كلمة... ياهو.. يستعملها اهل الباديه... ينادون بها من بعيد لمن الواحد ايدور على الثاني
.......
فتاة من الباديه ومهندس ري ... اتعارفوا من همه ازغار... وفرقتهم باديات العراق... هو ابن حظر وهيه
بدويه.. راعية اغنام... بس الحب.. مايعرف... لاراعي
ولا ابن...
حمزيه... دگت الاساس وذبت الحجر والجص وبدت تبني بيته من الحجر... ومن الفلوس الجمعته من عصام وصگر علت البنيان وصار بيته ابعلو بيت صگر واكبر... ومرت الايام والسنين... وصار عمر نوارس اثمنطعش سنه واخلاص مثله بلعمر ....وطلعت احسن معدل يدخله احسن كليه بس هي اتريد اتصير معلمه مثل ماگال اله ريسان... راح اتصيرين احسن معلمه... واخلاص ابذيله امچلبه، وهم وياه.... نوارس معلمه اني هم مثله... صارن بنات شابات... والبنيه ام عشر سنين... جماله .. ابذاك العمر تدور ...وبرز... وصارت ابنيه الجمال يخجل من جماله والطريق للكليه متروس شباب كلمن يتنطر يشوف.. نوارس بحر... يمته تمر ...وداومت نوارس بلكليه... وصگر يدفع ويصرف عليه ما تململ ولا جزع والي تريده ايسويه اله هي واخلاص واهديل ما غارت ولا گالت شي وظلت مرت صگر الي تحبه وتخدمه طيلة هاي السنين... بس الزمن ما نصفه وما خلفت الولد الي تتمنه تخلفه الصگر... وحارت اشسوت... من حكيمه الحكيمه ومن فتاحة فال الطشاشه... الحكيمه تگله ما بيچ شي والطشاشات يصرطن منه افلوس وينطنه اعشاب ما تعرفه غير بوادي الصحرا....وصگر ساکت وهو ابو الطب والعشب... وكل ما تگله اهديل انطيني دوه بلكي احبل.... يضحك ويگله... كله اگدر عليه ال هاي او...يوديه للمدينه عد الحكيمه... ويه امه ام اهديل -هاااا... يلحكيمه... ليش ما حبلت لسه بعد كل هذا الدوه الي شربته... صار عشر اسنين وما خليت كلشي سويت... وما فاد... -شوفي بنتي انتي كلشي ما بيچ... شوفي رچلج خاف هو العنده السبب.. -يع يحكيمه... صگر ازلمه وهو صگر وچنه صگر ما يعيبه شي... -هذا شي مو ابگيفچ.... لازم هو هم يفحص ويحلل حتى انعرفه صگر لو مو صگر.. هههه.. -بس هوه امخلف گبل يلحكيمه... -شلون يمه شتگلين يمته امخلف ام اهديل هذا حچي جديد اسمعه منچ.. -اي ابنيتي رجلچ متزوج گبلج ومخلف ابنيه... يعني يلحكيمه.. موش عاگر... -اي حجيه مو عاگر بس ايجوز عده صارت امراض وره ما خلف تمنعه من الخلفه هسه لازم ايحلل حتى، اذا عده شي انداويه... لان بتچ صارت زينه وتگدر اتخلف... -زين دكتوره نگله ونشوف ونرد الچ مره ثانيه -لازم من تجون مره ثانيه وياكم تحاليل رجله وطلعت ام اهديل من الحكيمه الي بل الولايه واهديل بعيونه ميت سوال وسوال... تريد تسئله ال امه.......ام اهديل ......😇😇😇
-گولي يمه شنهي السالفه... شني صگر عده ابنيه اشو ما گلتيلي صار هاي اسنين من تزوجت ومنهي هاي البنيه... تره گلبي راح يطگ واني لسه ماخلفت ال صگر وهاي نوارس راح اتصير، معلمه وچماله زاد جماله وكبرت... وخاف ييمه يريده مره اله وتخلف ال صگر گبلي ... ذاك الوكت اموت ابحصرتي.. -اششششش اسكتي يلخبله انتي ما عدچ عقل صارله اسنين من تزوج نوارس وهو ما يعامله الا مثل بته يلخبله شنهي تصيرله مره شنهي تخلف... -يمه... تقصدين نوارس بته الصگر... -اششششش... لا تسمعچ حمزيه والله تگلب على راسچ وراس صگر اهل الباديه ناسه وارماله... وتگول على صگر كافر واخذ بته هذا ابعرفنه جزاته الموت اسكتي لاتهجمين بيتچ... ولمن نختلي ابمكان ما بيه اذان وعيون حمزيه....عود اسولفلچ السالفه.. وفاتت اهديل وامه للبيت بعد ما اجني من الحكيمه، وسولفت اهديل ال صگر اشگالت اله الحكيمه... -هههههه... ههههه وانتي تضنين ي اهديل كل هاي السنين واني الي اعرف بلطب والاعشاب اني ما رحت للطبيب وشفت روحي... لا.. ي اهديل اني ما بيه شي وهاي التحاليل عندي اخذيه للحكيمه تشوفه وهذا رزق من الله... يجي لمن ربچ ايريد وما طول مابيه ولا بيچ شي، انشاله يصير عندچ طفل وتفرحين... -وانت يصگر ما تريد طفل وتفرح بيه ويشيل اسمك -ما كو ازلمه ابهاي الدنيه ما يريد طفل يشيل اسمه چا هذا الحلال والمال المن اريده ي اهديل.. وچانت حمزيه يم الباب دخلت البيت صگر تتسحب بسكوت ابدون ما احد يسمعه واسمعت سوالفهم واضحكت ابگلبه وفرحت انو خطته ماشيه مثل ما تريد... -اي ياهديل عبالچ انتي وامچ تغلبني وتاخذن صگر وحلاله من بين. اديه... لا.. هذا عليچن بعيد والخلفه ما تشوفيه ي اهديل ما طولني احطلچ العشبه ابماي الحب وان شربتي،تشربين من الحب وان طبختي تطبخين من ماي الحب وكله عشبه وتروح ابطنچ... وانتي تشربين الماي البيه العشبه التمنع الخلفه وتگتل كل شي يصير ابرحمچ گبل ما ينخلق ويصير، وينزل دم گبل ما يثبت وانتي ما تدرين... وهاي السنين کله عشبة جدتي، ريزانه الله يرحمه... سوت الشي ال اريده وازود.. ما بقه غير صگر يطلگج ي اهديل.. لنچ ما تخلفين وما طوله ما يريدني... لزمن اخليه ياخذ... بتي اخلاص اخميسه صارت چبيره وحلوه ومعلمه مثل بنات المدينه واخير من اهديل... -اشلونچ ي اهديل انشاله زينه... -هله خاله... ام حمدان اني ابخير الله يسلمچ... اشوف اليوم چايه من الصبح خير انشاله حتى نوارس مو اهنا راحت للكليه هي واخلاص وانتي تعرفين هل شي.. -اي... اعرف بناتي المعلمات الدارسات راحن للكليه بس اني اجيت اريدچ ترحين وياي انتي وامچ البيت ام غالب... حتى انخطب... بتهم هيله ل ابني حمدان.. -يع ي ام حمدان ما تدرين اخوي حنظل حاچي عليه من زمان وامه اموافقه... -والله ي اهديل ما سمعت شي.. والخطبه لازم كل الديره تدري بيه مو سكتاوي هاي ما تصير خطبه هذا ايسمونه عاشگ ومعشوگته... -والله عاد ابکيفچ... ي ام حمدان شتردين اسميه سميه... بس هيله مخطوبه لخوي... وما تصير لبنچ حمدان... -مو على كيفچ ي اهديل... اله اخو وام واني اروح الهم واخطبه وحتى لو يردون وزنه ذهب وافلوس اوزنه... واخذه واگسر خشمچ.. ودخل صگر من باب البيت واهديل لمحته... وصارت شاطره... -عاد ابكيفچ ي ام حمدان لا على کسر خشمي ولا شي البنيه تندليه واذا قبلت بلخير عليچ وعلى حمدان واني اول وحده ترگص ابعرسه -اي جري ناعم هيچ... چنچ حيه مثل امچ... ما ينعرفلچ وجه ولا يثبتلچ جلد.. -ي ام حمدان عليمن هذا الحچي تره اني محترمتچ لجل عين صگر... ما اريد يگلون اهديل مرت صگر تهين ال يدخل بيته... -بيتچ... اسم الله على بيتچ هذا بيتي وبيت بتي نوارس المعلمه المتعلمه... الي راح تجيب ل صگر ولد وبنات مو انتي اليابسه الماحصل منچ بزر ...وصارلچ عشر اسنين عده... وشبقه من عمره وينتظرچ بعد، لمن يموت وتاکلون حلاله انتي وامچ واخوتچ... والله ان ما رضت نوارس تخلف الصگر... الا انطيه اخلاص اخميسه بتي المعلمه... اخير منچ وازغر... -اي خوش چا ابکيفچ ي حمزيه... بس عاد اشلون تنطينه اخلاص اخميسه فوگ نوارس، موش هنه خوات وما يصير يجمع اثنينهن على ذمته... موش هذا شرعنه الي تربينه عليه... -نوارس موش مرته... وانه ادري زين ...صگر ما تزوجه ولا تگرب اله لحد هذا اليوم... -وانتي اشمدريج يحمزيه نوارس موش مرته من اسنين الاتفاق.. من تبلغ سطعش سنه مثلي تصير ادور مرته... -اي كلامچ صحيح ي اهديل وصارله ست اسنين من تعدت سن السطعش سنه... وما بين عليه شي وكل ما اسئله تگلي... صگر عمي مو رجلي... -اي ما گلنه شي، بس تبقه نوارس گدام الناس، مرته ملجهه الشيخ وصارت علئ ذمته... -هذا كلام ...شيخ الديره ملچهه من اثنعش سنه لا ورقه تثبت ولا جهال اجوي للدنيا... وثبت بيهم هذا الزواج....وان ما رضت نوارس ابهذا الزواج... يكون الزواج باطل... وزواج صگر من نوارس چنه ما صار... -اي... ي ام حمدان... فرحتيني، چا بس اني مرته الصگر... وحدي... وهذا بيتي الوحدي لن بتچ مو مرته -هااااا... والله لنچ حياله وتجرين الحچي المصلحتچ.. بس ي اهديل لو تعيشين عمرچ كله ويه صگر... ما تشوفين الخلفه ابعينچ ولا تهدهدين طفل ابحظنچ.. واني مو حمزيه اذا خلفتي... وهنا دخل صگر عليهن بعد ما طگت بطنه وما گدر يتحمل حچي حمزيه... -حمزيه... اني واگف من مده طويله وسمعت الحچي كله... وشوفي.. وگولي صگر گال... ان طلع الچ يد،.. ابعدم خلفة اهديل... لخليچ تردين.. البادية الموصل مثل ما چنتي..... گبل ما تاخذين ابو نوارس،... وتشتغلين شغلتچ الاوليه... تتذكريه لو اذکرج. يحمزيه.... الگاوليه... -هااااا... چا اني ما گلت شي غلط غير خايفه عليك ورايديلك اولاد... -هذا مو شغلچ واني ما عاتب عليچ... ومو ابكيفچ اخذ هاي. اطلگ هاي.. واهديل عدي تسوه نسوان الديره کله.. -هااااا... نسوان الديره كله... حتى نوارس.. وجانت نوارس، توه دخلت للبيت وسمعت حمزيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-اي.. حتى نوارس... يمه.. اشرايده انتي ابهذا الحچي وانتي تدرين اني مو مره العمي صگر من اول يوم طبيت البيته... ويزيدچ علم.. تره اني ما ملچني الشيخ... والملچه صارت بس ل اهديل وصگر... يعني اني مو مرته... -يا... نوارس شنهي هذا الحچي... اسواد وجهك ي بحر تعال وشوف بتك نوارس عايشه ويه رجل غريب بلحرام ابدون ملچه وزواج... واوووووو يلعرب... واوووووو... الحگو دنيانه صارت حرام وعيشتنه كله حرام... وصگر ضحك عليه وما ملچ نوارس، ولا هي مره اله وعايش وياه بلحرام... واوووووو... يلعرب.. واووو.ووو... يلعرب.. واووووو وركضت حميزيه ابنص اخيام عربهم تدگ على وجهه ونافشه شعره وتصيح ابعلو صوته وتسمع... العرب.. نسوان وزلم
