للكاتبه ام رحيل ...ع م
-اگلچ ام حمدان اريد اطلع جنسيه ال نوارس، اشوگت يجي ابو نوارس من صيد الطير والسمچ..
اشو بوطه هاي المره صارله فوگ الست اشهر ما اجه شنهي السالفه....
-هاااا... هاااا... مدري شگلك ي صگر...
-گولي شسالفه ي ام حمدان احچي اشوفچ تتلعثمين
شكو....
-والله يصگر ما اگلك غير.. وصلني خبر من البصره... ذوله اليسموهم شرطة النهر.. اليطلعون الغرگانين
-اي اشبيهم.... اشگالولچ...
-گالو... بحر وجماعته الصياده طلعو ابمركبهم للبحر الغميج واچتهم سوره چبيره لفت مركبهم وبلعته وبعدين ما شفنه ولا واحد منهم... وظلو يدورون عليهم
البحاره وشرطة النهر... وماكو اثر الهم... وچابولي هاي الورگه وفليساته وچنسيته... هذني واني سكتت
لن خفت من اخته ام اهديل لا تطمع ابحلال اخوه هي واولاده حنيظل وعساف...
-يعني انتي هسه ارمله ونوارس يتيمه... وانتي ولية امره...
-لا تنسه عمته ام اهديل... واني مرت ابوه..
-اي... اي لايهمچ ام اهديل ابجيبي... وين الجنسيه والورگه الچابوه الچ الشرطه...
وراحت ام حمدان وجابتهن... ال صگر..
-هذني ي صگر...
واخذهن صگر ...وقراهن...
-هاي شهادة وفاة بحر سلمان السلطان... اموقعه من الشرطه ومصدقه من مركز المفقودين ...بلبصره ....صارله سبع تشهر... زين اخذه واخذ الجنسيه مالت ابوه واطلعله جنسيه ونتزوج بعد عليمن متوخرين احنه...
-ابكيفك يصگر بس اگول اعليمن تاخذ اهديل
هاي هم چاهله وما تعرف... شوفلك وحده چبيره ومعدله وي نوارس،... موش احسلك...
-ام حمدان... عدچ اولاد وبنات ربيهم واني شتردين افلوس انطيچ... واگلچ خلي سالفة موتة بحر ما تعرف بيه ام اهديل تره اولاده ينهبون الحلال كله ونوارس ياخذوه منچ والخير يندار منچ الهم....
-ها اااا يبو اصبيح.. اني ما اگصد شي... بالك راح لبعيد
اني ما اگصد على روحي... اگصد على، خمايل بت عطشه منوره وتعرف اتفك الخط، وتحسب وتخيط،
وترملت وما عده افروخ ولسه عمره سبعطعش سنه
-اي. اخذيه عود ل ابنچ حمدان تعقله وتشتغل وتوکله
تفيده اخير مني.... يله اني رايح... اطلع جنسيه النوارس...
-هااا عمي ابو اصبيح اشلونك... اشوگت اتسجلني بلمدرسه... موش المدارس راح تبدي، تكول زهراء
-هاااا..هله ينوارس اني هسه راح اروح عدي معارف وراح ايطلعولچ جنسيه وادور اسجلچ.
-نوارس.... نوارس... اخميسه همين... حبابه... حبابه
-اشبيه اخميسه... شتريد، اتبسبس بذانچ، وتجر بيچ.
-هاااا عمي ابو اصبيح اتريد هم اتطلعله جنسيه وتسجله وياي لن اني، اخاف اروح وحدي للمدرسه عفيه عمي، سجله وياي...
-زين راح اخلي، صاحبي...،كمال ... مصور يجي وياخذلجن صور واطلع الچ ول اخميسه... جناسي واسجلچن... بعد شتريد نوارس،
-لا.. لا... نوارس.. اخلاص.. گليله موش اخميسه
-اي.. اي.. عرفت لا تسحلين بيه..
-هاااا بعد شتريد منچ اخميسه..
-ها.. عمي ابو صبيح اتريد اسمه ايصير اخلاص موش اخميسه... لن اخميسه مو حلو والبنات يضحكن اعليه بلمدرسه...
-هههههعه... هههههه. ولچ اخميسه تردين اتصيرين اخلاص ادور... والله خوش اتفكرين هم تدرسين وهم اسمچ اتغيرين.. هههههههه... زين ي اخلاص بحر..
-يع ولچ اخميسه اشبيه اسمچ يمدهوره ما عاجبچ
-اي ما عاجبني... شنو منحلاته ويعجبني چنه اسم الشواذي والحواوين...
-يا ولچ... چا شنهي الدور اعلينه اخلاص... امين تخلصين....
-من احساب البعارير... وادور احسب علصبوره هيچ اتگول زهراء...
-وهاي مني زهراء التحچن عنه انتي ونوارس..
-هاااا لا هاي ابنيه من القريه البصفنه تروح يوميه للمدرسه وانشوفه ونسعله وتگلنه...
-هااا نوارس، بعد تردين شي گبل لا اروح.
-لا يعمي ابو اصبيح الله يخليك النه..
-نوارس... اهدوم... نوارس... شرطان...
-اشبيچ اخميسه گولي لاتلبدين وره نوارس وتحچين
شكو ياهدوم.... ياشرطان..
-ها عمي ابو اصبيح للمدرسه...
-اي ينوارس اني انطي ل ام حمدان وتجيبلج الترديه
-وانه اخميسه ...وياه. وياه..
-وانتي هم ي اخلاص اخميسه ذيل امچلب وراه
يله اني، رايح والعرس يوم الخميس.الجاي...
ومشه ابو صبيح....وخله حمزيه تطحن ابروحه من جوه الجوه ونوارس واخلاص اخميسه ..فاتن الخيمتهن يحلمن بلمدرسه او وحده تحلم بلگلله اميرة الباديه.... والثانيه بلگلله باي باي، خموستي وتگول ابنفسه... شو گمت احس اسمي حلو...
... ......
اليوم الخميس والعرس داير والهوسه، ابكل اخيام، البدو.. لن، العرس مو واحد العرس اثنين... نوارس واهديل عرايس ينزفن اليوم البيت صگر...
-يمه اهديل خلصتي الزفه والهودچ راح يوصل...
-يمه اني گتلچ ما ارکب عل بعير اخاف منه اريد اركب عل فرس مثل نوارس، احسن من البعير مو اني هم عروس مثله.... لو هيه احسن مني..
-شوفي ي اهديل اني امچ واخذي نصيحتي وحطيه ترچيه بذنچ... اذا ردتي تفرحين ابعرسچ وتخلفين اولاد من صگر.. لا تحطين نوارس ابالچ شريچه الچ
اعتبريه بته الزغيره موش مرته.. تره هو ماخذچ علمود تداريه وتخدميه.. ولو ما يدري اني وياج نحبه چي بت اخوي بحر چا ما خطبچ واكو بلديره بنات ازين منچ.... حتى حمزيه حاده اسنونه
عليه...
-يع چا وهيه بته اخميسه لا حلوه مثل نوارس ولاچبيره..
-ولچ يعوبه فكي راسچ هذا وصيري، فهيمه.. اخميسه شنهي.. ولچ احميزيه اتريده الروحه...
-يمه ههههههه... چا وخالي بحر وين توديه شنهي هي ازلمه وتاخذ اثنين ههههههه...
-ولچ اهديل خالچ بحر من سبع تشهر مات وشبع موت وهي هسه ارمله مو صاحبة رجل.... افهمي
واسمعي وحطي ابالچ شريچتچ مو نوارس شريچتچ
احميزيه... وهي موش اگليله وسحره ما تسويه غير بعظام الموته وما تشده غير برجلين الطير... حتى لا يضل ابمكان ولا يگدر يفكه لا ساحر ولا چان.. يضل يطير الطير لمن تاكله العجبان ويصير ابطنه ويندار من حيوان لحيوان..... وما يبطل سحره الا تكمشين ذاك الحيوان وتطلعين السحر من بطنه.... وهذا شي من سابع محال.
-يمه خوفتيني.... وبليلة عرسي شچاچ.. ي ام اهديل
-اي حته تحرصين على روحچ وعلى صگر من سحره
ولو اني شاكه انو يعرف كل بلاويه وعمايله واذا هي،
بيبيته رازانه سحارة الباديه ام عمرين الي مر اعليه زمان وزمان ولسه الموت ما اجاه... تره هو صگر االباديه خبر كل اعلومه وايحاره... صگر.. حكيم
ما تخفه عليه حتى ارماله... حطي نوارس بعيونچ يحبچ وينطيچ الترديه وتتمنيه...عاديه واكرهيه... تلگين روحچ راده يمي اهديل المطلگه.. والخير ال اجه لخوتچ والچ كله يضيع بين ارمال هاي
الباديه... عرفتي.. وسمعتي ي اهديل
-اي يمه عرفت وسمعت
-يله عدلي روحچ وصيري احله عروس اليوم ال صگر
أنت تقرأ
نوارس الباديه ياهو ..للكاتبه ام رحيل ...ع م
Literatura Femininaكلمة... ياهو.. يستعملها اهل الباديه... ينادون بها من بعيد لمن الواحد ايدور على الثاني ....... فتاة من الباديه ومهندس ري ... اتعارفوا من همه ازغار... وفرقتهم باديات العراق... هو ابن حظر وهيه بدويه.. راعية اغنام... بس الحب.. مايعرف... لاراعي ولا ابن...
