نوارس الباديه ياهو ..للكاتبه ام رحيل ...ع م

نوارس الباديه....ياهو بارت 11💕

للكاتبه ام رحيل ...ع م
 
. وبيوم قررت الم اهدومي واطلع من البيت وامر على صديقي كمال اخذ افلوسي وسندات الاراضي ورثي من امي الضميتهن عده قبل مده.... چان ابويه امدبر الي امر ما چنت حاطه ابالي ولا بحسابي...
واذا سيارة المستشفى واگفه بلباب وياه اتلث زلم جتفوني  وظربوني ابرة تخدير... وما فزيت الا واني ابمستشفى المجانين مربوط ابسنسله ما اگدر امشي غير متر خارج سريري...
وما اطول عليكم سالفتي... اجه ابوي للمستشفى وگالي...
-شوف صگر هذا البراسك اتشيله وهاي الحوريه البدويه تنساه واني خطبتلك بت دكتور عقيل مدير هاي المستشفى... اني وياه بيه شراكه ولازم اتصير انت وبته هم شراكه ابيناتكم بلزواج حتى تلزم المستشفى انت امكاني وهي امكان ابوه... اشگلت.. اذا اقبلت اطلعك هسه وياي واذا رفضت اتظل امخبل منا لمن اتموت اشرفلي ما تاخذ البدويه الغنامه....
-خليني اموت ولا تحسب عدك ولد ولا احسب روحي عدي ابو.... وعيفني اطلع واني كلشي ما اريد، منك... وعدك خالد دكتور ويکمشلك هاي المستشفى...
-ولك. خالد متزوج... اگلك تتزوج بته شنو خالد..
-هذا ما يصير حتى لو اظل طول عمري، امخبل ومحبوس ابهاي المستشفى...
-لعد موت ي صگر فطيس ابهاي المكان ولا اطلعك منه.... وعافني وطلع وما باوع وراه....
وظليت ويه المخابيل وردت اصير مخبل مثلهم من کثر ما اشوف من اخبالاتهم.... ظليت اربع تشهر سمعت انو مرت اخوي خالد اتوفت ابغرفة العمليات بعد ما حاول خالد يزرعله گلب جديد  بس العمليه ما نجحت.... وچان ابويه ايحبه المرت اخوي خالد كلش اهواي لانه بت اخوه وهو الرباه مثل بته وازيد بعد ما مات اخوه وتركه طفله عمره اربع اسنين  رباهه واتعلق بيه ....ولمن اتوفت چانت اله صدمه چبيره ما گدر يتحمله وصارت عده جلطه وانشل لا يحجي ولا يگدر  ايگوم  والجان حاكم وجبار   صار ميت اكثر ما هو حي... وبهاي المده چان صديقي كمال يرشي الممرضين بلفلوس ويدخل الي بدون ما يدري احد... وبيوم وره ما مر اربع تشهر جان وياي مسجون خطر دايمن يشرد ويحاول يحرگ المكان الهو بيه وبذاك اليوم اجه كمال... وباگ الجگاير والشخاطه مالت كمال وشرد... واحنه ضحكنه وعفناه عبالنه ايريد يشرب جگاره...
وبلليل حرگ الجراجف والدواشگ مالت المرضه البلمستشفى وگب الحريق  وهجت المساجين وهذا المجنون الوياي بعد ما حرگ المستشفى گعد ابنص النار والنار اخذته وردت اطفيه بعد ما وگع بلگاع والنار گتلته.ذبيت عليه البطانيات والفراش وگدرت اطفيه ...بس النار حرگته وغيرت شكله
.. واجتي الفكره ابراسي اشلون اشرد ومحد ايدور عليه وينسوني...... نزعت ساعتي
وچانت غاليه ومحبس امي هدته الي ابعيد ميلادي العشرين ابنفس السنه الماتت بيه.وذبيت عليهن النار وطفيتهن.وبعد ما بردتهن بلماي لبستهن...ابئيد المخبل ..وشردت ويه المجانين الهاجين من المستشفى البيت صديقي كمال... والظاهر حيلتي نفعت والكل ظن المجنون المات... هو اني بعد ما تعرفو على ساعتي ومحبسي....
وهنا يبدي الفصل الثاني من قصتي...
اخذت كل الي املكه وهو اهواي من صديقي كمال ورجعت للباديه
الزوجتي حوري بس لمن وصلت العرب الشيخ حمدان
ما لگيتهم... وگالو بعد ما.. ماتت امه ....وابوه وره امه ابفتره هم مات.... وگعت ويلات الدهر کله على البنيه اليتيمه... رجله الحظري رجع للمدينه... والاخبار تگول انه تخبل ومات محروگ وابن عمه اجه واخذه وياه....
-وشنو اسم ابن عمه يشيخ. ...والله مدري يوليدي،
بس انت وين چنت كل هاي المده...
-السالفه طويله يشيخ واني حي لا متت ولا امخبل
گاعد گدامك... بس اريد اعرف وين اخذه ابن عمه وشنو اسمه...
-والله يوليدي... خليني اسئلك... يولد... يولد ..تعال اهنا.... ي صويلح
-نعم يشيخ امر...
-مو انت چنت تتعالج عد حوري بت العطار ابو صبيح
لمن رجليك انصدمت بلصخر ورادت اتخيس.والعطار
ابو شامان... ابعرب الدعوم... گالك لازم انگصه لو توصل الگلبك وتموت..
-اي يشيخ... يجازيه الله كل خير لو ماهي چا رجلي انگصت...
-اي وما تعرف شنهي اخباره... وين صارت...
-اي يشيخ اعرف كلشي عنه... جزاه الله كل الخير...
چانت تداويني مع انهه  مريضه ونحيله ودايخه... وسئلت امرتي تروح تشوفه خاف تريد وحده تخدمه...وتطبخ اله... ولمن راحت امرتي اله
گالتله انه مابيه شي وهيه حامل وهاي امور تصير الكل حرمه ابداية حمله...
وبعد ما مات ابوه وره امه الله يرحمهم... وبيوم اجه
ازلمه الهم وچانت حرمتي يمه تساعده علمود تردله الجميل... وسمعته تگله يبن عمي ما ادري وين صفه بيه الدهر راح يقدم دراسته بلكليه وبعد ما رجع وصار ثمن تشهر واني هسه  حبله بلشهر التاسع.
وابن عمه عافه وراح يسئل ابديرة رجله ولمن رجع   گال اله ان رجله چان مريض بلمستشفه وصار حريق ومات ويه اهواي مرضه ماتو...ومشت وياه الديرته
وگالت المرتي ...هي
راحت ويه ابن عمه بحر... بلباديه الغربيه لم قرية السوالم...
-اي عمي صگر ورحت وراه او وره ابوي بحر...
-اي ينوارس رحت وراهم وسئلت ودورت الباديه الغربيه كله واندليت ولمن وصلت وسئلت... لگيت ابوچ بحر بلبصره يشتغل بصيد، الطير والسمچ...
ولاگيت وجه الشوم حميزيه.... مرت بحر الثانيه الاخذه على جميله لن جميله تاخرت بلحباله وما خلفت... وحمزيه چانت ارمله اجتي هي وابنه شارده
من بادية الموصل... بعد ما تسببت ابموتة ابن شيخ عربهم الشيخ صرکال.... الوديت اله عساف ابيت الشعر اخبره عن مكان چتالة ابنه احميزيه.... من السحر السوته اله وظل مريض عليل لا هو للموت ولا هو للحيات لمن تمكن السحر منه وگتله
ولمن عرف الشيخ ان حمزيه الساحره الكاوليه.. امشربته سحر محبه حتى يعشگه وياخذه والسحر گلب اعليه وگتله... فزع الزلم ايريد دمه... وهجت شارده واجتي العرب ابوچ بحر ...واني عرفت اخباره
من مراسيل دزيتهم يسألون عنه ويجيبوله حلاله بلبوگه ويسئلون عن حبوبته ريزانه وين صارت... وهذا چان طلبه حتى تخبرني بخبار حوري وين صارت هي والي ابطنه...
-اي عمي صگر ولكيت حبوبتي ريزانه وحلاله...
-اي ي اخلاص... لگوه. شارده هي والحلال... وداخله
عد عرب الجبور ابادية الموصل الجنوبيه... وجابوه هي والحلال ال امچ احميزيه... وانطيتهم الفلوس
الي اتفقو عليه ويه حمزيه..
وسولفتلي حمزيه... سالفة مرتي حوري...
-اي عمه صگر وشسولفتلك حميزيه المكاره...
-عمه ام اهديل چنت اتمنه الگاچ انتي ابذاك الوگت واسئلچ... بس انتي ما چنتي ابعرب اخوچ بحر.. چنتي متزوچه وراحله ويه رچلچ ابو اهديل العربهم
ابادية الشام... وما تعرفين الصار ولمن توفه ابو اهديل ورديتي انتي، واولادچ... العرب اخوچ چان کلشي منتهي وبس حمزيه التعرف بيه....
-اي وشگلتلك حمزيه... على بت عمي حوري وين صارت...
-گالت... بعد ما ولدت جميله نوارس، صابته حمه النفاس وماتت... وبحر اخذ نوارس، الخالته وبيبيته
العرب الشيخ حمدان، يربنه... لن حمزيه چانت هم توه جايبه اخميسه ونفسه وما تگدر تربي اثنين...
لمن رجع بحر جاب وياه.. بت عمه... بعد ما لگه امه وابوه ميتين وچانت حوري حبله ابشهره.التاسع...
وگالي ان هي متزوجه ورجله مات وعافه حبله وما اله احد وجابه وياه... ولمن اجاه الطلگ ...چان بحر بلطير...
وما كو يمهم لا حكيم ولا عطار يعرف بلعشبه والحبوبه ام جدايل عده مطلگه ثانيه وراحت اله وظلت حوري تطلگ وحيده ما اله احد وعسرت ...وهي ماتت والطفل مات ابطنه... ونخت ازلام من العرب بعد ما غسلته ...يحفروله بطراف البيوت ويدفنوه وطفله ابطنه وياه... والي دفنوه.. ابو سرحان... وابوغالب..
ودلوني على گبره..
-عمي صگر وين گبره ...والطفل اوليد لو ابنيه ما
گلتلك حمزيه....
-ما ادري ينوارس... اوليد لو ابنيه... بس گبره اندله...
-وين ي صگر...
-اهديل... تذكرين لمن اجيت وره زواجنه ولگيتچ تحاولين تفكين قفل ذيچ الغرفه وصحت بيچ ومنعتچ
اتفتحيه وگتلچ بيه كل حلالي حافظي عليه ولا تخلين غيري احد يتگرب اله...
-اي يصگر... اذکر وگمت ما اخلي احد يتگرب البابه
لن بيه حلال رجلي ولازم احافظ عليه. مثل ما گتلي.. هاچ هذا المفتاح... افتحيه بعد اليوم ماكو اسرار ....
ياهديل... وگامت وفتحت قفل چبير على باب ذيچ الغرفه.... ودخلو للغرفه بيه افراش ابيض وسرير وعليه افراش من الستن الابيض وچنه غرفة عروس ابليلة عرسه... وهذا شنو... يا... شنو هذا... صدگ لو اعيوني يچذبن عليه.... هذا شنو يصگر ابنص بيتنه
هذاااا.؛... گبر،..... هذااأ... المن يصگر... واهديل بعد ماتعرف شتگول وشتحچي... وعيونه اتباوع الصگر
واندارت نوارس وريسان وعصام واخلاص... وقرو المكتوب على الگبر...
-هنا ترقد حوري خزاع ....وجنينها.... يا يمه هذا گبر خالتي حوري... وابنه...لو بته

-ماادري ي نوارس حوري ماتت وابنه لو بته مات وياه لو بعده عدل وحمزيه باعته لو تندله ما تگلي بس الجانت تداري حوريه مرت صويلح ...تگول حوريه چانت حاسه انو الي ابطنه ابنيه مو ولد من علامات عرفته اهواي عد النسوان الحبل التداويهن گلبي يگلي جابت ابنيه بعده عدله... وحمزيه اتجذب... ولمن گلتله اريد اتزوج نوارس چنت اريده ترفض وتگلي ما يصير تتزوجه... وبذيچ الساعه اعرف. نوارس بتي... بس حمزيه، قبلت....بس هم ظليت ابشك.. لن حمزيه ما، يهمه الابو يتزوج بته لن هي وابليس.... من طينه وحده... وظل الشك ابگلبي كل هاي السنين واليوم اتاگدت نوارس بتي مو بت بحر... لمن گامت اتصيح بلعرب... وعرفت من اول ما وافقت اتزوج نوارس، چانت تحفر بير هلاکي شويه... شويه....
-يعني عمي صگر... انت ابويه مو بحر... واخلاص اخميسه چان عده حق لمن گالت ليش ايسويلچ كل هذا ويصرف عليچ... من دون بنات الديره...
-اي نوارس لن چنت شاك انچ بتي...
-وجميله... وين بته
-ام اهديل.... بحر ما جان موجود طيلة السنه الا فتره گصيره يجي ويرد وماحظر جميله من جابت ولا من ماتت وحميزيه هي التڭول... هاي بت جميله ...وبحر لمن اجه لاشاف البت ولا سئل عنه لنه چان حزين على جميله وماراد ايشوف البت واعتبره وجه فگر على جميله ....ويمكن البت ماتت وره امه وبت حوري هيه الظلت ولنه ابلايه اب ...والام ماتت ..گالو هاي بت جميله وبحر.. حتى يوخرون العار عنه...
-يصگر عمه هذا الشي ما عندك دليل عليه انو نوارس بت حوري....
-لا عندي دليل... وطلع صگر صوره قديمه بيه صورته وهو شباب وياه .....نوارس ابنيه حلوه بت عشرين، سنه... شوفو... وفترت الصوره عليهم كلهم... وکلمن يشوفه يگول.... يا.... هاي نوارس  وهذا منو الوياه
بلصوره....
-هاي اني... بلصوره عمي صگر وهذا منو الوياي ما اعرف هذا، الشاب...
-هذا اني ينوارس... وهاي البصوره مو انتي... هاي حوري.. مرتي... شوفو اشلون کلكم گلتو... هاي نوارس....
وحمزيه تتلاعب بيه نوبه تكول ماتت ونوبه تگول ماادري الي تجيب تظل بطنه چبيره مده من الزمن
واني رحت ادور اله وحده تجيبه.. ولمن رديت لكيته ميته والدم داير مدايره... يمكن جابت،  او. واحد  مر ولگاه ميته ولگه الطفل واخذه... وبوگة الجهال عد البدو
صايره... وکلش اهواي...
والهذا السبب بنيت هذا البيت فوگ گبر حوري وسکنت اگبال حمزيه ونوارس وبحر ويم گبر حوري
وعفت الدنيا... وصرت، من اهلچ ياباديه....😔😔😔😔😔😔😔😔😔