وظل حزنان عليه مده طويله وبعدين گدرت حمزيه ابحيله ومكره تنسيه جميله ......... وخلفت حمزيه صافي عمره اثمن اسنين .وهادي ست اسنين... وظل بحر كل موسم شته ينحر للطير... ايصيد منا لمن يخلص الموسم يجي وجايب وياه اكل وفلوس وحمزيه تاخذ وتظم وتگله بعد... لا عينه... تنترس ولا بطنه تشبع... واليوم حاكه اسنونه تحصل من ابو اصبيح هبده چبيره ياله تنطيه نوارس... -چا شبيه بختچ ييمه ي اخميسه ما طلع مثل بخت نوارس، بعدهي عشر اسنين والزلم تخطبه.. -يمه چا هي حلوه.. كلش مو مثلي اني ما بيه شي حلو نايمه النهار كله وجهي مايصير ابيض وهي تفتر بشموس الباديه النهار كله او.. وجه مثل الحليب... -اي.. اي... بخت -لا يمه موش بخت.. اتگول عمتي ام اهديل.. طالعه على امه جميله اعيونه زرگ وجنه حورية بحر... وتگول چان ابوي، ايصيحله وينچ يحورية بحر... -انچبي عابتلچ هل حلگ انتي وعمتچ الچذابه.. انتي طالعه على عمتچ..... لو طالعه عليه چا صرتي حلوه مثلي... -اي.. يمه بس كل رفايجي يگولن تشبهين امچ كلش ما امخليه شي منه.. ما ماخذته -امشي من گدامي... روحي جيبي الحطب خليني اطبخ البت جميله ونشوف تاليه ويه ابو اصبيح.. ان ما نفذلي ال اريده... ل اگلب اصخام مواگد الديره كله على راسه... وما اطلع ام حمدان... ولا جدتي ريزانه.... الي اتشوف البخت وتطش الحجر وتحرك الگلوب مثل ما تتحرك ارمالج ياباديه... اذا ما افتله فتل المغزل.... -ومشت ام حمدان وطبخت وچابت الاكل النوارس وبوده تحط بيه سم وتسمه... بس ما گدرت لن ابواصبيح گاعد. يم نوارس، وعيونه كله حب تنظر اله مو چنه بت عشر اسنين.. ماندري يا مره اليشوفه ابوجه....
