للكاتبه ام رحيل ...ع م
فاتت نوارس الخيمتهم بعد ما روحت الحلال ابمكانهن.وغسلت ايده وخذت گرصة خبز تاگل بيه
لن الجوع والخوف الشافته اليوم خله جسمه يرجف
-ولچ نوارس هذا، اميلچ الثوب... منهو الضحك عليچ
وانطاچ هذا الثوب....يسايبه..
-اني مو سايبه.. انتي مو تگلين اسرحي ابحلال ابوچ
واني اسرح بلحلال فاتت الغنم الگاع الدكتور خالد
وابنهم الوگح شته عليه الچلاب... وثوبي انشگ
.....وابوهم گال البته.. انطيه من اثيابچ وهي
انطتنياه... وگالت اذا تردين انطيچ بعد
بس اني خفت من امه ....مو حبابه وخفت ما تقبل
وما اخذت بعد ثوب..
-ولچ يغبره ما اخذتيلچ ذهبه... شنو قيمة الجرود...
-لا يايمه... ترديني ابوگ...
-اي بوگي شنو قابل انتي اميره.. انتي راعية غنم بت راعي غنم..
-اي بس شريف مو حرامي...
-هاااا وتردين عليه... تعاي انزعي هذا الثوب ما يلوگ
الچ خل ابنيتي اخميسه .تلبسه ايلوگ اله وعلى كده...
-والله ما انزعه هذا ثوبي ما انطيه...
-اگلج انزعيه... لا املخچ واملخ الثوب عليچ...
-ما انزعه... خل يجي ابوي واگله... تبسطني وتسرحني بلحلال وابنه حمدان بس ياكل وينام..
-هااا وطالعه عينچ وتراددين هذا الثوب شككته واظلوعچ راح اكسرهن.. طاگ... طاگ... طاگ...
-اخ... اخخخخخخ. بويه الحگلي... اخخخخخ. يمه
تعاليلي. طاگ..... طاگ.... اهي... اهي... 😂😂
ونامت نوارس على الحصير بلايه عشه والخبزه خذته من اديه واللگمه طاحت من حلگه وتمرغلت بتراب الصحره ونامت وثوبه امشگگ عليه والدموع تارسه مخدته...
.............
-اگعدي... نوارس اگعدي يمصخمه ابوچ تاچر لو صاحب گيعان... ولسه نايمه... ولچ طلعت الشمس. الموت ما اخذچ وره امچ وخلصت منچ.... والله والثلاثه اسم الله چايتچ احط اصابعي بعيونج الزرگ
وافگسهن... اگعدي اگلچ اگعدي...
-هاي اشبيه شو اهزه وما تگعد... بس لا ماتت يا شيخلصني من ابوه... هذا امخبل ويسمع كلام خواته
المگمعات... اگلچ نوارس... اگعدي،... هاي امصخنه وشابه نار من الصخونه.......... اروح اصيح عطار الباديه ابو اصبيح...
ورگضت حمزيه بره الخيمه النايمه بيه نوارس
للعطار.. ولچ خيه ام اهديل هاي البت صايبته اصخونه ما ترحين يمهه على ما اچيب العطار ايشوف اشبيه
-يع خيه اشبيه اليتميه اشصابه من مرض يا ول المگروده.. النهار کله تسرح بلحلال وتدگه اشموس ديرة الله كله.. وماتحچي ولا تگول احا...
-اگلچ خيه چا اني امسرحته ابحلال ابوي موش
حلال ابوه چا من يسرح بيه غيره..
-ليش چا وابنچ حمدان موش اگبر منه.ووليد شاگ جلده موش عمره ارباطعش سنه وهي اشصار عمره عشر اسنين لو اقل...
-چا ابني شله شغل بلحلال ........ ام اهديل چا هوحلال ابو.. لو حلال ابوه.
-لا .... موش حلال ابوه لان هو ابن رچلچ الاولي الله يرحمه... هم چان خوش رجال... ظل يشتغل حمال بلمدينه ...ويجيبلچ افلوس وانتي تگنزين ذهب... وفضه... ذهب وفضه.. لمن سافت ارگبه.. ومات محموم...
-اگلچ ام اهديل ..لا ترحين يمهه... وشيصير اعليه منا لمن اجيبله العطار... هذا ال احصله من السوالف ويه نسوان المفگره.
-اوه امداچ يلعايبه ام الاسحار اني فگر... بس رايحتله اعلموده مو علمودچ
-خوش ي ام اهد..... يل... روحيله مو گنالچ من الاول
ول.. يچلب الاجرب.. ول.. زل عني اگلك لا تلحگني الله بلاني ابنوارس وچلبه الاجرب وعمته المفگره
وراحت حمزيه مرت ابوه ...للعطار بطرف الحماد الجريب من قرية السوالم
وام اهديل بطلت من رحوته الترس الماي من بير ابو اصبيح العطار... حفر هذا البير وبنى بيت من الحجر واستقر بطراف عرب البدو...
-يبو اصبيح ...تعال هاي البت محمومه وماترضه تڭعد من الحمه...
-هه عميتي عليه تسرحيه بلغنم بلباديه وديار الحظر... ما خليتي عليه مچان ما وچهتيه اله..
-ديله يبو اصبيح انت فگر من حطيت عينك عليه
لليوم.. تمرضت..
-ما گتلچ زفيه الي واني اهنيه واترس اجيوبچ افلوس وذهب...
-دهرك يبو اصبيح الفرخه زغيره... توه عشر اسنين
غير الديره تاگل وچهي... واذا اخذته منهو يسرح بلحلال...
- هاااااا گولي هيچ حاطته راعيه تسرحلچ بلحلال ما تسرحين بلحلال انتي لو ابنچ حمدان... احسن من تطرحه بفياي الخيم وچرشته نايمه اعله گلبه....
يله... همي.... انشوف اشصابه وشجراله... منچ...
ومشه ابو اصبيح چنه رمح ولفحة الباديه خذت بياض وجه وبدلته سمار... ويه ام حمدان
..... ........
أنت تقرأ
نوارس الباديه ياهو ..للكاتبه ام رحيل ...ع م
ChickLitكلمة... ياهو.. يستعملها اهل الباديه... ينادون بها من بعيد لمن الواحد ايدور على الثاني ....... فتاة من الباديه ومهندس ري ... اتعارفوا من همه ازغار... وفرقتهم باديات العراق... هو ابن حظر وهيه بدويه.. راعية اغنام... بس الحب.. مايعرف... لاراعي ولا ابن...
