.للكاتبه ام رحيل ...ع م
وگام حمدان وحضن امه وحضنته زفار وعيونه يجري منه الدمع...
-وهسه يحمزيه... الدور الي...
-لا يشيخ هدام اني لسه ما خلصت حچي وزفار يريد من حمزيه اثنين ويلاد شباب بعد ويه حمدان ....
-هااااا ي اميرة زفار، بعد شكو ...ابنچ واخذتيه
واذا عدكم ابقبيلتكم هيچ حكم تاخذون من الظلمكم ...امكان الواحد ثلاثه... احنه ماعدنه هيچ حكم... وانتي يزفار تمشين على حكمنه وعوايدنه... موش على حكمكم وعوايدكم...
- لا ياشيخ اني يمشي على عوايدكم ...واني الي اريده ...هذا الشي الناس كله تمشي عليه مو غريبه ولا عجيبه اريد،من حمزيه بعد شباب اثنين.... يشيخ هدام ....حمزيه مو بس حمدان اخذته مني... لا.لا يشيخ اخذتهم ولد اثنين مني... گوه وتهديد.. مو بس حمدان
اخذته مني...
-زفار بعد اميلچ ولد...اثنين ....سلمان ومات وعده بس حمدان وكلنه ندري بهل شي..
- ياشيخ ....اسمع انت وبعدين يحكم. على قصة زفار نوبيه حچي كله ما خلص وطلابتي ويه حمزيه... لسه بعده.. زفار تعذب
وصار ذليل اسنين طويله بعد ما چان اميره عزيزه والناس كله يحبه ويحترمه ابقبيلته وتحملت زفار عذاب كل هاي السنين علمود اولاده وعذابه اليوم لازم.... يشيخ هدام...
ينتهي وبعد زفار ما يتحمل ظلم
واولادي.. لازم يرجعون الي...
-زين كملي قصتچ يزفار... ي اميره زفار..
-الله يخليك يشيخ هدام..
. مات سلمان... وابني ما يرضه حمزيه ينطيه الي وحمدان ما يرضه بعد يرجع وگام يصيح حمزيه امي لان صار عمره خمس سنين... وحمزيه تگول هيه ما تحبه واذا ما اينفذ اني اله كل شي تريده مني.. راح تخليله سم بلاكل وتموته... واني گمت ينفذ اله كل شي حته حمدان يبقى ما يموت...
وشردت حمزيه واني گلبي مشه وراه ...لان حمدان ابني راح وياه وگمت اخدمه الحمزيه واسويله كل شي... حته تخليني اشوف حمدان ابني وهي تگله هاي خدامه نوبيه...
واجتي حمزيه الهذا العرب. وتزوجت بحر ..رجل جميله.... وتوسلت اصير اله خدامه وكلشي تريده اسويه بس ما رضت اعيش وياه ...واشترت هاي گاع بلقريه بفلوس اهواي ماعرفت ليس اشترت هاي ارض صحرا اول مره.. بعدين عرفت... ان هذا ممر مهربين يطلع ابهاي الگاع... وبنت بيت واگعدتني بيه... وگمت اشتغل.. واعالچ اهل قريه من لدغات.. حيات وعقارب.. تلدغهم لمن يشتغلون بالارض... وبلحجامه... والاعشاب
اعالچ كل مريض عدهم... وحبوني اهل قريه
وسموني... ريحانة سوالم ....لان يگولو دخلتي عليهم مثل مايهب.الهوى البارد... على هاي الباديه بلليل ...يرتاح الهواه التعبان ويبرد، الجسم العليل... وگام يصير عندي افلوس... من فلاحين... واني ما يقبل ياخذ منهم شي بس همه ما يرضون...
وگالت حمزيه لازم مااشوف حمدان الا من بعيد. بعيد
واني ساكت وراضي..
ويوم اجتي حمزيه وياه حبوبه ريزانه مريضه ويريد ايموت وخلته يمي ومشت... وما اجتي اله ولا شافته... وگمت اداويه واوكله... بس هي چانت عجوز مريضه ضعيفه... ويوم رادت اتموت ريزانه... وحمزيه مايجيه... وتوصي عليه واروح اله وهي ما يرضه يجي يشوف
حبوبه ريزانه...وگلتله حبوبه حمزيه مشغول ما يگدر يجي يشوفچ...
اني يمچ شيريد ايسويلچ... وبچت ريزانه
وگالت الله يعاقبني لان ساعدت حمزيه اتموت الناس
وتظلمهم... وراح اموت وحيده... محد يمي... بس زفار.... اسمعي راح ريزانه... يگلك شي
يساعدچ ويخليچ اقوى من حمزيه بس لازم انتي زفار.. تصبري... وتصبري.. لمن بعد ما ينفع الصبر... ذيچ الساعه تگدرين... تنفجري على حمزيه وتعاقبيه على كلشي سوت بيچ وتاخذين منه كل شي باگته حمزيه منچ
-شنو هاي شي حبوبه ريزانه...
-شوفي زفار... راح تروحين الحمزيه وتگولين
اله حبوبه ريزانه تريد تنطيچ ذهبه وتكلچ كلام يفيدچ... وهي تحب الذهب وراح تجي
وگبل ماتجي... طلعي يزفار من ذيج الصره
عبايه صوف ثخينه... وجيبيه...اهنا يمي
ورحت... يشيخ هدام.... وفتحت صره وطلعت عبايه صوف وسخه وثخينه وثگيله وگلت ابنفسي... هاي حبوبه ريزانه يريد ينطيني هاي عبايه صوف جرود ثگيله واني... چنت يلبس،
حرير يمن عد ابويه... هاي حبوبه ريزانه فقيره خطيه... راح اخذه منه ما يكسر اني خاطره
وجبت عبايه واجيت يم فراش حبوبه ريزانه
-هاي حبوبه عبايه وين اوديه..
-زفار باوعي للعبايه زين تلگيه امرگعه وصله ابصف وصله...والرگع من نفس الصوف باوعي زين وانتي تشوفين الخياط، وين..
-اي حبوبه هاي عبايه گلش قديمه... هاي اهواي بيه رگع..
-زفار... كل رگعه تلگيه شگيه... وطلعي الي تلگيه جواه.....
وگمت اشگ بلرگع وكل رگعه اشگه، يطلع امخيط وراه گلاده ذهب چبيره امخيطته زين حته ما تتحرك ويبين صوت الذهب من تلبسه... وخلصت الرگع بلعبايه... وصار عدي من الگلادات عشره
وصارت العبايه خفيفه...
-شوفي زفار ...شيلي ثوبي عن جسمي وحطي گلاده وحده على بطني وشديه ابذاك احزام الصوف حتى حمزيه
ما يشك ويگول وين چنتي ضامته... والتسع كلادات ضميهن تعيشين بيهن وما يحتاج انتي حمزيه... بلسنين الجايه...
وسويت مثل ما گالت حبوبه ريزانه... ورحت الحمزيه وگلت اله حبوبه ريزانه عده ذهب يريد ينطيه الچ ويوصيچ شي يفيدچ...
وگالت حمزيه... هي امنين عده بعد ذهب كله
انطته اليه... من زمان واني دورت اهدومه ومالگيت شي... وحمزيه ما رادت تچي ويايه
والخطه مال حبوبه ريزانه يفشل... وگمت گلت الحمزيه... اني راح يگلچ شي حته بعدين ما تگولين زفار نوبيه طماعه وخانت حمزيه
-اي گولي شنو هذا الشي يزفار التردين تگوليه...
-اني من يغسل الحبوبه ريزانه... اكو حزام من صوف شادته حبوبه على بطنه من انزعه عنه ايشوفه ثگيل... واخلص اسبحه وتگولي... رجعي شديه على بطن حبوبه ريزانه... واني يشده... ويمكن بيه شي ضامته... وتريد تنطيه
الچ... واني گتلچ...
وبعد ما سمعت حمزيه هذا الكلام...
اجتي ويايه ركض...ركض...
وگالتله حبوبه ريزانه من شافته اجتي اله هاي المره من ودت عليه... واتئكدت... ريزانه حمزيه ما تحبه رغم كل السوته اله والجرايم الشاركته بيه والمال والحلال الي انطته اله وخلته مريضه وضعيفه ...عد زفار وعافته
تموت وحده..
-شوفي.. انتي بت بتي واخر وحده تگربلي
هاي الگلاده ضامته الچ واني الذهب كله انطيته الچ من زمان وبقت هاي اگلادة امچ
شيلي ثوبي، تلگيه مشدوده عليه اخذيه...
-يحبوبه ريزانه خوش مضمام محد يلگيه واني اگول فتشت اجرودچ وصرتچ مالگيت بيه شي وين ضامته الكلاده... وشالت حمزيه ثوب حبوبته وفتحت احزام الصوف وطلعت الگلاده الرابطته زفار...
-زين يحمزيه اسمعي... عدي وصيه تفيدچ وتدبير يئمن حياتچ گبل ما اموت... حته اموت واني مرتاحه...
-حبوبه خلي زفار تطلع...
- لايحمزيه لن هي طرف بلسالفه الراح انسولفه... ولازم تسمع...
-زين حبوبه.... وحمزيه عوجت وجه من كلام حبوبه ريزانه... بس لازم تعرف شنهي السالفه الي تفيده... لن حمزيه ماتحب غير بس روحه
-حمزيه انتي ما عدج غير حمدان وكل الناس تعرفه مو ابنچ ابن رجلچ واحنه ندري هو هم ابن زفار.. وانتي ما عدچ افروخ.. وماتگدرين اتخلفين..
واذا اليوم ما دره بيچ عاگر ماتخلفين باچر لو بعد اسنين يشك متگدرين تخلفين وماعدچ منه، غير اخميسه بت جميله الاخذناه منه وگلنه هاي بتچ وبت جميله ماتت.. وذاك اليوم راح جاب بت عمه حوري وراد يتزوجه ولوما ماتت واخذتي بته نوارس وما گدرتي تسويه بتچ لن جابه حبله ابشهره وانتي موش حبله ومن كتلتي حوري وگلتي البحر ماتت حوري ابمرض اخته جميله.... بس حوري بته عدله.. سميه بسمك يبحر وبسم جميله لن اني ما اگدر اسميه بسمي لن ما صارلي شهر من جبت اخميسه بتي چا سجلته بسمي... نگول هاي بت جميله حمزيه چانت حاطته ويه اخته اخميسه والناس ماتدري لن اخاف الوادم تعيره من تگبر ويگلوله وين ابوچ محد يعرفه ويدگ اعليه الصيت بلعرب بت حرام ويگلون.... نغله.....
وگدرتي تقنعين بحر يسجله باسمه واسم جميله...
و بحر اليوم باجر عگبه يتزوج ويجيبلچ شريجه تخلفله افروخ... وانتي تدرين ابروحچ ما تخلفين.. لا اليوم ولا بعد اسنين...
-حبوبه انتي ليش تفضحيني گدام زفار..
-افضحچ گدام زفار احسن ما تنفضحين بعد اشكم سنه گدام بحر والنسوان كله... اذا بعد ما خلفتي... وانتي حاسبه اخميسه بت جميله بتچ ....لو نوارس بت حوري اليدري بيه بحر لا بتچ ولا بته.والرجال ايريد ولد موش ابنيه. وابنچ وينه وشلون تخلفيه وتخلينه يشيل اسم بحر...
شتگلين ال بحر بعد اشكم سنه لازم تحبلين..
-زين حبوبه وشسوي شتگلين... شنو التدبير
التگوليه الي...
-زفار منچ وعليچ وتريدچ اتضلين راضيه عنه
وتنفذ الترديه الخاطر ابنه حمدان... مو هيچ زفار...
-اي حبوبه ريزانه... مثل ماتگولين..
-اي حبوبه وبعدين.. گولي... شنو الصرفه..
- تخلين زفار تحبل امكانچ وتجيبلچ الولد وتسوين نفسچ حبله مثل ما سويتي گبل من حبلت جميله... وخليتيه تجيب واخذتي اخميسه الچ... وگلتي بت جميله ماتت..
النوب السالفه اسهل لا تموتين زفار ولا شي
-اي ومين تحبل زفار وتنطيني الفرخ... وهي ماعده رجل وسلمان مات...
-اي صحيح يعني هيه ارملة سلمان مثلچ وتگدر تتزوچ وتخلف
-ومنهو يرضه مرته تنطي افروخه الي..
-بحر يرضه وبدون ما يدري... وفكت حمزيه حلگه والسالفه عجبته واجتي على هواه...
-اي.... حبوبه كملي... وبسرعه گبل ما تموتين وتضل السالفه حصره ابگلبي...
-انتي چلبه يحمزيه بس شسوي... بت بتي....
واريد ابهاي السالفه ربي، يغفرلي...
تكلين البحر هاي زفار رفيچتي، من زمان صديگتي وحيده وهي تريد تظل ابلدنه ما تريد اترد لهله بلسودان... والحكومه ماتخليه تعيش وتشتغل اهنا الا تتزوچ ازلمه من اهنا
حته لو ورقة زواج بلچذب... وهي عده هاي اگلادة امه تنطيه لليعقد عليه على ورق وبس،
مو بلصدگ وتاخذ العقد، وتمشي لولاية البصره اهناك تشتغل... وتقنعينه... وتشوفيه هاي الگلاده الي انطيته الچ هسه وهو هم بحر بعدين وين يوديه... يرده الچ..
-واذا قبل بحر... اشلون تحبل منه زفار اذا هو عقد علورق مو بلصدگ...
-اسمعي... خل اكمل گبل ما موت... وگلبچ اتصير بيه حصره عساه......
-اي يحبوبه گولي ابسرعه...
-وبعدين زفار صحيح سماره چثير بس حلوه واميره
والوگت بعده ماظلم جماله... وتغسل وتلبس، حرير من اهدومه وتتطيب ابعطره
وتروح وياه لمن يريد ايروح للبصره
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وتعقد عقدالزواج اهناك ..لن تگله هي تشتغل اهناك بلبصره... واول يوم تبات عده وتگله بعدهي ما لگت مكان تبات بيه. ومضطره تبات يمه
👰👰👰👰👰👰👰👰
هذا بحر طلع ماخذ النسوان كله و مهجول بلطير والسمچ وحمزيه ماصه دمه ...خل انشوف... زفار النوبيه تلوگ البحر وتگدر تلعب ابعقله...وتحصل منه ولد... اغرب الاحداث بلچزء التالي... .Adella Mahmood
أنت تقرأ
نوارس الباديه ياهو ..للكاتبه ام رحيل ...ع م
Chick-Litكلمة... ياهو.. يستعملها اهل الباديه... ينادون بها من بعيد لمن الواحد ايدور على الثاني ....... فتاة من الباديه ومهندس ري ... اتعارفوا من همه ازغار... وفرقتهم باديات العراق... هو ابن حظر وهيه بدويه.. راعية اغنام... بس الحب.. مايعرف... لاراعي ولا ابن...
