.للكاتبه ام رحيل ...ع م
-عمي صگر... انت لا مجنون ولا جاي تتوهم بس اكو شي ابهاي القصه مالتك لو غلط... لو... چذب...
-اشلون عمي ريسان... يعني اني جاي اچذب عليكم..
لو تگول... متوهم... اخير ما تگلي اتچذب يعمي.. تره اني لا طامع ابمال ولا ابحلال وكلشي ما اريد لا منكم
ولا من اخوي خالد... وبطلت بعد ما اگول.. شي... خاف هم اهديل تزعل وتگول كل ما تشوف وحده تڭول تشبه حوري...
-لا يصگر.. ادري بيك تريد تعرف ابنك من حوري لو بتك وين صار بي الوكت.. واني اعرف معزت الضنه
يصگر... شتريد اتگول... گول محد يگول عليك شي
هذا حقك...
-عمي صگر اني ما اگول انت اتچذب... لا.... بس اگول اكو واحد ابهاي القصه ايچذب منو ما ادري...
-اشلون عمي.. يريسان.. اشتقصد ابكلامك...
-اني اگلك اشلون مرت عمي صگر لسه عايشه وهاي زهراء بته... يعني بت عمي صگر.. وابويه خالد اتزوجه المرت عمي صگر... وهسه عايشه ويانه... شتگول ابهذا الحچي
-اگول چذب ومستحيل حوري ميته مو عدله ... بس طفلهه اي ايجوز عايش وما ادري ولد لو ابنيه... بس احساسي يگول ابنيه..
-بس عمي هاي زهراء بت حوري وبت عمي صگر..
-يعني هو هذا ابويه صگر عدل ما مات بحريق المستشفه..
-هاي بتي... زهراء بت حوري... بتي اني عايشه... اي.. اي... مو گلتلكم تشبه حوري..
وباوع صگر بعيون كله حب وحنان ال زهراء.. اذا انتي بتي يعني نوارس بت بحر وجميله... بس ريسان اشجاب بتي الكم... چنت اتصور راح الگيه عد احد من اهل الباديه وگضيت عمري ادور عليه بلباديه... شلون وصلت الكم...
كل هذاالحچي وزهراء فاكه حلگه وساكته لا تاخذ ولا تطي وصگر كامش ايده وما يرضه ايهده ايخاف تضيع منه بعد ما لگاه...
-عمي مو گلنالك حوري عدنه عدله ما ميته وتزوجه ابويه... وزهرأء جابته وياه عمره يوم.. وسجله ابويه بسمه... لان حوري ماعده عقد زواج انت وياه.......
وبده ريسان... ايسولف القصه مثل ما سمعه من ابوه
ومن حوري....
-حوري عايشه ما ماتت.... شلون ..وخالد متزوجه...
ما اصدگ... بس هذا مو مهم المهم لگيت بتي وعرفته
زهراء اني ما اطلب منچ شي غير بس اتخليني اشوفچ....
-اني اسفه بابه... اعذرني وسامحني لان اتعذبت كل هاي السنين... اتدور عليه ...وما ايست.. وانت لا شايفني ولا تعرف اني ولد.. بت عدله ميته... وظليت
وما ايست... اني اسفه بس ما اگلك اني راح اعوضك
عن كل اسنين عمرك... لا بابه انشاله الزمن هواليعوضك ويصير عادل وياك... واني راح اجيب اهدومي واچي اگعد وياكم اهنا...
-صدگ زهراء ...بس خاف امچ... وخالد ما يقبلون
-ليش ميقبلون... عشت وياهم اهواي خليني اعيش
وياك وعوضك مثل ما عشت وياهم...
-بس زهراء هذا القرار مو الچ وحدچ... ماما حوري هم لازم تقبل...
-والله ماما حوري هي حره ابحياته بس حياتي الي
واني اقرر وين اريد اعيشه... عصام... اني ما راح اعيف بابه خالد ولا ماما... وراح اروح يمهم ايام.. وايام اهنا يم بابه صگر... واهديل... وبت خالتي نوارس.... تؤم روحي من احنه ازغار....
-وهسه يزهراء احنه غربه... لو گرايبچ... واخوات..
-لالا خلوصتي... بنات خاله مو خوات...
-بنات الخاله مثل الخوات... يزهرة الروح...
-يعني هسه اني بت بحر وجميله...... وحمزيه ما جذبت... عليك عمي صگر... وما تدري ابزهراء... لن حوري جابته بلطريق وهيه بين الموت والحيات..
وحمزيه ما تدري بيه...
-صحيح... يعمي ينوارس بس الله يشهد اني ما اعتبرتچ الا بتي... والحد هذا اليوم تظلين بتي... مثل زهراء....
-ماقصرت يعمي سويت اكثر من الي يسويه ابو البته
وجميلك ما انساه... طول عمري...
-انتظري نوارس... انتظري قصتكم ويه عمي صگر ما خلصت.. واحس بعد بيه اهواي اسرار مخفيه وما نعرفه...
-اشلون يريسان... شتقصد... الاسرار كله انكشفت ما
ضل سر... بعد وان چان تقصد على حوري... تره عگب
هاي السنين... هيه ابحكم المطلگه... اذا مو ارمله... لان تعتقدني ميت..
-لا يعمي صگر... اكو شي واحد امحيرنه اني وريسان وانت كل مره تعيده...وما يتغير...كلامك...
-وشنو هذا الكلام... عمي عصام...
- اول مره گلت نوارس تشبه حوري.. وشوفتنه صورتك وصورة مرتك حوري واحنه شفنه شبه اهواي بين نوارس والصوره... وهسه تگول زهراء تشبه حوري اكثر من نوارس.. واحنه هم انگول صحيح
لان زهراء تشبه حوري البصوره اكثر من نوارس...ولو باوعنه النوارس... وزهراء انشوف الشبه کلش اهواي
ابينهن... لون العيون... الوجه.. الشعر.. الخسم الحلگ اهواي... ملامح ابيناتهن متشابه...
-اي عمي عصام... لان هنه بنات خاله مو بعيدات وحده عن الثانيه...
-عمي صگر مو هاي السالفه...
-ها عمي ريسان چا شتقصد
-ريسان مو طگت روحي لا اتلف وتدور... کول
ابسرعه شنو تقصد،...
-زهراء... انتظري... مو کلشي تاخذينه بلعجله...
-بس ريسان زهراء عده حق لازم اتگول ابسرعه لان بعد ما عدنه صبر...
-نوارس... اخاف اگول وتطلع اضنوني مو صحيحه...
وخاف اسكت... وبعدين... كلكم اتلموني... چي سكتت
-بويه ريسان.. انت گول الي تضنه... واحنه نسمعك ونشوف ان چان ضنك صحيح... لو مو صحيح.. والموجدات اهنا کلهن مو غريبات... علينه وعليك
والكلام ما يطلع اذا ردناه ما يطلع...
-زين عمي... اريد اسئلك اول... انت شلون عرفت.. حوري ابهذا الگبر... وصدگت ابحمزيه.. ايجوز الگبر مو اله الوحده غيره.. ويجوز الگبر فارغ... وحمزيه
سوته علمود من يجي بحر تراويه الگبر...
-تقصد حوري عدله مثل ما اتگول.. وهي هسه عايشه ابيتكم ومتزوجه اخويه خالد... مو هيچ تقصد.. وهذا الگبر... مو الحوري..
-اي عمي ...ريسان ...هيچ يقصد...
-شوف يعمي تدري اني دكتور وعدي اصدقاء اهواي يشتغلون بلطب.. ابكل افروعه جراحه.. باطنيه... تحاليل... كل افروعه...وانت دكتور وتعرف الدكاتره عدهم اتصال وجمايل واحد ويه الثاني ولمن حمزيه دلتني بلگبر وگبل ما ابني عليه هذا القصر... بلليل...جبت اثنين من العمال اليشتغلون بلقريه وخليتهم يحفرون الگبر
وگلتلهم اريد اتاكد هذا گبر مرتي لو لا لن هي غريبه
ومرت بيهم مريضه وماتت وما يعرفون عنه غير اسمه واريد اتاكد هذا گبره...
-اي بابه صگر وفتحو الگبر...
-الله فرحتيني... زهراء ابهاي الكلمه متمنيه من اسنين ومحد گاله الي... وانتي اليوم اجيتي... وگلتيه
وسمعته... وفرحت...
-ولا تهتم بابه صگر... حتى لو ما تطلع بابه... راح
اضل اصيحلك بابه صگر... اي بابه كمل... فتحوالعمال الگبر...
-اي بابه... زهراء فتحو الگبر... ولگيت مره نايمه وملفوفه بقماش ابيض كله دم والجثه باقي منه اشويه منه... وما تحملت اهواي... فتحت جرجف الابيض الملفوفه بيه وجان مگصوصه وصله چبيره منه .. ورجليه طالعه... ما اطول عليكم
اخذت عينه منه وجبت چفن جديد، ولميته وحطيته بيه.. وطلعت من الگبر وخليت العمال ايردون ايدفنوه... انطيت العينه... احد اصدقائي طبيب تحليل... وبعد اسبوع رجعلي كل المعلومات الردته
وهي ان هاي الجثه تتطابق ميه بالميه ويه العينه
الجبته من گبر ابوه المدفون ابعرب الشيخ حمدان
وهاي جثة حوري وحدد سبب وفاته ضعف بلگلب.
وتعب شديد ما تحمله گلبه... وماتت... وسبب التعب
تعرض جسمهالضربه قويه على راسه... وتعرضه النوبات ولاده شديده.... سببت موته بعد ساعه من ولادته... والجثه فارغه وهيكله العضمي ما بيه طفل
ولا لگيت جثة طفل مدفون وياه... وتأكدت ابني لو بتي عايشه ما ماتت... وحمزيه شو، وين ودته...
-يعني هذا گبر حوري... الصحيح... ما چذبت حمزيه
-اي ينوارس هذا گبر حوري...
-بس عمي اني مو هذا قصدي اني اعرف هذا گبر
حوري ...او گبر ...غيره مو مهم... هاي المسئله...
-حيرتني عمي گول احنه نسمع وبعد ما نقاطعك منا لمن تكمل.... كلامك...
-زين شوف عمي... حوري الموجوده ابيتنه.. والي تزوجه ابوي
على اساس مرت عمي صگر المات بلحريق.. والي هو انت.واحنه تأكدنه .. اوراقك كله صحيحه وصورتك موجوده بلكليه نفس الصوره العدك انت وزوجتك الي هي حوري... وطلعنه صورك الموجوده عد ابويه خالد انت وياه قبل ما اتموت افتره گصيره... نفس الصوره هذا يثبت النه انت عمنه صگر مو واحد ثاني
-زين ريسان كمل... كلامك..
-راح اكمل زهراء... بس حوري مرتك ماتت لعد هاي الي ابيتنه منو... وهي لا تشبه الصوره العندك ولا
تشبه زهراء... ولا تشبه حتى نوارس... اشلون...
-ايجوز الزمن غير ملامحه... اكو اهواي امهات من ايكبرن تتغير ملامحن وتصير بناتهن يشبهنهن من هنه چانن شباب..
-اي اخلاص كلامچ صحيح... بس اكو شي ما ممكن يتغير مهما كبرت الواحده وصارت عجوز...
-شنو هذا الشي ريسان..
-نوارس... لاحظي لون اعيونچ ولون اعيون زهراء ولون اعيون حوري البصوره... شنو لونهن...
-هااااا... ريسان... وباوعت نوارس لعيون زهراء.. وزهراء باوعت لعيون نوارس... والموجودين بلگعده كلهم گامو ايباوعون لعيون نوارس وزهراء...
-اي يعمي يريسان كلهن اعيونهن زرگ ابلون البحر..
-اي .. ابلون البحر... وبلون السما.. حتى البصوره الموجوده وياك هم لون اعيونه مثل نوارس وزهراء... زرگ....
-اي ريسان... افتهمت... ماما حوري العدنه اعيونه
خضر... والعيون ما يتغير لونه حته لو مرت السنين
-صحيح عصام... هذا الي اقصده... وثاني شي عمي صگر ما امصدگ حوري عدله لان اتاكد من موتة حوري... وفتح گبره وحلل مثل ما، سولفلنه...
مو بس اخذ كلام حمزيه وصدگ بيه.. صحيح عمي صگر...
-صحيح كلامك يريسان....
-لعد هاي الي ابيتنه ام اعيون الخضر منو اذا هي مو حوري مرتك.... عمي صگر .. وشلون عرفت اسمك وقصتك ويه حوري وسولفته الابويه گبل وهسه النه هم سولفته.... وزهراء الجابته وياه عمره
يوم بت منو... بته... هي... بس منو ابوه اذا هي مو مرتك حوري...يعني زهراء مو بتك... اذا هاي حوري مو... مرتك...
-يبووووو... يعمي.. ي ريسان بعدني ما فرحت... وتوني كلمة بابه من حلگه سمعته... لا... اتضيع فرحتي... وگلبي يگلي زهراء بتي.... بتي.... بتي
...😣😣😣😣😣😣😣😣😣😣😣
أنت تقرأ
نوارس الباديه ياهو ..للكاتبه ام رحيل ...ع م
Literatura Femininaكلمة... ياهو.. يستعملها اهل الباديه... ينادون بها من بعيد لمن الواحد ايدور على الثاني ....... فتاة من الباديه ومهندس ري ... اتعارفوا من همه ازغار... وفرقتهم باديات العراق... هو ابن حظر وهيه بدويه.. راعية اغنام... بس الحب.. مايعرف... لاراعي ولا ابن...
