.للكاتبه ام رحيل ...ع م
وصل عساف للديره بعد ما مر على سفرته الدزه اله صكر شهرين وعشر تيام ....والضنون والافكار اخذتنا ومشت بينه لبعيد .. ودزينه وراه ارجال يدورون على عساف ما لكوه ...و لگو عرب الشيخ صركال... راحلين من ديرتهم... وما ينعرف يا وجهه اتوجهو اله...
-هله يعساف ييمه وين رحت وخليت امك يعساف
ليش ييمه هيچ سويت بيه اهه 😂 😂اهه 😂😂 گلت ماكو غير حمزيه ودت وراك زلم گتلوك ودفنوك بلباديه..
-ييمه شجاچ تخافين شنهي حمزيه ملكة الباديه... كله جرد سحاره.... وتابعه لبليس... وابنچ عساف يعرف الدين والقران... وحميزيه ما تگدر على ايات القران حتى لو تلعب ويه الشياطين..
-يمه يعساف... گلب والده... بعدهي ما فرحت ابولده وضاع منه بلبراري ما تعرف عنه شي ولا وين صفه بيه الدهر... چا يمه مو حقي...
-زين يمه حقچ من هيچ نوارس من تلگتني گالت لا تروح العمي صگر ...اول روح لامك تراهي صايره مثل نار ورماد... روح برد گلبه ياله تروح العمي صگر..
-يمه ينطيه العافيه خوش ابنيه وجه خير على الباديه كله... وعيونه نور ضوت الباديه.. وعلامه وفكره خيم على عقول بناتنه وخلاهن مثل بنات القريه... والمدينه
موش غنامات بدويات... يمه وسمعت راح يسمون ديرتنه.... قرية النوارس على اسمه...
وبعد ما كو باديه غربيه وباديه شماليه راح اتصير كله
قريه ابصف قريه منا لحدود اولاية الموصل...
وانت يمه شنهي الاخبار الرحت عليه اشو توخرت... ومحد من عرب الشيخ صركال اجه ياخذ الثار من حمزيه...
-يمه مو وكت حچي لازم اروح العمي صگر... وبعدين تعرفين السالفه....
-زين يمه الله وياك روح... تره صگر واهديل على نار
بس اكو خبر راح يفرحك...
-شنهو يمه... هذا الخبر قابل حمزيه ماتت...
-لا ييمه حمزيه ما يگدر عليه غير صاحب الگدره.. وهو اعلم ليش لسه ما اخذ عمر حمزيه... لابد اكو حكمه..
-چا شنهو اليفرح اكثر من موتت حمزيه..
-اي اكو ولك يعساف... واگلك راح تصير خال عن گريب
ياهو تقصدين...
-چا ولك يمه... اهي منهي غير اهديل متزوجه چا اختك ابابيل بعدهي لسه ما امعرسه....
-صدگ اهديل حبله...
-وعليه صار شهرين... وتدري شنهي السبب...
-ماكو زهراء اخت امهندس ريسان والدكتور عصام ..
هي الگشفت اكو مادة عشبه مغليه ويه الماي تنحط ابماي الحبوب والشراب المترسه ..ابيت صگر لمن ظاگت الماي وهيست ريحه وطعم غريب... تگول انه تعرف هذا الطعم بلماي امسويه علئ هيچ عشبه دراسه وضايگته چثير الهيچ فرقت ابطعم الماي لمن شربته من اول مره..
-وهاي العشبه شله شغل بحبالة اهديل...
اشلون... چا هي من انت رحت اجتي تشوف نوارس وعرفت هاي العشبه يشربنه النسوان بلحضر والباديه
الي ما تريد تخلف لن هاي العشبه تمنع الخلفه... وماكو غير حميزيه... وهي هاي عمايله الرديه... وبس بعد ما تگدر حمزيه توصل الماي الحبوب... وتغيرت الحبوب ونغسلت بينت علامات الحباله على اهديل وهذه شهره الثاني ....
-اي يمه علخير يمه اهديل وصگر صبرو اهواي والله رحمهم... ونشاله تجيب اهديل الولد العمي صگر...
-اي يمه انشاله...
-يمه اني رايح العمي صگر...
-الله وياك يمه يعساف...
ومشه عساف البيت صگر وهو ايباوع للديره الصايره
چنه مدينه من الحركه والوادم والعمال... والبنايتين
الي جاي يرتفعن ابنص الباديه يوم وره يوم..
-ها.. عمي صگر شلونك... شلونچ خويه اهديل.. علخير سمعت خبر حلو... انشاله اتجيبن بلسلامه وتفرحين خويه اهديل انتي وعمي صگر تستاهلون...
-انشاله يوم عرسك يخوي ونفرح بيك والله ينطيك على گد نيتك الطيبه خويه عساف..
-تعال... يعساف وعيفك من السوالف ويه اهديل... تعال سولفلي... وين رحت لفينه عليك البوادي كله ما لكيناك
لا انت ولا عرب الشيخ صركال...
-يعمي... اني هم مثلك لمن رحت على الوصف الكلتلياه
ما لگيت كل عرب ابذاك المكان... بس ارض يابسه مابيه
غير الحجر والرمل... ولمن درت اشمال الديره وجنوبه
وسئلت كل العايشين بلگرب منه... محد عرف اخبارهم
وكل الاسئله يكول من اسنين ما شفنه عرب ابهاي الديره... وضليت اسئل... وادور لمدة شهر...
...واحد يذبني على واحد وكلمن يگلي روح الشيخ افلان يمكن يعرف ...الى ان طحت على خبرهم... واني چاي العربنه بعد ما ايست منهم ....لكيت مره عجوز طايحه بلعمرين... والمرض والجوع... اموصله الحافة گبره وما باقي عنه وعن الموت غير شعره... خيمته منصوبه ابنص الصحره ولا يمه عرب ولا وياه احد... وعده نعجه
مهدوده تروح تاكل وتشرب وترد الخيمته... وساعة التگدر تكمشه اتحصل منه اشوية حليب... وساعة التشرد منه وما تگدر تكمشه يضل العطش والجوع ماخذه.... ولمن وصلت الخيمته... صارله نايمه بفراشه لا ماكله ولا شاربه اله يومين.... لن النعجه الچانت عده ماكلته الذياب وهي هايمه تاكل بلباديه ابدون راعي... وبعد ماردت اله من يومين..... وضليت ويه العجوز اداويه بلعشبه واطببه واجيب الماي واشربه وغسلله... واصيد من البر واشويله بلنار واوکله... وصارلي شهر يمه الى ان طابت وصارت زينه وجسمه بره من المرض
وحملته ولميت خيمته وجبته وياي ولمن وصلنه للعرب
مالتنه وشافت الديره... ما رضت تطب وياي وگامت تبچي... وطلبت مني انصب خيمته بطراف الديره..
وگمت نصبت خيمته بطراف ديرتنه... واجيت اطمنكم عليه واخذله الاكل... وارجع اله لنه تكول ان هي ما عده غير الله ثم اني وگامت تسميني عساف الخير لن تگول طبتك عليه طبت خير واني ابدنياي كله ما امسويه الا الخير. بس عمله وحده خربت كل خير سويته.... وما ادري شنهي هذا العمل السوته... ... وگبل ما نرحل گالتلي...
-حبوبه ي عساف الخير ..اذا هديت عمود الخيمه ولميته... تحفر ابمكان العمود تلگي صندوگ اطلعه يحبوبه بيه ذهبات حبوبتك ذني حلال مابيهن من الحرام ولا درهم ذني الك تداريني امچانهن لمن اموت.. وباقي الليرات الذهب ...ذني التمن ابشغل حبوبتك الطايحه بلعمرين من اعمال الخير.... ذني تصرف بيهن للفقره من اهل الباديه...
-يعمي صگر ولم سئلته ان چان تعرف نواحي عرب الشيخ صرگال.. لگيته تعرفهم وهي چانت من عربهم
وتگول ان عرب الشيخ صرگال... گبل اسنين طويله
حل عليهم بلاء وامتحان عظيم... ابسمعتهم وصيتهم
ابن شيخهم مات ابعز شبابه گبل عرسه على بت عمه بسبوع واحد... تبدلت احوال الولد وگام يسلي لمن مات ....وبعد ما طلع اربعينه ...بت عمه الچانت مملوچه اله هجت من الديره.. وما لگوله اثر...وتگول نسوان عشيرتهم ان البت بانت عليه علامات الحباله وچانت تتأمل ابن عمه يستره ولمن مات گبل العرس خافت يگتلوه وهجت گبل اربعين ابن عمه... وزلمهم
عگب الصار نكست عگله وما حطو العگل على راسهم طول هاي السنين... الئ ان يغسلون عارهم وياخذون ابثارهم
وتغير اسم العشيره... من عشيرة الشيخ صرگال..الى عشيرة ...الشيخ.هدام الثارات... ورحلو البادية الشام الگريبه من سوريا... والشيخ صرگال مات بعد موتت ابنه وشردة بت اخوه من الديره... ومن اسنين طويله ابنه الثاني صار شيخ امچان ابوه واسمه الشيخ هدام..الي على اسمه تسمت العشيره....
-زين يعمي ي عساف وشوكت تروح العرب هدام الثارات...
-اني رديت چي حبوبتي عذاب وياي ردت اجيبه للديره احطه يم امي وادور اروح بس هي ما رضت تدخل للديره وطلبت مني انصب خيمته بطراف العرب... واني اجيت اگللكم وارد... واخذ اختي....
ابابيل تگعد وياهه تداريه وتخدمه... اني رايح يعمي صگر... تامرني ابشي غير الگلته الي...
-لا يعمي روح امودع بالله ولا تتوخر علينه. ترانه انظل ابقلق عليك...
-لا يعمي انشاله ما اتأخر عليك... ويجوز توصلكم اعلومهم گبل ما اوصل اني...
-الله وياك يعساف دير بالك.....
ورجع عساف واخذ اخته ابابيل وراح بيه الخيمة عذاب.
-خيتي ديري بالچ عليه وكليه زين وداريه منا لمن اجي... زين ي خيتي تره هي عجوز چبيره وساعات تنسه وتحچي اشكال وتصيح لا تغتثين منه تره هي خطيه واگعه ابعمر الخرف يخوي والمرض ادور اثر على عقله وساعات.... وساعات....
-اي خويه عساف لا اتخاف اني اداريه واحطه بعيوني چنه حبوبتي، الصدگ...
-حبوبه اني عدي شغل ورايح اشكم يوم وارد وهاي اختي ابابيل جبته يمچ تخدمچ وتسويلچ اكل منا لمن اجي...
-شسمه ولك ي عساف الخير گلت.
-حبوبه اسمه ابابيل...
-حبوبه هاي ابابيل مااريده ي عساف الخير... اهيسه
نازله من السما تريد تعاقبني على عمايلي الرديه واعمالي الشينه...
-لا حبوبه... هاي طير من السما نازل الچ رحمه مو نقمه...
-صدگ ي عساف الخير ...ابابيل طير رحمه الي
-اي حبوبه... يله اني رايح..
-عساف الخير لا تعيف حبوبتك عذاب مثل العافوه
-لا حبوبه.... ما اطول عليچ اشويه وارجعلچ..
وهاي ابابيل يمچ اتخدمج وتونسچ واذا ردتي شي گليله وهي تسولچياه...
-خايفه يحبوبه من ابابيل اشوفه لهيب نار نازل عليه يچويني... موش رحمه الي، يعساف الخير لو عايفني
ابلهيب الهيمه والصحره... يتراوالي الهلاك ابهاي الديره واهيس روحي راح تتعذب وگلبي راح ينزف
وچن هاي الديره شايفته وما اتوقع اشوف الخير منه
-ليش حبوبه هاي ديرتنه ديرة خير ورحمه وناسه طيبين انتي ليش خايفه.
-ادري يحبوبه هاي الديره ديرة خير ورحمه بس حبوبتك عذاب اعماله ما خلتله مكان يرحمه
واليعرفه... کسرة خبز ما يرضه ينطيه... وغذاب الموت اشويه عليه...
-يحبوبه عذاب اشما عملتي وسويتي ربچ رحمته واسعه وانت امبين من حجيچ واعترافچ نادمه وتايبه
والله يقبل التوبه...
-بس الخطايه اهواي ي عساف الخير والذنوب اجبال... والعمر طال..
-اذا طال العمر يحبوبه يعذاب كفري عن ذنوبچ بلخير التسوينه للناس واذا ظاره احد ساعديه يحبوبه حتى هو يغفرلچ والله يغفرلچ ...
يحبوبه ما طول عدة اذنوب اهوايه تگولين ادعي ربچ يطول ابعمرچ حتى تكفرين عنه ابعمل الخير.
-اي يحبوبه ي عساف هاك هذا صندوگ ليرات الذهب... خل يبنون بيه ابيوت الكل اهل هاي الديره
ابيوت من حجر ويهدون اخيام الشعر.
-بس يحبوبه هذا كلش اهواي يبني ابيوت العرب الباديات كله مو بس الباديتنه...
-ميخالف يعساف الخير... اليزود انت توزعه للفقير والضعيف والما عده تچيه ابهذا الزمن وابنيلي مچان
اصلي بيه ويصلي بيه كل اهل الباديه..
-زين يحبوبه الترديه اسويلج اياه... بس اروح واجي
من سفري...
ومشه عساف بعد ما طلع من خيمة حبوبه عذاب وعاف يمه اخته ابابيل تخدمه وما مشه جم خطوه ولا يهيس شي وارتطم بيه
ومن قوة الصدمه تكوم ذاك الشي بلگاع وعساف ظل
فاك حلگه لا ياخذ ولا ينطي. بس اعيون اتباوع ابخوف ورعب ....
😵😵😵😵😵😵😵😵😵
أنت تقرأ
نوارس الباديه ياهو ..للكاتبه ام رحيل ...ع م
ChickLitكلمة... ياهو.. يستعملها اهل الباديه... ينادون بها من بعيد لمن الواحد ايدور على الثاني ....... فتاة من الباديه ومهندس ري ... اتعارفوا من همه ازغار... وفرقتهم باديات العراق... هو ابن حظر وهيه بدويه.. راعية اغنام... بس الحب.. مايعرف... لاراعي ولا ابن...
