نوارس الباديه ياهو ..للكاتبه ام رحيل ...ع م

نوارس الباديه....ياهو بارت 13💕

للكاتبه ام رحيل ...ع م
رجع ريسان وعصام.. وياهم زلم القريه... الى بيوتهم بعد ان امنو على صگر ونوارس... يمشون ابطريقهم للقصر وراهم يمشون منصور وابومنصور... ساكتين بس كلمن ابراسه كلام اهواي ايريد ايگوله للثاني ومايعرف اشلون ومين يبدي... والطريق گام يطوي ابسرعه ابين رجليهم واول مره ايشوفونه اگصير وراح يوصلون ابسرعه للقصر ابدون ما يحجون اي كلمه... وراهم منصور وابوه يمشون هم ساكتين
وفجئه قطع السكوت ريسان...
-منصور انت وعمي روحو گدامنه احنه اشويه ولاحگيكم... روحو انتم تعبتو اليوم اهواي ويانه وعرضتم روحكم للموت.. واحنه نشكركم اهواي عمي ابو منصور.. 
-لا اوليدي ريسان هذه واجبنه... يله احنه رايحين گدامكم..... وراح ابو منصور وابنه للقصر وريسان
وعصام گعدو ابحديقة القصر ...

-تذكر عصام هذا المكان الگاعدين بيه هسه...
-اي ...ريسان اذكر واعرف شتريد اتگول ...هذا المكان الهديت بيه الچلاب  على نوارس...ونفس المكان الهديت بيه بلتوثيه عليه...
-اي... عصام  وهسه فاجئتني ابحبك اله وانت تدري اني احبه وهي هم اتحبني من ذاك اليوم لا وبعد اتروحله وتغازله وتحبه وتكتب عهد وياه من وراي وبدون ما هي تدري انك عصام ...
-شوف ريسان... هذا شي صار ومن اسنين لا هو ابارادتك ولا ابارادتي... وما حسيت على روحي الا واني هم احبه والچنت اتصوره كره چبير اله... طلع
حب چبير من اول ما شفته... وخفت منه واستنکفت على روحي احب راعية غنم... بس رغم كل السويته وياهه
ما گدرت اغير الشي الي ابداخلي تجاه نوارس...
واني صريح وياك.. راح احاول ابكل طريقه اخليه تختارني... وانت هم حاول والكلام الاخير يبقه اله
وخاصه بعد ما طلعت بت عمنه صگر...
-ويجوز ما تطلع بت صگر وتطلع بت بحر وجميله...
-ريسان حتى لو تطلع ماله لا اب ولا ام هذا ما راح
ايغير من حبي اله اي شي.. ومع ذالك اني چنت عادل وياك وما راسلته طول هاي السنين وهم ما خليت رسايلك توصل اله وخليته على ذكره
وحده وياي وهي ذكرياته واحنه نكتب عهد الدم...
وانت ذكرياته اهوي وياك... وما عدي وياه غير فرصه وحده وانت فرصك اهواي وياه... لاتحمل عليه حقد وتگول اخويه غدر بيه هذا لا ابئيدي ولا ابئيدك...
والزمن راح يحكم واني قابل ابحكمه... وانت هم لازم تقبل ريسان...
-انت شوشت كل افكاره وذكرياته عني وخليت كلشي يختلط عده واني ما اعرف انت اشسويت وياه وشنو نوع هاي الذكريات الحطيته ابعقله وبگلبه... اباوع اله اشوفه تايه وعيونه ما اتباوع بعيوني.. ما ادري
خايفه لو مستحيه... لو شي ثاني انزرع ابداخله...
جديد عليه وخايفه منه... عصام احنه اخوه وتوم
ولازم الواحد منعدنه ايحس ابعذاب الثاني وبمشاعره
بس انت اتسوي العكس.. اتحاول تسرق كلشي حلو اريده.. واحبه ابحياتي...
-ريسان.... هذا الحچي والعتاب ما يفيد هذا شي لا ابارادتي ولا ابارادتك... خليه هي الي اتقرر واني راضي اتحمل عذابي واسكت... اذا اختارتك... وانت لازم اتسوي نفس الشي اذا اختارتني...
-عصام هذا بعيد عنك وما تشوفه حتى بلحلم...
وراح اسوي كلشي حتى اوخر السحر الي سوتلكياه
حمزيه...
-هههههههه... ههههههه.. ريسان انت اتصدگ هذا الحچي.. اني دكتور ما اصدگ ابهاي السوالف... بس
نوارس اتصدگ بيه واني هذا من مصلحتي.. وطريقي حتى اوصل الگلبه..  
-لعد اذا ما امصدگ ليش سويته انت وحمزيه...
-ريسان... انت تسئلني على شي اصورته صحيح وحقيقي واني ابعمر اخمسطعش سنه... وچنت عاشگ ويائس ومراهق ايصدگ ابكلشي... وهسه اني دكتور وبعمر سبعه وعشرين سنه... بس لسه عاشگ
واگثر من الاول بعد ما شفته اشلون صارت واتغيرت
لا ..وطلعت بت عمي مثل ما اتمنيت...
-من ايگول بت عمك واذا طلعت مو بت صگر.. ها ايروح حبك اله...
-لا ليش ايروح اذا مو بت عمي صگر راح تطلع بت جميله اخت حوري مرت عمي.. يعني هم گرايب
هههههههه... هههههههه
-عصام انت اتريد اتخبلني..
-ريسان گوم اشوف ضوه غرفة ابويه لسه امضوي
گوم خاف ناكل رزاله... والصباح رباح.. هههههه... هههه
وگام عصام وهو يمزمز ويضحك... وريسان يمشي وراه ويريد ينفجر من الغيض.....
.....     وهناك بلقصر حوري وخالد عايشين ليلة عرسهم بعد ما صار عمر خالد سبعه وخمسين سنه
وعمر حوري اثمانيه وتلاثين سنه....
-خالد اليوم احلى يوم عشته ابحياتي... اتمنيته من اسنين وتوني حصلت عليه... چنت ناقمه. على الدنيا وعلى الباديه واهله... وحتى عليك بس اليوم انت وخرت كل عذاب السنين . خالد ابسكوتك وتجاهلك الي ...خليتني اتحول الى انسانه حاقده على كل البشر...
-حوريتي.. بس لوم وعتاب... انسي الالم وتخيلي اليوم التقينه واليوم اتزوجنه....
-لالا.. خالد، اليوم التقينه واليوم اتزوجنه ما ترهم
-وليش ما ترحم حبيبتي كلشي ابكيفنه واحنه انرهمه
-لا... نسيت من التقينه... ضلينه سنه گبل ما نتزوج
لمن فكرنه زهراء ما عده جنسيه وصار عمره سنه
وما عندي عقد يثبت زواجي من صگر بس كلام الشيخ  غازي لمن رحتله على عقد زواج ينطيه الك يثبت اني وصگر متزوجين... وهو گالك
-ابني احنه اهنا بلباديه نعقد زواجنه مثل ما چان الرسول عليه الصلاة والسلام زواجنه. على السانه
انگوله وگدام شهود ..واشهار الزواج بين الناس واذا ردت عقد زواج حتى اتطلع جناسي الجهالك اتروح للمحكمه وتقدم طلب وهمه يعرفون عادات زواج اهل الباديه.. ويطلعولك عقد وادور اتطلع جناسي...
-ياشيخ بس اخوي متوفي واني اريد اطلع جنسيه البته...
-ابني ماطول اخوك مات السالفه اشويه صعبه واجراءات الحكومه اتريدله نفس مو مثلنه عايشين تحت خيمته الزرگه ونتنطر رحمته... ابني انصحك اتلم لحمك وتستر عليهن... بت اخوك ومرته...
-اشتقصد يشيخ غازي.. كلامك الغاز ما افتهمه..
-انتم. يلحضر ...يگلون عليكم متعلمين ومتنورين...
وتلگفوه وهي طايره... ابني خالد تزوج مرت اخوك
وطلع عقد اصولي وادور بعد تسع لو عشر تشهر طلع
جنسيه للبت بسمك وانت مو غريب انت عمه وهي دمك ولحمك وتنتهي مشكلتك..
-بس يشيخ الطفله عمره سنه وبعد تبقه سنه ايصير عمره سنتين.. اشلون انگول توه انولدت...
-هههههه.. هههههه عمي شجاك.. انت موش اتگول انت دكتور... اشو امسويه گلش.. ورقه من المستشفى التشتغل بيه.. هاي التسموه... استبيان للطفل..
-اي شيخ تقصد بيان
-اي بيان....  يكتبون اسمه واسمك الابو وعمره توه مولوده.... ومنو يشوفه ويعرف اشگد عمره وخلي عمره يزغر سنتين يگولون النساوين عدكم بلحظر يزغرن بعمارهن وهي اجته من الله  على الله والعمره سنتين يصير عمره يوم وربعك يخدموك ابهاي المسئله.. وابوك الله يرحمه وتنتهي السالفه چا اني اعلمك يدكتور...
-لالا... افتهمت يشيخ رحمله والديك...
-ولمن اجينه من لم الشيخ ادور اتزوجنه وبعد سنه طلعنه جنسيه الزهراء... يعني التقينه گبل سنه واليوم زواجنه... مو مثل ما اتگول التقينه اليوم واليوم اتزوجنه...
-حوريتي ولا يهمچ  ومثل ما تردين وتگولين بس تعاي خليني اشوف خليني اسمع  تره اني چنت اعمى
عن هذا الجمال ابحظني وما اجره واحظنه... وجره خالد الحظنه وحوري ردت ابنيه بت سطعش سنه وما ينسمع منه ومن خالد غير الضحك..
هههههههه... هههههههه...
وفات ريسان وعصام للبيت وتلگتهم اختهم زهراء... لو انگول بت عمهم...
-هاااا. ...ريسان اشلونه نوارس خو ما اتئذت  اشلونه زينه...
-اي زهراء زينه  كاشي ماكو انتي ليش لسه ما نايمه وراچ كليه الصبح...
-اعرف بس شسوي كلما اريد انام... اسمع بابه ونامه يتعاكون ابسببكم... ليش خليتهم ايطلعون وانت ما تسمع كلامي وتسمع بس كلام ريسان وعصام واني كلامي مو مهم... ومن هذا الحچي... واشويه سكتو
واتصالحو وفاتو الغرفتهم... وگلت اي راح انام بعد ما يتعاركون... وشويه وبعدني توني غمظت اعيوني
واسمع الضحكات ...ومدام حوري تدهده، بلضحك عبالك ما شايفه خالد من گبل وتوه شافته وتدلل عليه... اصلن اني راح انقل غراضي من يم غرفتهم واروح انام بلغرفه اليم ريسان... احسن الي حتى ايضلون على راحتهم....
-يا..... راحتهم الا اسويلهم طابور ازعاچ صارو شياب وبعدهم ما عقلو ميزوجون ولدهم المگاريد الي راح يصيرون شياب من القهر والحرمان...
-لابله.. هذا الحچي طالع من عصام لو اني مشتبه
مو انت الي اتگول الحب والزواج مذله للرجال
-اي... واني بعدني عد كلامي وما غيرته... شوفي اشلون دكتور خالد ابعظمته مذلول ويحرمص المدام.
حوري... هذا اكبر دليل على حجيي...
-انت ابو السان عليمن تحچي منو هذا المذلول

-المدام حوري... خلي الكلام محدد... اني گلت مذلول المدام حوري... ها... ماما حوري گلامي مو صحيح.
-لا هي مو مسئلة مذلول... لان بلحب ماكو مذله... دكتور عصام...
-ماما.. حوريتي... الحب هو اصل المذله... واني اگلچ واشجعچ... اتذليه للدكتور خالد الگلبه كونكريت مسلح..... حتى ايحن على ولده لي راح ايفوتهم قطار، الزواج وهو  امسوي نفسه ما يدري.. 

-هااااا... ريسان اشو صافن بيمن اتفكر....وعايف اللغوه
كله ال عصام.. يگلون الدكاتره ما يحبون الحچي.. والمهندسين همه اهل المشاريع والكلام الهواي بس اليوم انشوف السالفه بلمگلوب... هاااا..  خير ريسان
-لا ماكو شي بس اشويه حاير وعقلي واگف ما يرضه يشتغل... لان المشاكل من تجي تجي فد مره  وتوگع علراس فد وگعه...
-خير خو ما صار عد ذوله العرب الرحتو اتشوفون شي مو زين... وعرفتو شنو هذا صوت الطلقات عدهم.
-لا لا... يدكتره  ريسان  اشويه، تعبان من مشاكل عرب الباديه... ماكو شي كلشي انحل وتمام...
-عصام كافي عاد بس خليني احچي واسئل ابويه عن اشياء اريد اعرفه هسه...
-ابكيفك بس عمو الباديه گال خلو الحچي البعدين مو هسه... منا لمن ايگلنه هو... مو هيچ الاتفاق
-عصام اني اعرف قصدك والاريد اعرفه ماله شغل باهل الباديه ولا الساكنين بيه اله علاقه ابيتنه احنه...
-ابكيفك ريسان اني العليه ذكرتك وحفضت وعدي ويه عمو الباديه...
-هاي اشبيكم  تحچون بلالغاز... انت وعصام شنو عمو الباديه... وشنو وعدك اله... فهموني..
-بابه ارجوك  عيفك من كلام عصام ..اني عدي اسئله
امحيرتني اريد اعرفه... ممكن لو لا...
-طبعن ريسان اسئل.. الي اتريده..
-ماما حوري منو اهله... وزهراء منو ابوه.. 
-ريسان هذا الحچي اول مره اسمعه منك شنو الصار
وشسامع حتى تسئل هاي الاسئله...
-بابه ريسان عده حق واحنه من حقنه نعرف.... چان عمرنه خمس اسنين صحيح چنه ازغار وما نذكر زين
بس الي انذكره انو ماما حوري اجتي وره ما ماتت امنه... وچان وياه طفله... الي هي اختنه زهراء صحيح... 
-صحيح ماما كلام عصام وريسان...
-ماما زهراء...الكلام مو صحيح احنه من اتزوجنه صارلنه تسعطعش سنه.. وانتي هسه عمرچ اثمنطعش سنه
ويه سنة الحباله ايصير تسعطعش سنه... وريسان وعصام چانو ازغار واختلطت عليهم الامور.. واتصورو انتي چنتي مولوده اول ما اتزوجنه.. وهذا شلون ايصير... بس ابحلام الاطفال...
.....         😥😥😥😥😥😥........